ETBko "Tribuaren berbak" saioan oinarrituriko "Hizkuntzen mundua eta euskara deskubrituz" sekuentzia didaktikoak aurkeztu dira.

EITBk sukaldaritza-hiztegi bat sortu du, eta haren webgunean sukaldaritzarekin lotutako 300 sarrera kontsulta daitezke.

Jose Angel Medina da L de Lenguaren 108 podcasteko gonbidatua eta “Trabajar con grupos en el aula” du hizketagaia. Elkarrizketan zehar "taldea" eta "talde zentzuduna" zer diren azaldu ondoren, saiatzen da honako galdera-proposamenei erantzuten: a) beharrezkoak al dira ikasketa kooperatiboak, talde-dinamikak eta antzekoak?; b) zeintzuk dira talde-lanaren abantailak eta desabantailak?; eta, c) gidalerrorik talde zentzudunekin lan egiteko? Eta azkenik, sakondu nahi duenarentzat, hiru liburu proposatzen ditu elkarrizketaren amaieran.

Gramatika-baliabideek zentzu berria hartzen dute testuaren ikuspegitik aztertzean. Horrela dio Angelica Alexopoulou-k eranskin eskaintzen den dokumentuan. Izan ere, testu-generoak eskaintzen duen perspektiba holistikoak aukera ematen du hizkuntza-baliabide guztiak ikuspegi ezberdinetatik lantzeko: funtzionala, nozionala, gramatikala zein pragmatikoa.

Desirazko esanahia duen testu bat idaztean, ahozkoan "al" esan ohi dena idazteko zalantza izan genezake. Nola idatzi: "al" edo "ahal"?

"Primeran! A2 digitala" izena duen IKASTEN plataformako ikastaroaren xehetasunak eta euskaltegiek hura eskuratzeko moduak zehazten dira dokumentu honetan.

Gaur egun, eztabaidagai da hizkuntzen ikas-irakasprozesuetan gramatikaren irakaskuntza: funtzioa, hartu behar duen tokia, lan-metodologia… Izan ere, programazioan ardatz izateari utzi dio, baina ezinbesteko atal bilakatu da. Horrenbestez, "nola bideratu behar da gramatikaren ikas-irakaskuntza testuinguru komunikatiboan?" galderaren aurrean, ez da erraza adostasunera iristea.

Euskaltzaindiaren Hiztegiaren bigarren edizioa aurkeztu berri du Bilbon Akademiak, eta arduradunek adierazitakoaren arabera, modernoagoa, aberatsagoa eta erabilgarriagoa omen da. Paperean eta interneten zabaldu den edizio honek 37.884 sarrera eta 6.944 azpisarrera dauzka, hau da, 44.828 forma eta 61.398 adiera, eta erabiltzailearen esku jarri dira Euskaltzaindiaren baliabide lexikografiko guztiak. Garrantzi berezi hartzen du interneteko bertsioak, besteak beste, papereko eduki guztiak izateaz gain, kontsultak egiteko hainbat erraztasun eskaintzen dituelako.