lrakurketa-klasea komiki-ariketa bihurtzea eta galde-erantzunezko tekniken alternatiba kilikagarria aurkitzea iradokítzen du Kevin Smithek, Ingalaterran, ltalian eta Grezian irakasle izan denak.

Artikulu honen izenburuak nolabaiteko eszeptizismoa adieraz lezake, bigarren hizkuntzaren eskurapenari buruzko ikerketen aurkikuntzak ikasgelako irakaslanean aplikatzeko posibilitateaz. Ni konbentziturik nago bigarren hizkuntzaren ikerketak epe luzera zeresan handia duela irakaslanean. Halere, nire ustez, momentu honetan ekarpen hori ez da hainbeste syllabusaren edukiaren edo irakasmetodo espezifikoen garapenaren alorrekoa; irakasleek berek eta beren ikasleek lar dezaketenarekíko duten itxaropenaren garapenean du zeresana.

Honela, bada, nire izenburuak bi motako "itxaropenak" lantzen ditu: (1) irakasle nahiz ikertzaileen itxaropenak, bigarren hizkuntzaren eskurapenaren ikerketen aurkikuntzek izango dituztela inplikazioak "zer" irakatsi eta "nola" irakatsi jakiteko; (2) irakasleen itxaropenak beren buruekiko eta beren hizkuntz ikasleekiko.

Artikulu honetan bigarren hizkuntzaren eskurapenaz nolako ikerketa egin izan den eta egiten ari den berrikusiko dut labur-labur. Gero, orain arteko ikerketatik atera litezkeen generalizazioak -nire ustez, onarpen zabalena dutenak- laburbilduko ditut. Azkenik, nire ustez, generalizazio hauek bigarren hizkuntzaren irakaskuntzari aplikatzeko egokiak diren bideak aztertuko ditut.

Kezka haundia dut "funtzioen lanketa", goiko urratsetan batez ere. Orain arteko programazioetan ez zen inolako funtziorik aipatu ere egiten, baina honezkero erabat baliagarri direla jakin dut. Kontua da nota txertatu funtzíoak gure programazioetan, zein funtzio aukeratu eta beste mila kontu, erantzuteko zinez zaílak dírenak

Lan honek gazteleraz "Coloca 4" izenez argitaratuta dagoen jokoa euskarazko klaseetan zelan erabil daitekeen azaltzen du. Helburua: eduki zehatz batzuk barneratzen laguntzea.

Azken urte hauetan euskaltegietan eta euskararen irakaskuntzan arazo larri batekin egin dugu topo. Eta arazo horren izena "Mintzamena" da. Askotan zaila da problema benetan zein den jakitea, baina jakin badakigu atal horretan ez dugula nahi besteko zuzentasunez asmatzen. Ikasleek euskaraz hitz egin dezaten, aspaldidanik teknika bat erabili izan dugu: itsulapikoajarri gelan eta erdaraz hitz egiten zuenak duro bat bota behar zuen. Honekin zera lortu nahi zen: erdaraz hitz egiteko joera gutxitzea eta euskaraz hitz egitekoa indartzea. Baina zigorra erabiliz bakarrik ez dugu nahi dugun ondorioa lortzen, zigorrak beti indartze positiboarekin lotuta joan behar baitu. Zigorra bakarrik erabiliz, ez dugu ondorio negatiboak besterik lortzen.

Euskarak ezkerraldeko herrietan orain iluna eta etorkizun beltza ditu. Gure hizkuntzak kaleetan duen presentzia oso urria da. Euskaltegiak uharte xumeak dira itsaso erdaldunaren erdian. Eta, hau gutxi balitz, beste hau ere gertatzen da: agian eguneroko bizitza erdaldunaren poderioz edo inertziez, edo euskara ikasteko motibazio praktiko hutsak eraginik, edo beste arrazoiren batengatik, ikasle askok euskaltegian bertan ere gaztelania erabiltzen dutela barra-barra. Arazo horri aurre egiteko antolatu genuen Santurtziko Udal Euskaltegian euskararen erabilera bultzatzeko kanpaina.

Ezin esango dugu lantxo hau HABEren sorreratik hona gertatuaren balantzea denik, ezta gutxiagorik ere; oraingo hau azaletik begiraturiko hainbat daturen bilduma baizik ez baita. Horregatik, hain zuzen, ez duzu hurrengo orrialdeotan inolako baloraziorik aurkituko. Erakunde hau, 1981.ean sortua, eta hurrengo hamar urteetan gertatua hori baino sendoagoa, sakonagoa eta garrantzitsuagoa da, noski, oraingoa bezain arin tratatua izateko. Honako laburpen txiki honek ez luke, beraz, ez galaraziko ezta ordezkatuko ere hamarkada honetan HABEk egin eta garatzen ari den lanak merezi duen azterketa sakona.

Ikaslearen aribide independenteak ikasteko estrategia eraginkorrak eskatzen ditu. Estrategia hauek garatu aurretik, bere ikasteko moduak nolakoak diren garbi jakin beharko du. Kontzientizazio-prozesua ikasgelako jardueraren zati bat izan daiteke.