IATEFL erakundearen barruko Testing, Evaluation and Assessment SIG taldeak irailaren 25erako antolatu duen ekitaldi baten berri eman du: 'Lessons learnt from online assessment practices under Covid-19' ("Covid-19aren garaiko online ebaluazio-praktiketatik ikasi duguna"). Doakoa izango da eta hainbat hizlarik hartuko dute parte.

2015eko uztailaren 22ko Agindu bidez indarrean jarritako Helduen Euskalduntzearen Oinarrizko Curriculumaren bigarren argitalpena da hau, 2015eko lehen argitaraldian atzemandako okerrak zuzenduta eta eguneratuta.

https://doi.org/10.54512/HEOC-2021

Azken asteotan emojien eta emotikonoen gaia aipatzen duten bi testurekin egin dut topo Interneten. Ez dakit kasualitate kontu hutsa besterik izan ez den, baina gaiari buruz bila hasteko bidea eman dit. Hala, eguneroko gure jardunerako izan dezakete erabilerarik sarrera honetan aipatutako edukiek.

Carmen Pastor Villalba doktorea izango dugu hizlari 2021ko irailaren 17an Gasteizen egingo den helduen euskalduntzearen 2021/2022 ikasturtearen hasierako ekitaldi akademikoan; Bingen Zupiria Gorostidi Kultura eta Hizkuntza Politikako sailburu jauna izango dugu mahaiburu. Hitzaldiaren izenburua, berriz, "Las competencias clave del profesorado de lenguas segundas y extranjeras".

2021eko uztaila-abendua.

https://doi.org/10.54512/ZGTA3532

BESTELAKO LANKIDETZAK

- Bigarren hizkuntzako klaseetako plangintza: hiru aldiko narratiba (Vicenta González Argüello)

- Antzerki-teknikak ikaskuntza-eragile gisa: rol-jokoa eta antzezpena (Eduardo de Ágreda Coso)

- Ebaluazioa hizkuntzen eskoletan. Egiteke dagoen berrikuntza (Vanessa Ruiz Torres, Francisco Javier López Tapia eta Lola Torres Ríos)

- Helduen irakaskuntza eta lineako taldeen dinamika (Ximena Miranda Olea)

IKERKETAK

- Interakziozko feedback zuzentzailea hizkuntzen ikas-irakaskuntzan (I). Gaiaren aurrekariak, zergatik, noiz eta nola zuzendu (Marga Ibáñez Ramos)

Campamento Nortekoen ekimen batean oinarrituta, lau galderarekin gatozkizue ikasturte/ikastaro bukaeran, nahi duenak eta nahi duen eran erantzunak hemen parteka ditzan (idatziz, bideoz...): egindakoaren alde onak, datozkigun erronkak, udan lagun izango ditugun ahotsak...

Gurean ezaguna den Daniel Cassanyren “El arte de dar clase (según un lingüista)” liburua plazaratu da 2021eko urtarrilean. Zehatza izan arren, irakurterraza da. Bere hitzetan, irakasle hasiberriarentzat lagungarria izatea espero du eta, aldi berean, hausnarketarako pizgarri eskarmentua duenarentzat. Izan ere, egunero irakasleak egiten duen hainbat galderari erantzun nahi izan dio aditu katalanak, eta, horregatik, pista, gako eta baliabide ugari aurkituko ditu irakurleak.

Euskarari buruzko 2020ko bibliografia hautatua dokumentua prestatu dute HABE liburutegian. Euskararen didaktikari, euskararen psikolinguistikari eta Euskal Herriko egoera soziolinguistikoari buruzko bibliografiaren hautaketa bat da, duela hiru urte hasitako bideari jarraikiz.