Adimen artifiziala aldamio-tresna gisa

“Spanish language learning in the AI era: AI as scaffolding tool” [AA garaian gaztelania ikasten: AA aldamio-tresna gisa] artikulua argitaratu berri dute. Testu horren oinarri den ikerketan, gaztelania hizkuntza gehigarri gisa ikasten ari diren hamar ikaslek ChatGPT nola erabili duten aztertu dute Shanshan Huang eta Daniel Cassanyk. Ikerketak baditu mugak baina, hala ere, zenbait ondorio praktiko atera daitezke adimen artifizialaren erabileraz, besteak beste, eta izenburuan ageri denari jarraikiz, halako erremintek ikasprozesuetan aldamiatzean izan dezaketen rolaz. Labur esanda, adimen artifizialak H2en ikaskuntzarako erreminta gisa dituen alderdi sendoak eta mugak aztertu nahi izan dituzte ikertzaileek. Hortaz gain, beste ikerketa eta lan batzuen berri ere badugu artikuluan.

INGURA euskara online: prestakuntza-saioak kudeatzaileentzat eta irakasleentzat

2024-2025 ikasturtean abiatu zen INGURA, euskara online ikasteko ingurune digitala. Ikasturte honetan A1 maila eskaini da osorik, eta euskaltegi, autoikaskuntza-zentro zein erakunde batzuetan hasi dira ingurune hau erabiltzen. Aurreikusita dago 2025-2026 ikasturtean A2 maila ere osorik eskaintzea. Hori dela eta, HABEk bi prestakuntza-saio antolatu ditu INGURA erabiliko duten irakasle zein kudeatzaileei begira.

Blogak eta sare sozialak, ikaskuntza esanguratsua sustatzeko

Zer gertatzen da ikasleek blog edo sare sozialen bidez plazaratzen dituztenean beren ideiak? Zer-nolako eragina izan dezake horrek ikaskuntzan eta motibazioan? Ikasleek eduki multimodalak sortu eta partekatzen dituzten egitasmoek gaitasun digitalak, lan kolaboratiboa eta komunikazioa indartzen dituzte, eta horrek ikasleen motibazioan eragin positiboa du, haien parte-hartzea areagotzen baita. Irakasleak testuinguru esanguratsuak sortu, ikasleen ekimenak gidatu eta ikuspegi kritikoa sustatzen du. Helduen euskalduntze-prozesuan ere, proposamen hauek ikasleen ahotsa gizarteratzeko eta elkarlana sustatzeko aukera ematen dute.

HEOCeko adierazpide linguistiko batzuek B2 eta C1 azterketetako idazlanetan duten isla. HABE-IXA corpusa aztergai

Lan honetan Helduen Euskalduntzearen Oinarrizko Curriculumeko adierazpide linguistiko zehatz batzuek benetako ekoizpenetan zer-nolako agerpena eta erabilera duten ezagutzeko burutu den ikerketa aurkeztuko da. Egiaztatze-prozesuetan aritu izan diren hainbat adituk HEOCeko adierazpideen artean B2 eta C1 mailetan erabiltzeko desiragarri diren 5 fenomeno lehenetsi ondoren, HABE-IXA corpuseko 240 idazlan aztertu dira. Horretarako Markin tresnaren bidez aukeratutako adierazpide linguistikoen agerpen-kopurua, erabilera zuzenak eta erabilera okerrak eskuz etiketatu dira. Horrela, teoriak (HEOCak eta adituek) diotena eta ekoizpen errealek islatzen dutenaren arteko aldea enpirikoki aztertuz, bai hizkuntzalaritza konputazionalaren alorrean interes orokorra dutenentzat, bai euskararen irakaskuntza- eta ebaluazio-esparruetan jarduten duten eragileentzat, ekarpen bat egitea da artikulu honen xede nagusia. https://doi.org/10.54512/VXDE7178

1250 – Adimen artifiziala, irakasleen gaitasun digitala aberasten

Ikastaroak AEKko irakasleen gaitasun digitalak hobetzeko xedea du, adimen artifizialaren erabilera praktiko eta pedagogikoak barneratuz. Adimen artifizial sortzaileen azken aurrerapenek irakasleen lanbidean aldaketa sakonak ekarri dituzte. Gainera, ebaluazio-metodoak eta -estrategiak ere eguneratu behar dira, ikasle bakoitzaren aurrerapena zehatzago neurtzeko eta hezkuntza prozesua pertsonalizatzeko aukera emanez. Horrela, ikastaro honen bidez, irakasleak teknologia berrien erabilera didaktikoan trebatuko dira, etorkizuneko erronkei eraginkortasunez aurre egiteko prestatuz.

Adimen artifizialarekin euskara praktikatzeko aukera

Sarrera honetan, adimen artifizialaren bidez euskaraz hitz egiteko aukera bat aurkezten da. Adimen artifizialaren bidez. Gaur egun, ChatGPT mugikorretarako aplikazioak, esaterako, "Advanced Voice" funtzioa eskaintzen du, eta, horri esker, erabiltzaileek euskaraz hitz egin dezakete, eta, nahi izanez gero, aldi berean edo elkarrizketaren ondoren, transkripzioa ikusi ere bai. Tresna honek mintzamena lantzeko eta hizkuntza-gaitasuna hobetzeko baliabide berriak eskaintzen ditu. Funtzio hori aktibatzeko, aplikazioa deskargatu eta mikrofonoaren ikonoa sakatu besterik ez da egin behar. Adimen artifiziala lagungarri izan daiteke euskara praktikatzeko, urrutiko mintzalagun digital gisa erabiliz.

"Una introducción a la enseñanza semipresencial: cómo conectar dos mundos" web-mintegia (2. saioa)

Deirdre Barry-Murphyk web-mintegi bat eman zuen bi saiotan gaztelaniaz otsailaren 11n eta 18an HABEk antolatutako Ikastaroen barruan, “una introducción a la enseñanza semipresencial: cómo conectar dos mundos” (Nola konektatu bi mundu.

H5P aplikazioaren erabilera eskolan

H5P tresna digital bat da, HTML5 teknologiaren bidez eduki interaktiboak sortzeko aukera ematen duena. Irakasleek baliabide hau erabil dezakete beren eskoletan jarduera dinamikoak eta parte-hartzaileak garatzeko, eta egokia izan daiteke jardun biko irakaskuntzan, esaterako.