Maider Barandiaran irakasle eta material-egileak egin zuen Donostiako HABEren egoitzan Primeran! A2 materialaren eduki nagusien aurkezpena, Gipuzkoako euskaltegietako irakasleen aurrean. Saio hartan grabatutako jardunaren laburpena duzu segidan.

Atzoko egunez eman zuen argitara ISEI-IVEI erakundeak Ebaluazio Diagnostikoaren bosgarren edizioa, funts publikoekin finantzatutako ikastetxe guztietako ikasleen konpetentzia-mailak ezagutzera bideratutako tresna. Oraingoan Derrigorrezko Bigarren Hezkuntzako 2. mailako ikasleek hartu dute parte. Haien hizkuntza-komunikazioko konpetentzia (euskaraz, ingelesez eta gaztelaniaz), matematikakoa eta zientzia-kulturarako konpetentzia aztertu dira.

Gaurko egunez argitaratu da otsailaren 22ko HABEren zuzendari nagusiaren Ebazpena, 2016. urteko ohiko deialdiak egiten dituena (eranskinean), HABEren Erregistroan inskribatuta dauden euskaltegietako eta euskararen autoikaskuntzarako zentro homologatuetako ikasleek Helduen Euskalduntzearen Oinarrizko Curriculumean zedarritutako komunikagaitasun-mailak egiazta ditzaten.

Datorren astelehenean argitaratuko da 2016ko ohiko deialdiak arautzen dituen HABEren zuzendari nagusiaren otsailaren 22ko Ebazpena, hain zuzen, urteko ohiko deialdiak egiten dituena. Aurtengo egiaztatzegintzak urteko lan-jardunaren zati bat hartuko duen heinean, eranskin eta argigarri gisa duzu deialdi horien nondik norako nagusiak zehaztu nahi dituen dokumentua.

Kataforak ondoren zerbait datorrela iragartzen duten hitzak dira, eta bi puntuekin batera idatzi ohi dira. Hau erakuslearekin batera, honako hau ere erabiltzen da batzuetan, eta izen bat tartean duela ere bai: "honako gai hau”. Kataforek laguntza ederra ematen digute zerrenda luzeak ematean, esaterako.

Primeran! A2 bildumak helduen euskalduntzerako A2 mailan taldean eta aurrez aurreko saioetan erabiltzeko langai didaktikoak biltzen ditu. Ikasmaterial hau HEOCak zedarritutako A2 Oinarrizko erabiltzailearen mailak euskara-ikasleari aurreikusten dion gaitasun komunikatiboa bereganatzeko sortu da. Egilea Aek-ko irakasle-talde bat da eta argitalpen honen editorea, Elhuyar.

Montserrat Castelló irakasle dugu Bartzelonako Ramón Llull Unibertsitatean. Idazmena lantzeko modu batez hitz egiten digu bideo honetan, berak idatzitako testu bat abiapuntu hartuta.

Montserratek parte hartuko du 2016ko udan HABEk irakasleen prestakuntzarako antolatutako ikastaroetan; idazmena landuko du Bilbon irailaren 5 eta 6an.

Difusion-Prolinter Sarien II. edizioko sariak eman eta irabazleen lanak aurkeztu dira berriki Madrilen antolatu diren "VII Jornadas Didácticas para profesores de ELE" jardunaldien baitan.

Hizpide 86an artikulua idatzi zuen Hector Ríos dugu sarituen artean, aldizkarian aurkeztutakoarekin lotura zuzena duen lan batekin.