2026ko otsailean Madrilen izan ziren GIELEren VII. Jardunaldien berri eman dugu Irakasbileko ebaluazioa-foroan. Sarrera honetan, bertan egindako tailer bati erreparatuko diogu: "Adaptaciones en la acreditación". Lídia Jordà, Marina Maciá eta Jackie Robins izan ziren irakasleak. Hiruak dira CERCLES Focus Group ADAPTeko kide. 

Webgune bat prestatu zuten eta Sarean jarri dute. Hona hemen webgune horren aurkibidea, tailerraren gidoiaren araberakoa:

• Diseinu unibertsala.
• Egokitzapenen marko arautzailea.
  
  • Gerora, HABEren araudia ere jaso dute.
• Aurkitutako behar-motak
  • Partaideek adierazitako esperientzietan oinarrituta.
• Proben analisia.
  • Tailerreko ariketa bat da.
• Egokitzapenak egiteko teknologiak
• Azken gogoetak
• Baliabideak
  • Horien artean, GIELEk prestatutako jardunbide egokien gida dago (behin-behinekoa da); egokitzapenei buruzkoa da ataletako bat.

Bukatzeko, eta laburpen gisa, hemen dago aurkeztu zuten infografia bat euskaratuta (erantsitako fitxategian ere badago).