Testu honek feedback ekingarriak hizkuntzen ikaskuntzan duen garrantzia aztertzen du, Kristina Pla Fernández adituari egindako elkarrizketa baten bidez. Ohiko zuzenketa soilen ordez, ikasleari urrats zehatzak eta baliagarriak eskaintzea proposatzen da, bere kabuz hobetzeko gai izan dadin. Ikuspegi honen arabera, iruzkinek aurrera bideratuta egon behar dute, ikasleak jasotako aholkuak berehala aplikatu ditzan ekoizpen berrietan. Irakaslearen lana errazteko, funtsezko akatsak lehenestea eta mezu pertsonalizatuak une egokian ematea gomendatzen da. Azken finean, metodo honek ikaslearen autonomia eta motibazioa sustatzea du helburu nagusi, ikaskuntza-prozesuaren jabe bihurtuz. Modu honetan, ebaluazioa ez da amaierako puntu bat, baizik eta etengabeko hobekuntzarako tresna dinamiko bat.

Liburu honetan erakusten da hizkuntzen ikaskuntzan gaitasun emozionala giltzarria dela, motibazioan, harremanetan eta ikaskuntzaren eraginkortasunean eragin zuzena baitu. Testuan zenbait dimentsio lantzen dira —identitatea, enpatia, autoestimua edo emozioen adierazpena—, eta alderdi emozionala irakaskuntzan modu integralean txertatzeko ikuspegi zein estrategia didaktikoak eskaintzen dira..

LdeLengua podcastaren 169. saioan, aukera ederra dago Juan Fernández irakasleak dioena ezagutzeko. Ohikoa da entzutea irakasleei ikasleak ez datozela motibatuta ikastera, baina egoera konplexuagoa da —irakaslearen iritziz—, ikasleek ez baitute zertan etorri motibatuta eskoletara. Adituaren esanetan, erronka da ikasleak motibatzeko dinamikak eta egoerak eragitea ikas-irakas prozesuan.

ELE INTERNACIONAL blogean argitaratutako artikulu batek azaltzen du nola diren abestiak baliagarriak hizkuntzak ikasteko. Ez dira bakarrik entretenigarriak, baizik eta ikaskuntza sakona eta esanguratsua bultzatzen duten tresnak. Euskararen irakaskuntzan ere aplikagarriak izan daitezke.

Olga Cruz Moya eta Patricia Santervás González irakasleek transmedia-narratiba nola erabil daitekeen azaltzen dute liburuan, gaztelania atzerriko hizkuntza (ELE) gisa irakasteko testuinguruetan.

Hizkuntzen irakaskuntza nola egokitzen den migratzaile helduen testuingurura aztertzen da sarrera honetan. Kasu horietan, irakasleek malgutasunez eta sentiberatasun handiz jokatzea komeni da. Migratzaileekin bideratutako ikas-irakas prozesuetan, honako gako didaktiko hauek erabili behar dira: bost zentzumenak barne hartzen dituzten jarduerak, errealitateari loturiko ikaskuntza esanguratsua eta eguneroko hizkera erabiltzea. Aldi berean, ezinbestekoak dira osasun mentala zaintzea eta parte-hartzean presiorik ez jartzea.

Zer gertatzen da ikasleek blog edo sare sozialen bidez plazaratzen dituztenean beren ideiak? Zer-nolako eragina izan dezake horrek ikaskuntzan eta motibazioan? Ikasleek eduki multimodalak sortu eta partekatzen dituzten egitasmoek gaitasun digitalak, lan kolaboratiboa eta komunikazioa indartzen dituzte, eta horrek ikasleen motibazioan eragin positiboa du, haien parte-hartzea areagotzen baita. Irakasleak testuinguru esanguratsuak sortu, ikasleen ekimenak gidatu eta ikuspegi kritikoa sustatzen du. Helduen euskalduntze-prozesuan ere, proposamen hauek ikasleen ahotsa gizarteratzeko eta elkarlana sustatzeko aukera ematen dute.

Moodle plataforman erraztasunez aritzeko ikastaroa da hau. Edozein ikasteredutarako baliagarria. Plataformari beldurra kendu, ezagun bihurtu, erabilpen-esperientzia hobetu eta eskaintzen dituen tresna batzuen aurkezpen-lanketa egingo da: elkarreragina sustatzeko (foroak, glosategiak, wikiak), komunikazioa errazteko (mezularia), edukien lanketa eta aurkezpenerako (liburua, galdetegiak, zereginak, H5P) eta ebaluaziorako eta ikaslearen monitorizaziorako (kalifikazio-liburua, jarduera osaketa). Baita motibazioa bultzatzeko ere (dominak, txostenak). Gainera, Moodletik kanpoko tresnak txertatzeko aukerak aztertuko ditugu. Azkenik, audio eta bideo formatuen oinarrizko edizioa landuko dugu.