"Nicky Hockly’s 50 Essentials for Using Learning Technologies" liburua plazaratu berri du Cambridge University Press-ek; “Cambridge Handbooks for Language Teachers” bildumaren barruan dago. Ingelesa eta beste hizkuntza batzuk irakasteko ideia praktikoak, teknikak eta jarduerak eskaintzea da bilduma honetako eskuliburuen xedea.

Eskarmentu handia du Nicky Hockly-k hizkuntzen irakaskuntzan, oro har, eta teknologien erabileran bereziki.

Poltsiko-liburua da, laburra: 6 ataletan bildutako bi orrialdeko 50 testu dira guztira. Horrez gain, glosategia, hitzen araberako aurkibidea eta erreferentzia bibliografikoak ditu.

"Pedagogical Translanguaging" liburua plazaratu zuen 2021eko abenduan Cambridge University Press argitaldariak. Eleaniztunek beren hizkuntzak komunikazio-sistema integratu gisa erabiltzeko prozesuari deritzo "translanguaging". "Translanguaging pedagogikoa"k dituen onurez eta arriskuez mintzo zaizkigu liburuan; besteak beste, gurea bezalako hizkuntza gutxitu bat ikasteko orduan eleaniztasun horrek izan ditzakeen eragin positiboak aipatzen dira. Argitalpena ingelesez badago ere, EHUko bi irakasle dira egileak: Jasone Cenoz eta Durk Gorter. Azken urteotan euskal esparruan translanguagingaren inguruan egindako ikerketak aipatzen dituzte, besteak beste.

Euskara online ikasteko INGURA ingurune digitala sortzeko zereginetan ari da HABEren Metodologia eta Edukien Arloko lantaldea. Dagoneko lehen urratsak eman ditu; horien berri emateko, aurkezpen-saio bat antolatu zen Bilbon martxoaren 24an euskaltegi eta autoikaskuntza-zentroko ordezkarientzat. Sarrera honetan, egitasmoaren zertzelada nagusiak eta aurkezpen-saioan emandako azalpenak.

Zer egin behar duzu Irakasbil webgunean erabiltzaile gisa aritzeko eta parte- hartze aktiboagoa izateko? Grafiko eta irudi bidez azaltzen saiatuko gara sarrera honetan.

Euskara eta euskal kulturako hiru irakurle hautatzeko deialdia egin du Etxepare Euskal Institutuko zuzendariak; gaur, hau da, martxoaren 25eko EHAAn eman da argitara Ebazpena eta hilabeteko epea dago eskabideak aurkezteko.

Martxoaren 23ko EHAAn argitaratu da 2022ko martxoaren 7ko Ebazpena, HABEren zuzendari nagusiarena, HEOCean zedarritutako komunikagaitasun-mailak egiaztatzeko 2022. urteko probetarako aztertzaileak izendatzeko dena.

Halaber, otsailaren 7an eman zen argitara 2022ko urtarrilaren 25eko Ebazpena, HABEren zuzendari nagusiarena, 2022ko ekitaldirako Azterketa Batzordeko kideak, HOBE deialdiaren arduradunak, epaimahaiak, ebaluatzaile ikerleak, tutoreak, ordezko tutoreak, lurralde-arduradunak eta lurralde-batzordeak izendatzeko dena.

“Euskararen ingurune digitala. Gomendioak 2021-2024" dokumentua aurkeztu zuten otsailaren 21ean Hizkuntza Politikarako Sailburuorde den Miren Dobaranek eta Ingurune Digitalean Euskara Sustatzeko Batzorde atal-Bereziko buru Maite Goñik. Hizkuntza-plangintzan edota normalizazioan lanean ari direnak izan ziren aurkepenaren hartzaile nagusiak; hala ere, geure esparruko baliagarriak izan daitezkeen hainbat kontu aipatu ziren, dokumentuan bertan bezalaxe.

22. KORRIKA ate-joka dugula, AEK-k ikasmateriala argitaratu du ekimenaren berri euskaltegietako ikasleen artean zabaltzeko asmoz. Material didaktiko erakargarria, bizia, dinamikoa... sortu nahi izan dugu, ekimenaren izaerarekin bat datorrena; eta euskalduntzearen A1, A2, B1, B2 eta C1 mailetan erabiltzeko egokitua, aurrez aurreko taldeetan, autoikaskuntzan zein online eskoletan. Bestalde, Ikastolen Elkartearekin batera, elkarlanean, ikastetxeetarako ere KORRIKArako unitate didaktikoak sortu ditugu.