2018-1 ebaluazio-irizpideak bateratzeko saioak antolatu ditu HABEk. Hemen dituzu horiei buruzko informazioa eta izena emateko formularioak. Gainera, bertan duzu erantsita AZTERTZAILE IZENDATUA izateko eskaera-formularioa.

La conferencia pretende mostrar los procesos y factores que intervienen en el desempeño de la interacción oral, con el doble objetivo de entender las dificultades que ofrece esta destreza comunicativa para los aprendices no nativos y de reflexionar sobre las estrategias que pueden ayudarles a resolverlas.

European Portfolio for Student Teachers of Languages (EPOSTL) dokumentua 2007an eman zuen argitara Europako Kontseiluak. Izenak dioen bezalaxe, hizkuntza- irakaslegaiei dago zuzendua, eta autobaluazio-estrategia gisa erabiliz, izandako esperientziak eta horien gaineko hausnarketak biltzeko aukera eskaintzen du.

Artikuluak Zornotzako Barnetegiak —Azkue Fundazioarekin, Igerrak komunitatearekin eta Durangoko Azokarekin elkarlanean— Instagram sare sozialean burututako esperientzia didaktikoak batzen ditu.

Ekintza komunikatiboa irakaskuntzaren oinarri dugun honetan, Web 2.0ra egokitu beharra errealitate bihurtu zaigu. Barnetegiak Instagram hautatu du, Sarea eta didaktika uztartzen hasteko, nahiz eta beste sare sozial batzuetan ere badabilen; izan ere, aplikazio bertikala eta erraza izateaz gain, irudia oso lagungarria izan daiteke, zertarako-eta kontzeptuak ikasten, finkatzen eta zabaltzen laguntzeko.

Lehenengo ekimenean, esaera zaharrak zabaltzea izan da helburu nagusia; bigarrenean, berriz, kultura. Gure ustez, biak ere garrantzi handiko elementuak dira hizkuntzan; biak ere ezinbestekoak, komunikazioan oztoporik ez izateko; biak ere, beraz, landu eta zabaldu beharrekoak.

Azken urte hauetan, aipatzen da oso garrantzitsua dela ekintzara bideratutako ikuspegia lantzea, zertarako-eta garatzeko bai ikasleen autonomia, baita Life Long Learning kontzeptua edo bizitza osorako ikaskuntza ere. Ikasgelaren barruan eta kanpoan ikuspegi hori erabiliz lan egiten badugu eta ikuspegi hori web-tresnak baliatuz ezarriz gero, komunikazio- gaitasun digitala ahalbidetuko duten ikaskuntza-estrategiak sustatu eta ikasle autonomoen eta prosumirtutzaileen (kontsumitu + produzitu + elkarri eragin) kontzeptua garatu ahal izango dugu, atzerriko hizkuntzen ikaskuntzan. Artikulu honetan, Gaztelania Atzerriko Hizkuntza Gisa proiektu digitalen bidez (gure kasuan, podcast-en bidez) ikasteko prozesuen aldeko arrazoiak eman nahi dira.

Lankidetzak eta talde-lanak garrantzi handia dute prestakuntza-prozesuetan. Horregatik, web 3.0 tresnek ahalbidetu eta areagotu egiten dute talde bateko partaide izatearen sentsazioa, eta, horrenbestez, komunikatzeko gaitasuna aro digitalean.

Ekintzara bideratutako ikuspegia ikasgelara eramateak eta planteamendu hori zeregin digital bidez osatzeak ikuspegi zehatzagoa eman diezaguke irakasleon eta ikasleon prestakuntza-prozesuetan esku hartzen duten gaitasunez, jarrerez, prozesuez, trebetasunez eta jakintzez.

La AF ha dado lugar a diferentes tipos de intervención en los ámbitos del input y del output. En esta ponencia, presentaremos y comentaremos algunas de las actividades más representativas en uno y otro sentido:

1 Tratamiento del input:. actividades deductivas e inductivas de toma de conciencia gramatical (consciousness-raising activities – ATCG;) y actividades de procesamiento del input o de input estructurado (input processing activities, structured input activities - API) La ponencia aborda los principios que deben regir ese trabajo.

2 Producción de output: actividades de output estructurado (structured output activities - AOE) y las de gramatización (grammaticization activities - AG).

AURKEZPENA ETA TREBAKUNTZA-SAIOAK

Primeran! B1 ikasmateriala argitaratu berri du HABEk. Metodoaren ezaugarriak eta planteamendu didaktikoaren berri emateko saioak antolatu dira euskaltegietako irakasleentzat.

AEK-ko Maider Barandiaran, Aitor Ogiza eta Andoni Tolosa irakasle eta metodoaren egileek emango dituzte saio hauek.

Esan liteke irakurmena ikasprozesuaren muina dela eta estu-estu loturik dagoela idazmenarekin. Edonola ere, hausnartzea komeni da ea nahikoa egiten dugun ikaslea irakurle trebea izan dadin. Irakurmenak soinuarekin ere badu lotura. Izan ere, isilean egiten dena irakurtzeko modu bat baino ez da, ahots altuan ere irakur daiteke eta ez da umekeria; are gehiago, irakurle trebeak entzun egiten du testua. Ondorioz, ikasgelan tartea egin beharko zaie irakurtzeko bi modu horiei: isilari eta ozenari.

Nahiz eta sumatu berezko “musika” duela hizkuntza bakoitzak, euskaraz ez da asko landu prosodia deritzon esparrua, eta didaktikan badago hutsune hori betetzeko beharra, ahoskera edota tonua bigarren mailakotzat jo ohi diren arren; prosodia desegokiak ulermena oztopa dezake. Ondorioz, prosodia-gaitasuna azpimarratu eta landu behar da, ikasprozesuaren hasiera-hasieratik, errotik aldatuta ikasgelako dinamika. Ikuspegi horretatik abiatuta, zenbait jarduera praktiko proposatuko dira artikuluaren bukaeran.