Euskaldunen hizkera sexistaz mintzo dira Irene Arrarats eta Maialen Berasategi BERRIAren "Ezer ez eta festa" podcastean. Honako galdera hauekin abiatzen dute podcasta: “Nola neurtzen da hizkuntzen zama sexista? Hizkuntza bat sexista izan daiteke ala hiztunak gara sexistak?“.

2024an euskara eta genero-berdintasunari buruzko ikerlanak egiteko lau bekatarako deialdia argitaratu du Kultura eta Hizkuntza Politika sailak (2024ko apirilaren 12ko Kultura eta Hizkuntza Politika sailburuaren Agindua, 2024an euskara eta genero-berdintasunari buruzko ikerlanak egiteko lau bekatarako deialdia arautzen eta onartzen duena; 2024ko apirilaren 18ko EHAA).

Artikulu honetan, gogoeta egiten da hezkuntzan genero-ikuspegia txertatzeari eta euskararen erabilera ez-sexistari buruz. Artikuluan, genero-ikuspegia irakaskuntzan eta ikerketan txertatzeko gida bat aurkezten da. Gida hori Deustuko Unibertsitatean koordinatu du artikulugileak, eta arreta berezia jarri du irakaskuntzan eta genero-ikuspegiaren ezarpenari jarraipena egiteko adierazleetan. Gai hori hizkuntzen eta, zehazki, euskararen irakaskuntzan izan dezakeen eraginarekin lotzen da, eta, beraz, irakasleen komunikazioan hizkera inklusiboa eta ez-sexista erabiltzeari ere erreparatuko zaio.

"Berdintzen" beka-deialdiaren bitartez argitaratu diren bost ikerketa-lanen aurkezpen-ekitaldia egingo du Eusko Jaurlaritzak, mintegi-formatuan, otsailaren 29an. Aurkezpena aurrez aurre edo online ikusi ahal izango da. Izena eman behar da aldez aurretik.

"Iragana irudietan komunikatzen: generoaren ikuspegitik sortzeko eta aztertzeko tresnak" izeneko argitalpena oso baliagarria gerta liteke edozein esparrutan; esaterako, helduen euskalduntzean erabiltzen diren material didaktikoak eguneratzeko genero-ikuspegiaren arabera.

Puri-purian dugun gaia dugu adimen artifizialarena. Sarrera honetan, izan duen esperientzia kontatuko du Marga Ibáñez euskara-irakasleak eta eskolan erabiltzeko aukera batzuk aurkeztuko ditu.

Kanpainaren leloak aldarrikatzen du gizartean emakume gehiago behar direla erabaki- eta eragin-postuetan. Era berean, erakusten du zeintzuk diren emakumeei lidergo-postu horietara berdintasunez iristea eragozten dieten oztopo nagusiak, eta, mito faltsuak eraisten ditu.

Horretaz gain, komunikabideetan, kanpoko euskarrietan, eta sare sozialetan ikusgai jartzeko kanpainari buruzko materialak ere sortu dira: kartelak, irrati-iragarkiak, bannerrak… eta ikusgai daude Emakundeko web-orrian.

HABEren I Berdintasun planean (2019-2022 epeari dagokionean hain zuzen) EAEko euskaltegiekin lotura duten hainbat ekintza garatzeko orduan kalitatezko informazio eguneratua izateak zuen garrantziaren inguruko hausnarketatik dator txosten hau: "EAEko euskaltegietan emakume eta gizonen arteko berdintasunaren aldeko neurriak, politikak eta jarrerak ezagutzeko diagnostikoa. Emaitza nagusiak. 2022ko maiatza". Farapi Koop. Elkartea da ikerketa eta txostena egin duena.

https://doi.org/10.54512/PVLX5877