Didakteka
Ikaskuntzarako Diseinu Unibertsala (IDU)
- Atala:
- Egilea:
- Dokumentu-mota:
- Areas of knowledge:
- Edukiak:
- Autonomia
- Atala:
- Egilea:
- Dokumentu-mota:
- Areas of knowledge:
- Edukiak:
- Autonomia
- Bisitak: 173
- Iruzkinak: 0
- Gogokoak: 0
Ikaskuntzarako Diseinu Unibertsala (IDU) honako hiru printzipio hauetan oinarritzen da, bakoitza honako hiru jarraibide nagusi hauekin:
1. printzipioa: adierazpen-moduak askotarikoak izatea (aurkezpen-modu desberdinak eskaintzea). Helburua da ikasleei eskaintzen zaien edukia ulertzeko modu bat baino gehiago dagoela aitortzea eta laguntza ematea. Horretarako, honako estrategia hauek balia daitezke: ikus-entzunezko baliabideak, irudiak, grafikoak, testuaren egitura argia, etab.
2. printzipioa: ekintza eta adierazpenerako modu bat baino gehiago eskaintzea. Helburua da ikasleek ikasitakoa modu askotara adierazteko aukera izatea; izan ere, batzuek nahiago dute testu idatzia, eta beste batzuk erosoago sentitzen dira ahoz. Horretarako, honako estrategia hauek erabil daitezke: ahozkoa, idatzizkoa, ikus-entzunezkoa, teknologia bidezkoa... Halaber, egokitzapenak egin daitezke gaitasun desberdinak dituztenentzat (adibidez, mugikortasun-arazoak edo trebetasun estrategikoak eskuratzeko zailtasunak dituztenek muga fisiko nahiz psikiko batzuk dituzte, eta horregatik, zenbait aukera eskaintzearen garrantzia azpimarratzen da, ikaskuntza-jarduerak egiteko edota ikasitakoa adierazteko).
3. printzipioa: parte hartzeko modu desberdinak eskaintzea (motibazioa eta inplikazio emozionala lantzea). Helburua da ikasleen motibazio eta parte hartzearen aniztasuna kontuan hartzea. Horretarako, honako estrategia hauek balia daitezke: irakasleak aukera desberdinak eskainiko ditu eta ikaskuntza-dinamikak aldatu, eta ikasleei aukeratzeko askatasuna eman, hala nola erronka-maila egokitua, elkarlana, autorregulazioa, etab.
Laburbilduz, jarraibide nagusi batzuk:
- Ikasleen interesak pizteko aukerak ematea.
- Aukeratzeko askatasuna eta autonomia bultzatzea.
- Irakasleak ikasleen motibazioari erantzuteko aukera desberdinak eskaintzea.
- Ebaluazio-estrategiak malgutzea (autoebaluazioa, erritmo desberdinak, etab.).
Ikaskuntzaren Diseinu Unibertsalaren helburua da ikasle guztiek euren potentziala garatzeko bideak izatea, euren ikasteko estilo edo erritmoa edozein dela ere.
Erreferentzia bibliografikoa:
Pérez Fernández, L.M. (2024). Clases inclusivas de lenguas extranjeras. Dykinson.
Beste eduki interesgarriak
Hezkuntza-laguntza espezifikoak eta irisgarritasuna: helduen euskalduntzerako zenbait helduleku
Unibertsitatetik kanpoko eskolatze-eredu bat proposatzen du Euskal Hezkuntza-sistemak, hezkuntza pertsona guztiengana iristeko eta ikuspegi inklusibotik modu pertsonalizatuan erantzuteko. Horrela, hezkuntza-laguntza espezifikoak behar dituzten ikasleen erregistroa egiten ari dira, haien tipologien araberakoa, eta askotariko beharrei hezkuntza-erantzuna ematen. Unibertsitateak ere ildo beretik ari dira, aurretiko hezkuntza-mailetan emaniko laguntzekin bat egiten. Izan ere, “irisgarritasun unibertsala”, “irisgarritasun kognitiboa” eta “Ikaskuntzaren Diseinu Unibertsala” kontzeptuek paradigma-aldaketa ekarri dute. Euskadik ere irisgarritasun unibertsala bultzatzeko konpromisoa dauka hartuta eta bizialdi osoko ikaskuntzaren legean orientazio-sistema integratua planteatu zen. Bestalde, euskara ikastea edo hobetzea aukera bat da 16 urtetik aurrera eta oso garrantzitsua da zeregin honetan pertsona guztiei behar duten hezkuntza-laguntza ematea eta baliabideak jartzea. Artikulu honetan, esparru horretarako zenbait helduleku proposatuko dira. https://doi.org/10.54512/KSUA6830