'Paradigmas lingüísticos en la enseñanza y aprendizaje de lenguas' liburuaren seigarren kapituluaren izenburua honako hau da: “Didactica de las actividades lingüisticas implicadas en el aprendizaje de lenguas”. EEMBaren Liburu osagarriko komunikazio-moduak lantzen dira ikuspegi integratu batetik. Seigarren kapituluak hizkuntza-trebetasunen ikuspegi integratua eskaintzen du, irakasleei teoria eta praktika uztartzen laguntzeko.

Antonio Jesus Tinedo Rodriguez irakaslea da honako izenburu hau duen liburuaren egilea: "Autoras que desafían el canon: subtitulación didáctica, su efecto en el aprendizaje de lenguas y en la conciencia de género". Liburu honetan, ikus-entzunezko itzulpen didaktikoa ardatz gisa planteatzen da, hainbat testuren bidez, emakumezko autore ezagunen bizitzak eta obrak hizkuntzen ikasgelara eramateko. Itzulpen pedagogikoa bitarteko gisa erabiliz, eta ez helburu gisa, hizkuntza-gaitasunak hobetzen direla azpimarratzen du. Itzulpen pedagogikoa, gainera, EEMBaren Liburu osagarrian bitartekotzaren barruan jasotzen da, bitartekotza-gaitasuna hobetzeko itzulpen-jarduera gisa, hala nola idatzizko testu bat ahoz itzultzea.

“La alfabetización afectiva en la enseñanza de lenguas: la voz de los adultos migrantes” artikulua Mª Carmen Fonseca Mora Huelvako Unibertsitateko irakasleak argitaratu du ‘Bellaterra: journal of teaching and learning language and literature’ aldizkari espezializatuaren 2024ko 17. zenbakian. Artikulu horretan, harrera-herriaren hizkuntzan irakurtzeak pertsona heldu migratzaileen bizitzetan duen eragina aztertzen da. Helburu nagusia da irakurketa-prozesuaren gainean hausnartzea, hezkuntza eraldatzeko funtsezko elementu gisa. Gure gizarte multikultural eta multimodalean, bertako migratzaile helduei hizkuntza hobeto irakatsi dakieke alderdi afektiboei erantzunez, alfabetatze afektiboa ikasgeletan aplikatzeari buruzko ikerketek erakusten dutenez. Horrez gain, hizkuntzen irakaskuntzan txerta daitezkeen zenbait jarraibide eta praktika on ere ematen ditu.

"¿Cómo planificar y dinamizar el aula con diferentes niveles? / Nola planifikatu eta dinamizatu eskolak ikasgelan maila bat baino gehiago ditugunean?" izenburupean bi ikastaro eman ditu Lola Torres Ríosek irailean.

Bideo honetan, ikastaroan landutakoaz aritu zaigu, guztion jakingarri.

Adolfo Sánchez Cuadrado irakasleak "Discurso, comunicación y gestión del aula de ELE" liburuaren laugarren kapituluan bitartekotza eraginkor irakasteko jarraibide eta adibide interesgarriak eskaintzen ditu. Atal horretan, egilea bitartekotza-jarduerari dagozkion kontzeptuak argitzen ahalegindu da, baita bigarren hizkuntzen irakaskuntzan eta ebaluazioan eraginkor jarduteko gakoak eskaintzen ere. Merezi du laugarren kapitulua bere osoan irakurtzea, argigarria eta adibidez hornituta baitago, eta, ondorioz, irakurleak helduleku ugari izango ditu bitartekotza-jarduerak bideratzeko euskara-eskoletan. Sarrera honetan, bitartekotza-jarduerak lantzeko puntu nagusiak eskaintzen dira.

"La mediación en el nivel C2: ¿Cómo diseñar tareas de aula adecuadas y motivadoras?/ Bitartekotza C2 mailan: nola diseinatu jarduera egoki eta motibagarriak?" ikastaroa eman du Carmen Ramosek 2024ko uztailaren 22tik 24ra.

Bitartekotza-jarduerak egiaztatze-azterketetan txertatu izanak irakasleek ikasgelan komunikazio-modu hori landu beharra ekarri du. C2 mailak baditu bitartekotzaren praktikarako lagungarri gerta daitezkeen berariazko ezaugarri batzuk, baina, beste alde batetik, erronka batzuk ere sortzen dira.

Bideo honetan, ikastaroan landutakoaz aritu zaigu, guztion jakingarri.

Bitartekotza-jarduerak egiaztatze-azterketetan txertatu izanak irakasleek ikasgelan komunikazio-modu hori landu beharra ekarri du. C2 mailak baditu bitartekotzaren praktikarako lagungarri gerta daitezkeen berariazko ezaugarri batzuk, baina, beste alde batetik, erronka batzuk ere sortzen dira.

Ikastaroan zenbait alderdi teoriko jorratuko badira ere, guztiz praktikoa eta bereziki C2 mailara egokitua izango da. HABEren C2 mailako egiaztatze-probaren bitartekotza-ariketak ez ezik, beste bitartekotza-jarduera batzuk ere landuko dira.

2024ko urtarrilaren 26an Javier Muñoz-Basolsek eta Mara Fuertes Gutiérrezek "Bitartekotza teknologikoa eta hizkuntzen irakaskuntza: gizarte-justiziatik adimen artifizialera" ("Mediación tecnológica y enseñanza de lenguas: de la justicia social a la inteligencia artificial") hitzaldia eman zuten Donostian.