HABEren zuzendari Jokin Azkuek eman zion hasiera 2025/2026 ikasturte akademikoaren hasiera-ekitaldiari. Segidan, euskaltegi publikoetako ordezkari Karmele Agirregabiriak eta herri-ekimeneko euskaltegietako ordezkari Aize Otañok hartu zuten hitza, hurrenez hurren. Ondoren, Aitor Aldasoro Kultura eta Hizkuntza Politikako sailburuordeak hitz egin zuen, eta, bukatzeko, "Pedagogia inklusiboa" izeneko hitzaldia eman zuen Naiara Berasategi EHUko irakasleak.

Naiara Berasategi Sancho EHUko irakaslea izango dugu hizlari 2025eko irailaren 19an Donostian egingo den helduen euskalduntzearen 2025/2026 ikasturtearen hasierako ekitaldi akademikoan; Ibone Bengoetxea Otaolea lehenengo lehendakariorde eta Kultura eta Hizkuntza Politikako sailburu andrea izango dugu mahaiburu. Hitzaldiaren izenburua, berriz, “Pedagogia inklusiboa”.

2024/2025 ikasturte akademikoaren hasiera-ekitaldiko "La mejora en las organizaciones educativas. Profesionales y organizaciones que aprenden permanentemente" izeneko hitzaldian, hezkuntza-erakundeek eskolako emaitzak eta ekintzen kalitatea hobetu nahi badituzte, curriculumaren, antolakuntzaren eta irakasleen garapena elkarri lotuta aztertzea ezinbestekoa dela adierazi zuen Joaquín Gairínek, Bartzelonako Unibertsitate Autonomoan pedagogian katedradunak. Hemen ikus dezakezu hitzaldi osoa.

HABEren zuzendari Jokin Azkuek eman zion hasiera 2024/2025 ikasturte akademikoaren hasiera-ekitaldiari. Segidan, euskaltegi publikoetako ordezkari Joseba Urrizek eta herri-ekimeneko euskaltegietako ordezkari Rakel Larrazabalek hartu zuten hitza, hurrenez hurren. Ondoren, Ibone Bengoetxea lehenengo lehendakariordea eta Kultura eta Hizkuntza Politikako sailburuak hitz egin zuen, eta, bukatzeko, "La mejora en las organizaciones educativas. Profesionales y organizaciones que aprenden permanentemente" izeneko hitzaldia eman zuen Joaquin Gairín pedagogian katedradunak.

2023/2024 ikasturte akademikoaren hasiera-ekitaldiko "Ahoskeraren lanketa didaktikoa" izeneko hitzaldian, Lourdes Oñederra fonologia-ikerlariak ahoskera zer den definitzeari ekin zion, egungo euskararen ahoskerarekin egin genezakeenaz gogoeta egiteko. Hemen ikus dezakezu hitzaldi osoa.

2023/2024 ikasturtea akademikoaren hasiera-ekitaldiko "Ahoskeraren lanketa didaktikoa" izeneko hitzaldian, zenbait hitz eta letra baliatuz atzekoz aurrerako hurrenkera alfabetikoan paisaia bera leiho desberdinetatik ikusteko saioa eskaini zigun Lourdes Oñederra fonologia-ikerlariak. Hemen ikus dezakezu hitzaldiaren zati esanguratsu bat.

HABEren zuzendari Jokin Azkuek eman zion hasiera 2023/2024 ikasturte akademikoaren hasiera-ekitaldiari, eta Bingen Zupiria Kultura eta Hizkuntza Politikako sailburuak. Segidan, euskaltegi publikoetako ordezkari Marian Toledok eta herri-ekimeneko euskaltegietako ordezkari Aize Otañok hartu zuten hitza, hurrenez hurren. Bukatzeko, "Ahoskeraren lanketa didaktikoa" izeneko hitzaldia eman zuen Lourdes Oñederra fonologia-ikerlariak.

2022/2023 ikasturte akademikoaren hasiera-ekitaldiko "El arte de dar clase (según un lingüista)" izeneko hitzaldian, bere ustez irakasle batek izan behar dituen 7 ezaugarriri buruz mintzatu zaigu Daniel Cassany, Bartzelonako Pompeu Fabra Unibertsitateko ikertzaile eta irakaslea. Hemen ikus dezakezu hitzaldi osoa.