Adimen artifiziala: hiru euskara-irakasleren esperientzia eta iritzia

2025eko uztailean “Adimen artifiziala helduen euskalduntzean” ikastaroa antolatu zuen HABEk, Euskal Herriko Unibertsitatearen Udako Ikastaroen baitan. Euskara-irakasle batzuk aritu ziren bertan hizlari. Horietako hirurekin hitz egiteko aukera izan genuen; haiek esandakoak bilduko ditugu artikulu honetan. https://doi.org/10.54512/ALFK3698

Moodle: ebaluazioa eta feedbacka (Marga Ibáñez Ramos)

Marga Ibañéz Ramosek grabatutako bideo laburra. Oinarrizko bibliografia ere badago, erantsitako pdf fitxategian.

Zertarako eta zergatik Moodle? (Andoni Tolosa Goikoetxea)

Andoni Tolosak grabatutako bideo laburra. Oinarrizko bibliografia ere badago, erantsitako pdf fitxategian.

Adimen artifizial sortzailea hizkuntzen irakaskuntzan. Irakasleen aukera eta gaitasun berriak

Adimen artifizial sortzailea hizkuntzen irakaskuntza eraldatzen ari da irakaskuntza-prozesuetan; izan ere, erraztu egiten ditu irakaskuntza-plangintza, zereginen diseinua eta ebaluazioa. Gainera, aukera ematen du materialak pertsonalizatzeko, atazetan oinarritutako ikaskuntza sustatzeko eta atzeraelikadura hobetzeko. Bestalde, adimen artifizial sortzailea ezartzeko, gaitasun digital espezifikoak garatu behar dira eta erabilera kritikoa eta etikoa sustatu behar da eskolan. https://doi.org/10.54512/FLAA2156 JATORRIZKO ARGITALPENA Pujolà, J. T. eta González Argüello, V. (2025). La inteligencia artificial generativa en la enseñanza de lenguas. Nuevas posibilidades y competencias docentes. Textos, Didáctica de la Lengua y de la Literatura, 108. Aldizkariaren eta egileen baimenaz egokitua, itzulia eta argitaratua.

Adimen artifiziala hizkuntzen ikaskuntzan eta irakaskuntzan. Promesetatik ebidentzietan oinarritutako aurrerapenetara

Adimen artifiziala bat-batean eta indarrez sartu da hizkuntzen irakaskuntzan. Hasierako promesetatik harago, beharrezkoa da ikuspegi orekatua eta funtsatua AAk hizkuntzen ikaskuntzan eta irakaskuntzan duen eginkizunaz. Horretarako, AAk ikasleen eta irakasleen arteko harremanean duen eragina aztertuko da, hizkuntza-jarduerei (ulermena, adierazpena, elkarreragina eta bitartekotza) eta gizarte- eta pedagogia-zereginei dagokienez. Era berean, hizkuntzen irakaskuntzan AAren erabilera kokatzeko printzipio pedagogiko batzuk proposatuko dira. https://doi.org/10.54512/GJDS5646 JATORRIZKO ARGITALPENA Trujillo Saéz, F. (2025). Inteligencia artificial en el aprendizaje y la enseñanza de lenguas. De las promesas a los avances basados en evidencias. Textos, Didáctica de la Lengua y de la Literatura, 108. Aldizkariaren eta egilearen baimenaz egokitua, itzulia eta argitaratua.

2025/2026 ikasturtean A1 eta A2 INGURA ikastaroen eskaintza zabalik

Euskara online ikasteko INGURA (inguraonline.eus) ikas-ingurune eleaniztun digitalak A1 eta A2 mailako ikastaroak eskainiko ditu 2025/2026 ikasturtean. Ingurunean bertan euskaltegien eskaintzak bistan izango ditu ikasleak eta bertatik matrikulatu ahal izango du.

Canva diseinu didaktikorako tresna

Canva diseinu grafikorako tresna intuitiboa da, eta online erabil daitekeena. Irakasleek material didaktiko bisualak sortzeko erabil daiteke: kartelak, aurkezpenak, infografiak, fitxak, irteera-txartelak eta abar.

Urrutiko hezkuntzari buruz García Aretio adituaren laburbilduma

Lorenzo García Aretio aditua dugu urrutiko hezkuntzan. Bizitza profesionalean hezkuntzako etapa guztietan aritu da, bai irakasle gisa, bai zuzendaritza-taldeetan; azken urteetan, UNEDeko Hezkuntza Fakultatean. 80 urte betetzerakoan, laburbilduma bat osatzeari ekin dio bere blog akademikoan. Dagoeneko,, 66 sarrera argitaratu ditu 2025eko urtarriletik; 100era iristea da asmoa.