Eskuartean dugu PRIMERAN! C1.1 ikaslearen liburua

Argitaratua: Tuesday, 6 June 2023, 12:48 PM
Primeran C.1.1 ikaslearen liburuaren azala
  • Atala:
  • Egilea:
  • Dokumentu-mota:
  • Area of knowledge:
  • Irakasten-arloak:
    • Primeran metodoa
  • Bisitak: 1680
  • Iruzkinak: 1
  • Gogokoak: 0

PRIMERAN! C1 euskara ikasteko metodoaren lehen liburukia argitaratu berri du HABE erakundeak. Datozen egunetan, euskaltegi guztietara ale bana banatuko da eta Euskal Herriko saltoki nagusietan izango da salgai. PRIMERAN C1.2 datorren urteko irailerako-edo prest egotea da aurreikuspena.

Primeran! C1 egitasmoa

PRIMERAN! C1 egitasmoa ELKAR argitaletxeko materialgile-taldearekin elkarlanean garatu da, eta bi liburutan banatuta dago: C1.1 eta C.1.2. Liburu bakoitzak 8 ikastunitate, hiru idazmen-proba, hiru mintzamen-proba eta proba bakoitzaren eredu bat eskainiko ditu. Proposatutako ibilbidean, une didaktiko guztien prozedurak, euskarriak eta erreferentziak jasotzen dira.

Egitasmoa jardun biko ikastereduan eta ekintzara bideratutako metodologian oinarrituta dago, eta C1 mailako gaitasun komunikatiboa lortzeko ikas-ibilbide egituratua eta gidatua eskaintzen dio euskara-irakasleari. PRIMERAN! C1ek 300 ikastordu proposatzen ditu, ikasgelan eta ikasgelatik kanpora gauzatzeko, taldean zein bakarka.

Eskuliburu honek jardun biko ikasteredua garatzeko gela irauliaren metodologia ahalbidetzen du, irakaslea gidari dela, ikas-esparruak irauli edota malgutasunez konbinatzeko aukera ematen baitu. Horiek horrela, komunikazio- eta elkarreragin-gunetzat hartu da ikasgela, eta bertan garatuko dira mailari dagozkion ekintza komunikatiboak. Gelaz kanpokoa, aldiz, lan autonomoa garatzeko esparrua izango da, eta ikasgelako saioen aurreko jarduerak zein ondorengoak eskainiko ditu.

Honako hauek dira ikastunitatez ikastunitate ikasleak aurkituko dituen une nagusiak: saioak, Kontuan Hartu eta azken ekintza. Saioetan, ikastunitatearen gai orokorrarekin lotutako ertzak landuko dira; Kontuan Hartu atalean, ikasgelatik kanpora egiteko jarduerak proposatuko zaizkio ikasleari; eta, ikastunitatearen amaierako azken ekintzan, ikasleak ekintza komunikatibo bat egingo du ikasgelatik kanpo eta baita bigarren bat ere ikaskideekin elkarlanean, ikasgelan.

Primeran! C1 web-ataria

Ikaslearen liburuaz gain, baliabide gehiago ere eskaintzen dira. Osagarri guztiak www.primeranc1.ikasbil.eus atarian daude eskuragarri:

  • Irakaslearen gidaliburua, PDF formatuan. Gidaliburu honetan, atalka zehaztu dira irakaslearen parte hartzeko tarteak Ikaslearen Liburuko egitekoen baitan eta ordenan.
  • Entzungai, bideo eta testu osagarriak, ikastunitateka multzokatuta daude. Ikasleak oso erraz topatuko du une bakoitzean behar duen dokumentua, liburuan aurkituko duen QR kodearen bidez.

Show comments
  • basque school of barakamarga ibáñez - Sat, 28 Oct 2023, 8:01 AM
    Bejondeizuela, Primeran primeran dago, benetan!!!!!

Beste eduki interesgarriak

Bilduma Pimeran A2

Primeran! A2

Primeran! A2 bildumak helduen euskalduntzerako A2 mailan taldean eta aurrez aurreko saioetan erabiltzeko langai didaktikoak biltzen ditu. Ikasmaterial hau HEOCak zedarritutako A2 Oinarrizko erabiltzailearen mailak euskara-ikasleari aurreikusten dion gaitasun komunikatiboa bereganatzeko sortu da. Egilea Aek-ko irakasle-talde bat da eta argitalpen honen editorea, Elhuyar.
PRIMERAN! B2.1 azalak

PRIMERAN! saileko B2 mailako lehen eskuliburua argitaratu da

Eskuartean dugu PRIMERAN! B2.1. jardun biko ikasteredurako ikasmateriala, aurrez aurreko eta gelaz kanpoko jarduerak elkarren osagarri dituena. Irailaren 28tik aurrera izango dute euskaltegiek ale bana eskura; salgai ere izango da, Euskal Herriko saltoki nagusietan zein Internet bidez. PRIMERAN! B2.2 materiala, berriz, 2021eko urtarrilerako egotea da aurreikuspena.
Primeran B2

Primeran! saileko B2 mailako bigarren eskuliburua argitaratu da

PRIMERAN! B2.2, materialaren bigarren eskuliburua argitaratu du HABEk. 2020ko irailean kaleratu zen PRIMERAN! B2.1 eskuliburuarekin batera, B2 mailako argitalpena osatzen du. www.primeranb2.ikasbil.eus atariko edukiak ere eguneratu egin dira, PRIMERAN! B2 egitasmoaren osagai guztiak ikasle eta irakasleen esku jarriz.