"Zure hatz marka euskaraz!" kanpaina abian jarri berri du Eusko Jaurlaritzaren Hizkuntza Politikarako Sailburuordetzak, Gobernu Kontseiluak apirilean onartu zuen Euskararen Aholku Batzordearen Ingurune Digitalean Euskara sustatzeko batzorde-atal bereziak adostutako “Euskararen Ingurune Digitala: Gomendioak 2021-2024” dokumentuan proposatutakoei jarraikiz.

Kanpainaren helburua eremu digitalean euskararen erabilera sustatzea da eta horretarako ardatz bi izango ditu:

• gazteek euskaraz sor dezaten bultzatzea (lehiaketak antolatu dira horretarako);
• euskaldunok erabiltzen ditugun gailuak euskaraz konfiguratzeko deia egitea (hori bideratzeko laguntza eskainiko da, gainera).
  

Gozatu sarean euskaraz webgunean daude kanpainaren osagai nagusiak diren bideo-tutorialak eta 13-25 urte arteko gazteei zuzendutako Tik Tok/Instagrameko lehiaketaren ingurukoak.