Atsegin dugu jolasean aritzea. Gizaki garen aldetik, jolasaz modu naturalean gozatzeko programatuta gaude. Soziologia, etnologia eta antropologia duela mende batetik baino gehiagotik arduratu dira frogatzeaz zer garrantzi duen alde ludikoak giza kulturaren garapenean.

Kultur azterketen barruan saihestu ezineko hainbat proposamen daude, Johan Huizing-enak (Homo Iudens) eta Roger Caillois-enak (Los juegos y los hombres), besteak beste. Azken urteotan, ludologiaren eta games studies izenekoen ekarpenak azaltzen ari dira jokoak gaur egungo gizartean zer rol betetzen duen zehatz-mehatz. Ikerketa horiei guztiei esker, ziur dakigu historian zehar giza izaerak berezkoa izan duela jolasa. Sicart-ek zehazten duenez (2009), "esperientzia ludikoa sistema baten eta bere kultur esanahien arteko elkarrizketa bat da, joan-etorriko mugimendu bat” (58. or.).