IRALE Hezkuntza Sailaren menpeko programa bat da, Autonomia Erkidegoko irakasleak euskalduntzeko zeregina duena, eta haren lana, noizean behin, komunikabideen bitartez edo bestela ere gizarteratu izan da, baina ez beti behar besteko zehaztasunez edo eragiten dioten faktore guztiak kontuan hartuz. Beraz, oso egoki eta estimatzekoa da oraingo aukera honetaz baliatu ahal izatea, gure lanaren berri sakon eta zehatza ematen saiatuko baikara proposatutako gaiaren inguruan.

"Catalá a mida" enpresa-alorrean sortu den hizkuntz heziketarako proiektu bat da. Heziketa hori laneko premiei ahalik eta ondoen egokitzeko asmoarekin sortu zen. Bi helburu ditu proiektu horrek: bata, langileek beren laneko zeregin propioak betetzeko behar duten hizkuntz heziketa edukitzea eta ez, oro har, jendeari eskaintzen zaion heziketa estandarra, erabilera berezietatik baino gehiago, hizkuntzaren ezaugarrietatik abiatzen dena. Bigarren helburua enpresari heziketa-kostua gutxitzea da: ikastaroarena berarena eta langileek horretarako behar duten denborarena. Izan ere, behar bereziak soilik asetzea bilatzen duen heziketa, ezinbestean laburragoa da eta eskuragarriagoa.

Txosten honen helburua Consorci per a la Normalitzazio Lingüistica-k lan-eremuan egin ditugun heziketa-esperientzien berri ematea da. Gai honen ingurunea hauxe da, alegia, Katalunian oraindik ere erabilera orokorreko hizkuntza-heziketa beharrezkoa dela biztanle asko eta askorentzat. Premia hori gehiago nabarmentzen da gaztelaniaz hezitako espa- rru profesionaletan. Zentzu horretan, Consorci-k erakundeen eta enpresen artean sustatzen dituen heziketa-ekintzen helburua hizkuntzaren erabilera finkatzea da eta profesionalen hizkuntz trebakuntza areagotzea. Beraz, gure zereginaren ardatza hizkuntz programa orokorra (helduentzako katalan-curriculuma) erakunde edo elkarte bakoitzaren komunikazio-egoera (ahoz eta idatzizko) adierazgarrienetara egokitzea da.

Azken hamarkada honetan, hizkuntzaren normalizazioan Euskal Herrian aurrerapauso nabarmenak eman dira; bereziki normalizaziorako aplikazioei dagokien diseinu teknikoaren arloan. Planifikazio-maila ezberdinak garatzen joan dira eta, arlo profesionalean ere, organizazio ezberdinetan euskararen normalizazioari ekin zaio aurreko hamarkadetan ezagutu ez den metodologia sistematiko eta teknikoaren bitartez. Gu geu ere horrelako proiektu bat zuzentzen ari gara. Une honetan LAB sindikatuarekin lanean ari baikara, "'EusLab' Egitasmoa - Euskararen Normalizaziorako Egitasmo Estrategikoa" deitu duguna bideratzen. Beraz, badago gai hauen inguruan areagotzen ari den praktika bat, hobetu nahi den errealitate bati eta gizarte-eskariari erantzuten diena. Aitzitik, oraindik ere ez daukagu praktika honen neurri bereko elaborazio teorikoa eta kontzeptuala.

ASPACE entitatearen euskalduntzeari hegira egindako planaren aplika- zioari buruzko nondik norakoak azalduko ditugu aurkezpen honen bidez, alegia planteamendu teorikotik praktikara dagoen jauzia agertzen saiatuko gara. Horrela, planaren aplikazioari buruzko zehaztasunak eman aurretik, laburki bada ere, ezinbestekoa da aplikazio aurreko urratsei, aurrekariei eta diseinuari buruzko hainbat argibide ematea.

Teknologi ikertegi honetan egiten ari den alfabetatzeko esperientzia kokatu behar da 1994az geroztik martxan dagoen euskararen erabilera areagotzeko plangintzan. Testuinguru horren azalpen orokorra Karmele Zuazubizkarrek eman digu ale honetan bertan. Esperientzia horretan alfabetatzeak duen lekua zehazterakoan, ordea, komeni da testuinguru horren beste hainbat zertzelada ematea, zergatiak eta nolakoak argiago adierazteko.

1994an IKERLAN euskararen erabilera areagotzeko plangintzan murgildu zen. Proiektu pilotoa izanik, hasieratik izan dugu hainbat erakunderen mota bateko edo besteko laguntza: Arrasateko Udala, HPIN, ELHUYAR, eta, bereziki, HABErena. HABEk plangintzaren diseinua egiten parte hartzeaz gainera, plangintzaren garapenean ere laguntza teknikoa eman digu. Horrela, eta ondoren azaltzen den esperientzian zuzen-zuzenean aritu izan da lanean.

Artikulugileek sekuentzia didaktiko bat aurkeztu eta xehe-xehe jorratzen

dute. Haien ustez, gaitasun komunikatiboaren osagai guztiak aintzat hartzen

dira sekuentzia horretan. Halaber, mintzamena atalez atal lantzeko

nahiz ebaluatzeko aukera gehiago sortzen da, ahozkoan hain bat-batekoak

diren prozesuak apur bat mantsotu eta agerian jartzen baitira.