“La alfabetización afectiva en la enseñanza de lenguas: la voz de los adultos migrantes” artikulua Mª Carmen Fonseca Mora Huelvako Unibertsitateko irakasleak argitaratu du ‘Bellaterra: journal of teaching and learning language and literature’ aldizkari espezializatuaren 2024ko 17. zenbakian. Artikulu horretan, harrera-herriaren hizkuntzan irakurtzeak pertsona heldu migratzaileen bizitzetan duen eragina aztertzen da. Helburu nagusia da irakurketa-prozesuaren gainean hausnartzea, hezkuntza eraldatzeko funtsezko elementu gisa. Gure gizarte multikultural eta multimodalean, bertako migratzaile helduei hizkuntza hobeto irakatsi dakieke alderdi afektiboei erantzunez, alfabetatze afektiboa ikasgeletan aplikatzeari buruzko ikerketek erakusten dutenez. Horrez gain, hizkuntzen irakaskuntzan txerta daitezkeen zenbait jarraibide eta praktika on ere ematen ditu.

"Enseñanza de idiomas e inclusión. La discapacidad sensorial en el aula" liburuan, zentzumen-desgaitasuna duten pertsonei hizkuntzak nola irakatsi aztertu du Beatriz Reverter irakasleak.

Aldaketa sozio-kulturalek eta gizartearen zahartzeak nolabaiteko interesa piztu dute adinekoen hezkuntzaren esparruan. Nolanahi ere, adinekoen hezkuntzaren gaiak ez du behar besteko arretarik izan oraindik. Horregatik, "Insights into Senior Foreign Language Education" liburuak giza zahartzearen prozesuari eta bizialdi osoko ikaskuntzaren filosofiari lotutako gai batzuk jorratzen ditu, arlo horrek ezinbestean ezagutza eta arreta handiagoa eskatzen duela iritzita.

Núria Vidalek hitzaldi bat eman zuen gaztelaniaz Donostian 2004an HABEk antolatutako Ikastaroen barruan, "En la piel del otro" izenburupean.

Nola lortuko dugu ikasgeletan dagoen kultura-aniztasuna guztiontzat aberasgarri izatea? Hitzaldi honetan horretarako baliabide teorikoak eta praktikoak eskaintzen dira.

Bideo honetan, hitzaldi osoa duzue entzungai.

Jose Luis Verak hitzaldi bat eman zuen gaztelaniaz 2004an HABEk antolatutako Ikastaroen barruan, "Qué tipo de profesor/a soy? versus ¿Qué tipo de profesor/a debo, quiero y puedo ser?" izenburupean.

Guztiok izaten ditugu arazo pertsonalak noizbait, etxean, lantokian... Baina zer egin daiteke arazo horiek guri hainbeste ez erasateko? Ba al dago bide, estrategia egokirik desoreka horrek sortzen digun estresa bideratzeko? Nola planifikatu behar dugu estrategia hori, nola garatu eta ebaluatu?

Bideo honetan, hitzaldi osoa duzue entzungai.

Gauza jakina da azken hamarkadetan ikerketa gutxi egin direla AH/H2aren irakaskuntzaren esparruko ikaskuntzaren nahasmenduen eta Hezkuntza Premia Berezien arloan. Era berean, argi dago oso beharrezkoa dela ikastetxeetan eta erakundeetan gaiari buruzko prestakuntza espezializatua jasotzea.

Beraz, kontuan hartuta gaiari buruzko ikerketa urria, desgaitasun ugari daudela eta gai honetan sektoreak dituen beharrak, honako hauek dira prestakuntza honen helburuak: ekarpen teorikoetatik haratago, batetik, ikasle hauei AH/H2a irakastea zertan datzan argitzea eta, bestetik, ikuspegi inklusibo eta berritzaile batetik, irakasleei eskaintzea ezaugarri horiek dituzten ikasleekin erabili beharreko hezkuntza-joera berriak, tresnak eta estrategiak, betiere komunikazioan eta lankidetzan oinarrituta.

José Angel Medinak hitzaldi bat eman zuen gaztelaniaz 2015ean HABEk antolatutako Ikastaroen barruan, "Remotivación" izenburupean.

Bideo honetan, hitzaldi osoa duzue entzungai.

José Angel Medinak hitzaldi bat eman zuen gaztelaniaz 2015ean HABEk antolatutako Ikastaroen barruan, "Cuidado con lo que dices" izenburupean.

Bideo honetan, hitzaldi osoa duzue entzungai.