Albisteak

Kalean da "PRIMERAN! C1.2" materiala

Thu, 19 Sep 2024 08:49:12 GMT

HABEk, Elkar argitaletxearekin elkarlanean, "PRIMERAN! C1.2” materiala plazaratu berri du, 2023ko maiatzean argitara eman ziren lehen liburukiari eta web-atariari jarraipena emanez, Aurrekoa bezala, HEOCaren ildo metodologikoei jarraikiz, jardun biko ikasteredurako egin da. Ikaslearen liburuak, "Moodle PRIMERAN!C1" ikastaroa eta web-ataria dira euskarri nagusiak. Ikaslearen liburu horiek salgai daude Euskal Herriko saltoki nagusietan eta Internet bidez.

Helduen euskalduntzearen alorreko metodologiagintzan ikertzaile bat gaitzeko beka-deialdia egin du HABEk

Thu, 19 Dec 2024 07:29:58 GMT

HABEk ikerketa-eremu berriak zabaldu eta landu nahi ditu helduen euskalduntzean, bereziki aniztasun funtzionalaren eremuari erreparatuz, bigarren hizkuntzen ikas-irakas prozesuen eta desgaitasunen eremuekin zerikusia duten gaietan prestatzeko egitasmo zehatzak emanez. Horretarako, ikertzaileen gaikuntzarako beka-deialdia egitea erabaki du. Hala, 2024ko abenduaren 12ko Ebazpena argitaratu da EHAAn, bekaren oinarriak onartu eta deia egiten duena. HIlabeteko epea dago eskariak aurkezteko, argitaratu eta hurrengo egunetik zenbatzen hasita.

Barakaldoko Udal Euskara Erakundean euskara-irakasleen lan-poltsa osatzeko lehiaketa

Mon, 31 Mar 2025 09:13:22 GMT

Barakaldoko Euskara Udal Erakunde Autonomoan (Udal Euskaltegia) jardungo duten euskara-irakasleen lan-poltsarako meritu-lehiaketa arautuko duten oinarriak eman dira argitara Bizkaiko Aldizkari Ofizialean.

Naiara Berasategi Sancho, 2025/2026 ikasturteko hasiera-ekitaldian hizlari

Wed, 28 May 2025 08:31:47 GMT

Naiara Berasategi Sancho EHUko irakaslea izango dugu hizlari 2025eko irailaren 19an Donostian egingo den helduen euskalduntzearen 2025/2026 ikasturtearen hasierako ekitaldi akademikoan; Ibone Bengoetxea Otaolea lehenengo lehendakariorde eta Kultura eta Hizkuntza Politikako sailburu andrea izango dugu mahaiburu. Hitzaldiaren izenburua, berriz, “Pedagogia inklusiboa”.

Itzulpen Saila 57 sarbide irekian (OA)

Mon, 02 Jun 2025 07:11:38 GMT

Itzulpen Saila bildumako 57. zenbakia ere sarbide irekian (open access) jarri du HABEk. Hala, eta bildumako beste zenbait libururekin egin den bezala, interesaturik dagoen orok eskura izango du Enrica Piccardok eta Brian Northek idatzitako "Ekintzara bideratutako ikuspegia" Irakasbil webgune honetan, pdf formatuan eta "Creative Commons by-nc-nd" lizentziapean (Aitortu-EzKomertziala-LanEratorririkGabe).

Jardun bikoa helduen euskalduntzean: 2025 - 2026 ikasturtea (4. edizioa)

Tue, 03 Jun 2025 07:01:50 GMT

HABEk laugarrenez eskaini nahi du "Jardun bikoa helduen euskalduntzean" prestakuntza-egitasmoa, helduen euskalduntzean eskolak ematen ari diren irakasleak jardun biko irakastereduan berariaz prestatzeko. Helburua da gaitasun digitala areagotzea eta garapen profesionalerako baliagarri izatea. Bi ikastarok osatzen dute 2025eko urritik 2026ko martxora bitartean gauzatuko den prestakuntza-eskaintza. Ikastaroak online egingo dira; betiere, praktika tutorizatuaren balio erantsia bermatuta. Lehen ikastaroaren aurrematrikulazio-epea 2025eko ekainaren 3tik 11ra bitartean izango da.

"Bi hitzetan", Irakasbileko Bideotekan atal berria

Tue, 05 Aug 2025 10:35:47 GMT

Atal berria sortu dugu Irakasbileko Bideotekan; "Bi hitzetan" du izenburu. Bilduman, adituek grabatutako bideo laburrak egongo dira. Euskaraz ez badaude, azpitituluak izango dituzte. Halaber, material osagarria eskainiko da, bibliografia esaterako.

10 urteko ibilbidea Irakasbilek

Thu, 27 Nov 2025 13:50:01 GMT

2015eko abenduaren 3an plazaratu zen Irakasbil, irakasleei zuzenduriko HABEren atari berriaren beta bertsioa. 10 urteko ibilbidea dugu, beraz. Adimen artifizialarekin jolasean, abesti bat sortu dugu opari gisa. Eskerrik asko bidaide zaituztegun guztioi!

Euskaltegietako ikasleentzako 2026ko azterketa-deialdiaren Ebazpena

Wed, 21 Jan 2026 16:36:58 GMT

2026ko urtarrilaren 16ko EHAAn eman da argitara HABEko zuzendari nagusiaren 2025eko abenduaren 23ko Ebazpena. Horren bidez:ezartzen da HEOCaren zer maila egiaztatu ahal izango diren, 2025-2026 ikasturtean, euskaltegiko mailaren atalasearen gaineko ebaluazio-jardueretan oinarrituta eta 2026ko azterketa-deialdia egiten da, HABEren Erregistroan inskribatuta dauden euskaltegietako eta euskararen autoikaskuntzarako zentro homologatuetako ikasleentzat.

e-Berrikaria jasotzeko bide berria

Fri, 13 Mar 2026 12:32:29 GMT

Hemendik aurrera, e-Berrikaria ez da foroko mezu baten bidez iritsiko harpidedunen helbide elektronikora, banaketarako sistema baten bidez baizik. Orain arte harpidetuta egon direnek ez dute ezer egin behar. Harpidedun izan nahi dutenentzat, berriz, izena emateko prozesua erraztu egin da.