Irratia gugandik gertu daga, denon eskura. Lerrootan euskararen irakaskuntzan irratia erabiltzeko iradokizun batzu emango ditut.

Eusko Jaurlaritzako Hezkuntza Sailak IRALE programa sortu aurretik, maisu-maistren euskalduntze-alfabetatu beharraz ohartua zen Eusko Kontseilu Nagusia. Honela 1978-79 ikasturtean bertan euskara irakastorduz kanpora ikasi nahi zuten OHOko irakasleentzat subentzio sistema eratu zuen HEZI (lCE)en bidez.

lkasketari talde bereziak eratzen ziren gehienbat, hau da, irakaslez osaturikoak, nahiz banaka batzuk bestelako herritarrez osaturiko taldeetan integratu.

Bigarren hizkuntza bat ikasten hasteko arrazoiak askotarikoak izan daitezke. Motibazio ezberdinen zerrendatzea alde batetara utziz, motibazio (behar) ezberdinek metodologiaren gauzatzean duten intzidentzia azpimarratzea interesatzen zaigu oraingo honetan.

Goiherriko Euskal Eskolak bere zentroa edo zuzendaritza Lazkaon dauka. Halere, Goiherriko herri guztietako alfabetakuntzaz eta euskalduntzeaz arduratu izan eta arduratzen da. Berez, jatorria bilatzeko historian aski atzera jo behar bada ere, Goiherriko Euskal Eskolaren erakundetzea 1977an egin zen; orduan hasi zen herri guztietako irakaskuntza koordinatzen Goiherrin.

Irakaskuntza, hasera batean, alfabetakuntzan zentratu zen erabat. Gerora, euskalduntzea nagusitu zen nabarmenki. Halere, alfabetakuntzak indar handia izan du gerora ere. Horren lekuko, han eta hemen, hainbat erakundetan lanean ari den goiherritar jende alfabetatua.

Ezer baino lehen, koka dezagun geurea gai orokorraren barnean eta zehatz dezagun bere edukia; bi gaiak, orokorra («Euskara irakasteko metodoak») eta gurea, («Euskalduntzearen programazioa, langaiak eta ebaluazioa hezkuntza ez-forrnalean») ez baitatoz bat beren edukietan. Izan ere, batetik, euskararen irakaskuntza ez baita ez euskalduntzearekin, ez hezkuntza ez-formalean agortzen; bestetik, berriz, programazioa, langaiak eta ebaluazioa ez baitira metodoen eremura mugatzen.

Lehenengoz eta behin esan beharra daga ez dagoela irakaskuntzaren alorrean bakarra izango den metodorik. Izan ere, errentagarritasunik handiena lortzeko, irakasleak aldaera asko eduki behar du kontuan etenik gabe -bere nortasun propioa lehenengo horien artean-, eta aldaera horiek mugatuko dute irakaskuntzako une bakoitzean eduki beharko duen jarrera. Lan honetan, beraz, ohar orokorrak egingo ditugu, batzuetan, argibide gisa, egoera jakin batzuetarako aplikazioak azalduko badira ere.

Zutabe 9 alearen aurkezpena

Arras aldatu dira azkeneko hogei urteotan ikasleek hizkuntza arrotzean egiten dituzten hutsegiteei buruz ikerleek eta irakasleek dituzten jarrerak. Garai bateko aho-belarrizko metodoetako errepika- ariketa arretatsu (eta askotan aspergarri ere ziren) haien helburua ahaleginean hutsegiteak saihestea zen. Orain, ordea, joera kognitiboak hartu du metodo haien lekua eta, ondorioz, ariketa komunikatibo gehiago egiten da. Joera honek hutsegiteak ezinbestekotzat dauzka eta, agian, ikaskuntzako estrategien barman sartu beharrezkotzat ere bai