"¿Cómo implicar a los estudiantes para que utilicen el feedback online?” da Anna Espasa-Rocak eta Teresa Guasch-Pascualek idatzitako artikulu baten izenburua. Ezagunak ditugu bi egileak; besteak beste, HABEk 2023an antolatutako ikastaroko irakasle izan ziren. Online unibertsitate bateko esparruan egindako ikerketa baten berri ematen dute artikuluan baina geure esparrurako ere ideia baliagarriak daude bertan.

Carolina Arrieta Castillo irakasleak hizkuntzen irakaskuntzan dihardutenei zuzenduriko liburu bat prestatu du: "Discurso, comunicación y gestión del aula de ELE". Iris Celorrio Aguilerak eta Carolina Arrieta Castillok “Juego comunicativo: Planificar y gestionar el aula de ELE con dinámicas de juego” liburuko atala idatzi dute.

"¿Qué hacemos con el cuchillo? Las finalidades de la evaluación" artikulua eman da oraintsu argitara; Miguel Angel Santos Guerra da egilea. Urteetan azaldu duen ikuspegiaren laburpentzat jo daiteke.

Hizkuntzen Irakaskuntza Sozial eta Kulturalki Arduratsuak (SCR) ikasleek eskura dituzten kultura-erreferenteak eta gaurkotasunezko gai sozialak erabiltzea sustatzen du, euren komunikazio-gaitasuna eskuratzea zein garatzea bultzatzeko eta, aldi berean, pentsamendu kritikoa, lidergoa, arazoak konpontzea edo konpromiso soziala bezalako trebetasunak indartzeko. Azken finean, egungo errealitateaz eta arazoez arduratzen den irakaskuntza da.

Liburua zazpi kapituluz osatua dago eta laugarrenean material didaktiko sozial eta kulturalki arduratsuaren diseinuaz ari da Francisco J. Palacios-Hidalgo idazlea.

Itzulpen Saila 57. zenbaki moduan argitaratu zuen HABEk 2022an Piccardo eta North adituen "Ekintzara bideratutako ikuspegia. Hizkuntz hezkuntzaren ikuspegi dinamikoa" erreferentziazko liburuaren euskarazko bertsioa, lan honek Europako Erreferentzia Marko Bateratuarekin eta Europako Erreferentzia Marko Bateratuaren Liburu osagarriarekin (EEMB LO) duen lotura argia dela-eta. IRAKASBILen, ekintzara bideratutako ikuspegiaz eta Europako Kontseiluari buruzko sarrera bat eman zen argitara 2023ko apirilean, besteak beste ekintza-ikuspegiak berariazko orrialdea baitu Europako Kontseiluaren webgunean.

Liburua bere osoan arretaz irakurtzea komeni bada ere, sarrera honetan ekintzara bideratutako ikuspegiaren alderdi batzuk nabarmenduko dira. Orri-barrenean, liburuaren 1. eranskina dago eskuragarri

Nola planifikatu jarduerak ikasgelan maila bat baino gehiago ditugunean? Nola erantzun ikasleen behar, erritmo eta maila ezberdinei? Nola diseinatu maila ezberdinetarako jarduerak, ikasle guztiek ikasi eta ahalik eta etekin handiena atera dezaten? Nola proposatu aldamiatze-teknika koherentea? Eta nola egin ikasle bakoitzaren jarraipen pertsonalizatua? Ikastaro honetan, ikuspegi praktiko eta aktibo batetik abiatuta, galdera horiei erantzungo zaie.

Ikastaro hau guztiz praktikoa izango da. Bertan, labur berrikusiko dira hizkuntzaren irakaskuntzan baliatutako metodo eta ikuspegi nagusiak, horien alderdi baliagarrienak gaur egungo ikasgelan, eta, ondoren, ikuspegi komunikatiboen prozedura-gakoetan sakonduko da. Horrela, bigarren hizkuntzen ikasgelako edukiak eta komunikazio-jarduerak modu eraginkorragoan irakasteko aplikazio praktikoak, baliabideak eta estrategiak landuko dira.

Ikasgelara eraman beharreko testuek nolakoak izan behar duten azalduko du irakasleak, baita nola irakatsi curriculumaren edukiak ere. Era berean, jarduera bideratuenetatik libreenetara eta parte-hartzaileenetara sekuentziatutako praktika-prozesuak nola garatu ere aztertuko da.

Ikastaro honen helburua oinarri teoriko-metodologikoak, baliabideak, prozedurak eta tresnak eskaintzea izango da, bertaratutakoek irakasteko dituzten moduak zabal ditzaten, ikaslea inplikatu eta ikasgelan parte hartzera bultzatuko duten ikuspegi aktiboak aplikatuz.

Orientabide horiek guztiak jarduera eta sekuentzia didaktikoetan gauzatuko dira, ikasleak euskaraz modu eraginkorrean komunikatzeko gai izan daitezen.

2023ko urritik 2024ko martxora burutu dira “Jardun bikoa helduen euskalduntzean” ibilbideko ikastaroak. Ataletako batean, ikaslearen autonomia sustatzeari dagokionean hain zuzen, talde-lan bat egin behar izan dute partaideek: aditu bat elkarrizketatu online eta solasaldia bideo edo audio batean jaso. Gainera, elkarrizketa hori iragartzeko kartela egin dute aldez aurretik. Sarrera honetan, zazpi taldeek egindako lanaren emaitza aurkeztuko da. Bestalde, laster emango da argitara tutoreek idatzitako artikulu bat; egindakoaren oinarrian dagoena azalduko da bertan.