Egungo bizi-erritmoek lanarekin eta familiarekin bateragarriak diren ikas-irakas ereduak eskatzen dituztela ematen du. Halaber, ezinbestekoa da ikas-irakas prozesuak pertsona bakoitzaren ikaskuntza-erritmoei egokitu beharra. Eszenatoki honetan badago, gainera, beste eragile bat: pandemiak sortarazitako ikas- eta irakas-esperientziak. Horregatik, litekeena da irtenbidea eszenatoki hibrido edo jardun bikoetan egotea, horietan konbinatuz modu sinkronoak eta asinkronoak.

Ikastaro honetan, jardun biko irakaskuntzaren marko teoriko-praktikotik abiatuta, esparru honetako esperientziak aurkeztuko ditugu. Horretaz gain, eredu honetan jardun duten edo jardungo duten irakasleei baliagarriak gerta dakizkien zenbait estrategia eta erreminta ere aurkeztuko dizkiegu.

Teoriko-praktikoa izango da planteamendu metodologikoa. Hala, aurkeztutako estrategia eta erreminta batzuk baliatzeko aukera izango da, baita helduen hizkuntzen ikas-irakaskuntzaren esparruko proposamenak era kritikoan aztertzeko ere.

Azkenik, helduen euskalduntzean jardun biko ereduan interesa duten pertsonen arteko komunikazioa eta lankidetzarako proposamen bat egingo da.

Ikastaro hau euskara-irakasleei zuzenduta dago, eta Euskaltzaindiaren arau gramatikalak betetzetik harago, edozein ekintza komunikatibotan hizkuntza kalitatez erabiltzeko gaitasun estrategikoa landuko da: hitz-ordena, testu-antolatzaileak, lexikoa, puntuazioa…

Valentziako Unibertsitateko “Foro de profesores de E/LE” aldizkariaren 2022ko 18. zenbakian argitara emandako artikulu honetan, bitartekotzari buruzko definizioari dagozkion alderdiak berrikusi ditu Nieves Mendizábal de la Cruz irakasleak. Gaitasun komunikatiboaren kontzeptua zabaltzeko beharra aipatu du egileak, eta, era berean, gaztelania atzerriko hizkuntza gisa irakasterakoan bitartekotza-estrategiak txertatu behar direla adierazi. Horretarako, zenbait proposamen didaktiko eskaini ditu.

Desmotibazioa edo motibazioa galtzea izan dute hizpide Francisco Herrerak eta Alacanteko Unibertsitatean irakasle den María Méndezek "LdeLengua" podcastaren 148. emanaldian. Ikerketen emaitzak aipatu dituzte, hurbil dauden beste kontzeptu batzuk eta zenbait aholku eta estrategia birmotibatzaile. Erreferentzia bibliografiko batzuk ere eman dituzte aditzera.

Kontzeptu berri eta konplexu baten aurrean, hura ezagutzeko estrategia on bat izan daiteke haren esparruko funtsezko beste elementu batzuekin erlazionatzea. Bitartekotza hizkuntzen irakaskuntzaren esparruko funtsezko honako lau kontzeptu hauetan uztar daiteke: ekintzara bideratutako ikuspegia, komunikazio-moduaren kontzeptua, atazaren kontzeptua eta ikuspegi integratzailea. Artikulu honetan, banan-banan aztertuko ditugu.

https://doi.org/10.54512/DZWW5624

Jatorrizko argitalpena:

Sánchez Cuadrado, A. (2022). El concepto de mediación aplicado a la enseñanza de lenguas. In A. Sánchez Cuadrado (koord), Mediación en el aprendizaje de lenguas. Estrategias y recursos (24-36. or.). Edelsa-Anaya.

Egilearen eta argitaletxearen baimenaz egokitua, itzulia eta argitaratua

Irakasleen egoera emozionala hobetzea izan zen Difusion argitaletxeak antolatutako webinario honen gai nagusia. Alderdi hori zaintzeko estrategiak eta erramintak eskaini nahi izan zituen gurean ezagun dugun José Ángel Medina adituak.

Ekintza komunikatiboa: Langile-bilera batean, batzordekideek hala eskatuta, lantegiaren egoeraz eta jarraitu beharreko estrategiaz argibideak ematea.

LESSON STUDY lankidetza-estrategia honen bidez, proposamen zehatza egiten da irakaskideen artean, praktikaren garapenean,historikoki bizi izan den isolamendu-etena apurtzeko, bai diagnosia, diseinua eta egituraketa bideratzean, bai praktika gauzatzean, bai ebaluazioa burutzean. Helburu garbia du: irakasleen artean curriculuma esperimentatzea eta pentsaera pedagogikoa garatzea, proposamen didaktikoetan errotuta dauden usteak, balioak eta ohiturak harrotuz eta zalantzan jarriz. Ekintza-ikerketan oinarritutako lan-metodoa hau, bada mende bat baino gehiago Japonen erabilia dela, aukera aparta bilaka daiteke irakasleen kultura pedagogikoa eraldatzen laguntzeko.