Aurkezpenak hobetzeko dekalogoa

Aurkezpenak, diapostibak eta bideoak ohikoak dira gure eguneroko bizitzan. Sarrera honetan, horrelakoak (bir)pentsatzeko, (bir)moldatzeko eta birziklatzeko laguntza, aholkuak eta ideiak aurkituko dituzu.

Mikro-narrazioak hizkuntzen ikasgelan (Herrera, F. eta Urbizu Pérez, C.)

LdeLengua podcastaren 158. atalean, Francisco Herrerak Cristina Urbizu Pérez elkarrizketatzen du, Euskal Herriko Unibertsitatean Filologia Hispanikoan lizentziaduna eta ibilbide luzeko espainiera-irakaslea. Cristinak bere lan-ibilbidearen zati handi bat gaztelania atzerriko hizkuntza gisa irakasteari eskaini dio, bereziki etorkinekin aritu da, eta gaur egun ELEko irakasleentzako prestakuntza-ikastaroen koordinatzailea da.

#zuzentest, Gasteizko IKAren galderak euskara-ikasleentzat

Pandemia-garaian "Euskara Batuaren Eskuliburuan" oinarrituta Gasteizko IKAko irakasleentzat barneko prestakuntzarako joko bezala sortu zena, ikasleentzat ere egokia izango zelakoan jaio zen #zuzentest 21/22 ikasturtean. Hala, sare sozialen bitartez aipatutako eskuliburuaren arabera astean behin plazaratzen dira galderak eta erantzunak. Eta ez da Gasteizko IKA Interneten egiten ari den lan bakarra.

H144 - Hagamos de Internet un eficaz recurso en el aul@

Francisco Muñozek hitzaldi bat eman zuen gaztelaniaz Bilbon 2004an HABEk antolatutako Ikastaroen barruan, "Hagamos de Internet un eficaz recurso en el aul@" izenburupean. Informazio eta Komunikazioko Teknologiak (IKT) nola egin onuragarri. Hori da ikastetxeek duten erronketako bat. "Portal Educativo Aula Tecnologica Siglo XXI" sortu zuen Muñoz de la Peña irakasleak. Internet ikasgelako baliabide eraginkor nola bihurtu azaltzen dugu. Bideo honetan, hitzaldi osoa duzue entzungai.

Antsietatea eta ikaskuntza birtuala

Itzulpen Saila 58. zenbakian argitaratu zuen HABEk 2024an "Teknologiak bideratutako hizkuntzen irakaskuntza. Justizia sozialetik adimen artifizialera (AA)" erreferentziazko liburuaren euskarazko bertsioa. Sarrera honetan, Zsuzsanna Bárkányi irakasleak idatzitako "Antsietatea eta ikaskuntza birtuala" izenburupeko 6. kapituluaren zenbait ideia nagusi azaleratuko dira; nagusiki, praktikarako gomendioak. Izan ere, antsietateak eragotzi egiten du ikasleek ekoizpeneko jardueretan parte hartzea eta frogatuta dago batzuetan ikasleek, nahiz eta ahozko ekoizpeneko jarduerak egin, askotan ez dituztela partekatzen, ondo ez hitz egiteko beldurragatik. Halaber, ikerketaren emaitzek erakusten dute, atzerriko hizkuntza batean ahoz adieraztean antsietatea gutxitzen duten testuinguruak eta estrategiak egon arren, ez dagoela antsietatea minimizatzen duen ikaskuntza-testuingururik. Ondorioz, irakasleek antsietatea ikasprozesuaren aldagaitzat kontuan hartu behar dute eta hura kudeatzen jakin irakaskuntza-maila eta -testuinguru guztietan.

“Jardun bikoa helduen euskalduntzean” ibilbideko ikastaroen barrenetik

HABEk azken urteotan antolatutako “Jardun bikoa helduen euskalduntzean” ibilbideko ikastaroen barruan burutu zen jarduera kolaboratibo baten azalpena jasotzen du artikuluak, Irakasbil atarian argitara emandako bideoen azpiko testuinguru teorikoa eta azken helburua, hain zuzen. Online ikas-irakas ereduaren eremuko aditu bat elkarrizketatu behar zuten proposatutako jardueran. Eginkizun hori gauzatzeko prozedurak urratsez urrats azaltzen dira eta atal bakoitza nola lotzen den Zimmerman-en eta Salmon-en eredu teorikoetako faseekin; halaber, partaideak gidatu zituen metodologia aktiboa eta elkarlanak ikaslearen autonomiaren garapenean duten eragina aztertzen dira. Partaide batzuen hausnarketak ere jasotzen ditu artikuluak, praktika gogoetatsuaren bidez elkarlanaren eta autonomiaren garapenaren arteko erlazioa ikusaraztea baitzen azken helburua.

Bideoaren erabilera didaktikoari buruzko web-mintegia (bideo-laburpena)

Elena Prieto irakasleak bideoaren erabilera didaktikoari buruzko web-mintegia eskaini zuen maiatzaren 22an, HABEk antolatuta. Beheko bideoan, saio horretan emandako gako nagusiak laburbildu ditu adituak.

Euskaltegien datuak ChatGPTren begietatik

Azken bi urteotan, gure artean, zalaparta izugarria sortu du ChatGPT txatbotak. Asko eta asko gara haren atzaparretan erori garenak, bata bestearen atzean eskaintzen dizkigun hitzen sekuentziekin liluratuta. Beste egun baterako utziko dugu horrelako teknologiek duten alde iluna, baina, gaurkoan, bere aurpegi argiak eskaini dezakeen aukeretariko bat azalduko dugu: edozein irudi “ulertzeko” duen gaitasuna. Eta, horretarako, HABEk helduen euskalduntzea ebaluatzeko oinarrizko 10 adierazleren datuekin ChatGPTk zer egin duen azalduko dugu.