Irakasleen topaketek aukera aparta eskaint zen dute prestakuntzarako eta profesionalen arteko loturak indart zeko. Halaber, eta artikulu honetan azalduko den bezalaxe, sare sozialak erabili litezke, bai topaketetan zehar komunikatzeko, bai horiexek amaitutakoan bertan landutako gaiei buruz hausnartzeko. Hurrengo lerroetan, Twitterri erreparatuko zaio, eta Interneteko plataforma batzuk –blogak eta Google Drive– aztertuko dira. Are gehiago, erakutsi nahi da tresna eta zerbitzu horiek lagungarriak direla, irakasleen etengabeko prestakuntza indartu eta sustatzeko.

Bilduma honetako lehen atalean aitatu zen bi teoria nagusiren inguruan gorpuzten dela metodoa: a) hizkuntza konstruktuaren berri ematen duena, Hizkuntzalaritza, eta b) hizkuntza hori nola ikasten den azaltzera datorrena, Hezkuntza Psikologia. Diaz Magglioliren esanetan, hona teoria nagusi horiek azaltzeko edota lantzeko arrazoia: une edota garai jakinetan irakasleen jarduerak bermatzeko erabili dira, eta pentsa daiteke, oraindik orain, alderdi positiborik izan badutela.

Behin baino gehiagotan mahairatu izan da ea zergatik egiten duen HEOCak bide induktiboaren aldeko apustu: “Ikaslearen interes eta behar komunikatiboetatik abiatuz, ikaslea, batez ere, bide induktibotik jardutera bideratuko da [70.or]” (HEOC, 2015). Azalpen zehatza bezain argigarria eskaintzen du Olga ESTEVEk bideo honetan. Vigotskyren teorian oinarrituta, saiatzen da galdera honi erantzuten: hizkuntzen ikas-irakaskuntzan, zein metodologia litzateke transferigarria hizkuntza guztietara?

“Emozioak eta hizkuntzen eskurapena” hitzaldian lehenengo hizkuntzen, bigarren hizkuntzen eta atzerriko hizkuntzen jabetzan zerikusia duten testuinguru emozional pluralen berri eman zuzen Duñabeitia jaunak. Hizkuntzak eskuratzen diren testuinguru afektibo desberdinen ondorioz, gaur egun, hizkuntza horiekiko urruntze emozionala senti lezakete hainbat ikaslek, eta tarte emozional horrek, hizkuntzak eskuratzea zailtzeaz gain, pertsona horien inguruarekiko harremana oztopatu dezake, “diglosia emozional” deituriko konstruktua egia bihurtuz.

T. Colomer & A. Camps

Madrid, Celeste/M.E.C., 1996, 238 on.

56. zenbakira iritsi da Itzulpen Saila bilduma; Jim Scrivener-en "Ikasgela kudeatzeko teknikak" liburua. "Classroom Management Techniques" da jatorrizko edizioaren izenburua, Cambridge University Press-ek argitaratua. Hitzurun izan da 400 orrialdetik gorako liburu mardul honen itzultzailea.

Denborak aurrera egin ahalean, bi postura nagusi egikaritu izan dira H2aren irakaskuntzan, pendulu baten antzera, mutur batetik bestera ibili izan direnak: ikuspegi esku-hartzailea (interbentzionista) eta ez esku-hartzailea. Baina azken urteotan, bigarrena nagusitu izan da hizkuntzen irakaskuntzan, besteak beste, ikas-irakasgaiak esplizituak direlako, ikas-materiala gardena, eta erronka bideragarria delako prestakuntza handirik gabeko edozein irakaslerentzat.

Metodo eta proposamen didaktiko guztien helburua da ikaslea H2an erabiltzaile autonomo bilakatzea. Horrenbestez, eta ezinbestean, irakaslearen egitekoa autonomia-eremuak antolatzea izango da, ikasleak gaitasun-maila hori gara dezan.