"Conecta 13" taldeak Ikaskuntzarako Diseinu Unibertsala dela-eta egindako zenbait ekarpen aipatuko ditugu sarrera honetan. Tartean, infografia bat ere badago, haien baimenaz itzulia.

Nerea Aizpurua Iraolak bideo-labur honetan irakurketa errazaren inguruko gakoak azaldu ditu.

"Ikaskuntza-desberdintasun espezifikoak dituzten ikasleei hizkuntzak irakastea" da Itzulpen Saila bildumako 60. zenbakiaren izenburua. Judit Kormos eta Anne Margaret Smith dira egileak. 2024koa da bigarren argitalpena ("Teaching Languages to Students with Specific Learning Differences") eta Multilingual Matters argitaletxea. Bakun izan da itzultzailea.

Artikulu honen bidez, hizkuntzen eskola anitza, inklusiboa eta maila askotarikoa ku-deatzeko gida lagungarri bat eskaini nahi dugu, kontuan hartuta ikasleek askotariko hizkuntza-mailak, ibilbideak eta hizkuntza-premiak dituztela. Irakaskuntza homogeneoaren ordez, bereizte pedagogikoan eta plangintza malguan oinarritutako ikuspegia proposatuko dugu. Ondoren, taldeak kudeatzeko eta ikasleen parte-hartzea sustatzeko estrategia pedagogikoak aurkeztuko ditugu, besteak beste, honako hauek: rol bereiziak dituen lan kooperatiboa, ikaskuntza-geltokiak, bitartekotza eta ebaluazio formatiboa. Proposamen didaktikoen eta moldagarrien bidez erakutsiko dugu aniztasunak ez dakarrela lana biderkatzea, baizik eta esperientzia moldagarriak, esanguratsuak eta emozioen ikuspegitik garrantzitsuak diseinatzea. Ikuspegi horrek ikaskuntza kolektiborako aukera bihurtzen du aniztasuna. Horren arabera, hezkuntza benetan inklusiboa komenigarria bezain beharrezkoa da eskolako errealitateari eta gaur egungo gizarte-premiei erantzuteko

https://doi.org/10.54512/IUUO7015

Nerea Aizpurua Iraola adituak Irakurketa Errazari buruzko web-mintegia eskainiko du, HABEk antolatuta. Mintegi honen helburua da Irakurketa Erraza tresna zer den eta zertarako balio duen ezagutzea.

Carol Ann Tomlisonek ikasle guztien beharrei erantzuteko estrategia ugari proposatzen ditu "El aula diversificada" liburuan. Irakasle honek hezkuntza-sistema formalaren markoan kokatutako jarraibideak eskaintzen ditu, eta horietako batzuk sarrera honetara ekarri ditugu, aldeak alde, lagungarri izan daitezkeelakoan baita helduen euskalduntzeko eskoletan ere.

Naiara Berasategi Sanchok, Euskal Herriko Unibertsitateko irakasleak, grabatutako bideo laburra.

"Changing teaching practices using curriculum differentiation to respond to students’ diversity" liburuak irakasleei tresnak eskaintzen dizkie ikasgelako ikasle guztiei nola erantzun jakiteko. Ikasleen jatorria, maila, ezaugarriak, gaitasunak edo ikas-estiloak ez dira oztopo izan behar, aukera baizik.