Zenbait jarduera Euskal Herritik kanpo datozen hilabeteotan

Aurrez aurreko zenbait jardunaldi, biltzar eta kongresu iragarri dira datozen hilabeteotarako. Geure esparrurako interesa izan dezakete; are, HABEk ere parte hartuko du horietako batean. Online parte hartzeko aukera izango da batzuetan.

"Europako Erreferentzia Marko Bateratua: webgune eguneratua" tailerra otsailaren 2an

Aurreko urteetan bezala, Europako Erreferentzia Marko Bateratuari buruzko jarduerak antolatuko ditu Europako Kontseiluak datozen hilabeteetan, Hala, "The updated CEFR website – Key concepts and ideas for implementation: Videos, workshop materials, documents, articles…" [EEMBaren webgune eguneratua – Inplementaziorako funtsezko kontzeptuak eta ideiak: bideoak, tailerretako materialak, dokumentuak, artikuluak...] tailerra izango da otsailaren 2an, 16:00etatik 18:30era. Ingelesa izango da hizkuntza eta Brian North moderatzailea.

Jardun bikoa helduen euskalduntzean: online ikastaroak 2023an

2023ko urtarriletik maiatzera bitartean elkarren osagarri diren bi ikastaro antolatuko ditu HABEk, egitasmo zabalago baten baitan. Ikastaro hauek online eta era asinkronoan egingo dira, betiere praktika tutorizatuaren balio erantsia bermatuta. Ikastaro bakoitzak 40 orduko iraupena izango du, 20 ordu bi ataletan. Nagusiki jardun biko ereduan ari den edo arituko den irakasleari begirakoak izan arren, bestelako ereduetan ari denarentzat ere guztiz probetxugarriak izan daitezke.

"Europako Erreferentzia Marko Bateratuaren Liburu osagarria" eskura

"Hizkuntzen Europako Erreferentzia Marko Bateratua: ikaskuntza, irakaskuntza, ebaluazioa – Liburu osagarria" (EEMB LO) plazaratu du HABEk. Eguneratu egin da 2001ean argitara emandako "Europako Erreferentzia Marko Bateratua", osatu, baina EEMBak ezarritako marko kontzeptualak indarrean dirau. Liburu osagarri honen berrikuntzen artean, komunikatzeko lau moduen arteko harremana da azpimarratzekoa, hizkuntza-trebetasunen kontzeptua gaindituz: ulermena eta ekoizpena (ahozkoa eta idatzizkoa) eta komunikazioa ahalbidetzeko elkarrekintza eta bitartekotza.

Daniel Cassany Comas, 2022/2023 ikasturteko hasiera-ekitaldian hizlari

Daniel Cassany Comas doktorea izango dugu hizlari 2022ko irailaren 16an Donostian egingo den helduen euskalduntzearen 2022/2023 ikasturtearen hasierako ekitaldi akademikoan; Bingen Zupiria Gorostidi Kultura eta Hizkuntza Politikako sailburu jauna izango dugu mahaiburu. Hitzaldiaren izenburua, berriz, “Eskolak ematearen artea (hizkuntzalari baten arabera)”.

"Evaluación y evaluaciones". GIELE taldearen IV. Jardunaldiak

2022ko irailaren 30ean eta urriaren 1ean izango dira Madrilen GIELE (“Grupo de interés en evaluación de lenguas en España”) taldearen IV. Jardunaldiak: "Evaluación y evaluaciones". Izen-ematea, irailaren 1ean hasiko da.

Prestakuntza-jarduerak datozen egunotan

Ate-joka dugu uda. Eta horrekin batera, preskakuntza-jardueren eskaintza zabaldu egiten da. Esate baterako, gaur bertan hasi dira HABEk antolatutako 2022ko udako prestakuntza-ikastaroak. Ikastaro hauetan guztietan plazak beteta daude baina badago aukera gehiagorik.

Nolakoa izango da komunikazioa Gizaki-Makina Aroan? (animazioak eta inkesta)

"Language in the Human-Machine Era" (LITHME) egitasmoaren berri eman genizuen duela urtebete plazaratu genuen sarrera batean. Halaber, ikerketa-sare horren "The Dawn of the Humane-Machine Era" ("Gizaki-Makina Aroaren egunsentia") txosten esanguratsua zabaldu nahi izan genuen euskal komunitatean. Oraingoan, berriz, jorratutako ikerlerro nagusiak ilustratzeko egindako animazioak ikustera gonbidatzeaz gain, inkesta betetzea proposatzen dizuegu. Izan ere, hizkuntza eta teknologia erabiltzen dituzten etorkizuneko agertokiei buruz dituzuen iritziak jaso nahiko genituzke.