Hizpideko artikuluak

Hizkuntza prozesuen ingeniaritza: proposamen kontzeptuala eta kasu baten aurkezpena

Tue, 11 Oct 2016 08:56:54 GMT

Azken hamarkada honetan, hizkuntzaren normalizazioan Euskal Herrian aurrerapauso nabarmenak eman dira; bereziki normalizaziorako aplikazioei dagokien diseinu teknikoaren arloan. Planifikazio-maila ezberdinak garatzen joan dira eta, arlo profesionalean ere, organizazio ezberdinetan euskararen normalizazioari ekin zaio aurreko hamarkadetan ezagutu ez den metodologia sistematiko eta teknikoaren bitartez. Gu geu ere horrelako proiektu bat zuzentzen ari gara. Une honetan LAB sindikatuarekin lanean ari baikara, "'EusLab' Egitasmoa - Euskararen Normalizaziorako Egitasmo Estrategikoa" deitu duguna bideratzen. Beraz, badago gai hauen inguruan areagotzen ari den praktika bat, hobetu nahi den errealitate bati eta gizarte-eskariari erantzuten diena. Aitzitik, oraindik ere ez daukagu praktika honen neurri bereko elaborazio teorikoa eta kontzeptuala.

Hizkuntz heziketa erakunde eta enpresetan. Gogoeta orokorrak eta esperientzien aurkezpena

Tue, 11 Oct 2016 09:03:48 GMT

Txosten honen helburua Consorci per a la Normalitzazio Lingüistica-k lan-eremuan egin ditugun heziketa-esperientzien berri ematea da. Gai honen ingurunea hauxe da, alegia, Katalunian oraindik ere erabilera orokorreko hizkuntza-heziketa beharrezkoa dela biztanle asko eta askorentzat. Premia hori gehiago nabarmentzen da gaztelaniaz hezitako espa- rru profesionaletan. Zentzu horretan, Consorci-k erakundeen eta enpresen artean sustatzen dituen heziketa-ekintzen helburua hizkuntzaren erabilera finkatzea da eta profesionalen hizkuntz trebakuntza areagotzea. Beraz, gure zereginaren ardatza hizkuntz programa orokorra (helduentzako katalan-curriculuma) erakunde edo elkarte bakoitzaren komunikazio-egoera (ahoz eta idatzizko) adierazgarrienetara egokitzea da.

"Catalá a mida", lanpostuen hizkuntz eskakizunetan oinarritutako heziketa-proiektua

Tue, 11 Oct 2016 09:10:47 GMT

"Catalá a mida" enpresa-alorrean sortu den hizkuntz heziketarako proiektu bat da. Heziketa hori laneko premiei ahalik eta ondoen egokitzeko asmoarekin sortu zen. Bi helburu ditu proiektu horrek: bata, langileek beren laneko zeregin propioak betetzeko behar duten hizkuntz heziketa edukitzea eta ez, oro har, jendeari eskaintzen zaion heziketa estandarra, erabilera berezietatik baino gehiago, hizkuntzaren ezaugarrietatik abiatzen dena. Bigarren helburua enpresari heziketa-kostua gutxitzea da: ikastaroarena berarena eta langileek horretarako behar duten denborarena. Izan ere, behar bereziak soilik asetzea bilatzen duen heziketa, ezinbestean laburragoa da eta eskuragarriagoa.

Euskalduntze eta alfabetatze curriculuma irakasleen beharretara egokitua

Tue, 11 Oct 2016 10:54:40 GMT

IRALE Hezkuntza Sailaren menpeko programa bat da, Autonomia Erkidegoko irakasleak euskalduntzeko zeregina duena, eta haren lana, noizean behin, komunikabideen bitartez edo bestela ere gizarteratu izan da, baina ez beti behar besteko zehaztasunez edo eragiten dioten faktore guztiak kontuan hartuz. Beraz, oso egoki eta estimatzekoa da oraingo aukera honetaz baliatu ahal izatea, gure lanaren berri sakon eta zehatza ematen saiatuko baikara proposatutako gaiaren inguruan.

HAEEren hizkuntza prestakuntza: administrazioko euskara zabaldu eta gaurkotzeko herri-langileei zuzendutako ikastaroak

Tue, 11 Oct 2016 10:59:28 GMT

Hitzaldi honetan administrazioko erabilera berezietarako Herri-Arduralaritzaren Euskal Erakundetik, aurrerantzean HAEE, bideratzen den hizkuntza-prestakuntzari buruz arituko gara, euskara ikasteko erakunde honetatik eskaintzen diren bestelako ikastaroak alde batera utziz, EHU- ren eskutik eratu den "Profesionalen euskalduntze-alfabetatzea" izeneko ikastaro honen gairekin ondo egokitzen ez direlako.

"Nire bulegoan" profesionalentzako lan-programa: oinarriak

Tue, 11 Oct 2016 11:03:22 GMT

Hitzaldi honetan aurkeztuko dugun lan-programa pentsatuta dago profesional euskaldunak (gizarte-laguntzaileak, pedagogia-aholkulariak, ekonomistak, kontsumo-teknikariak, marketing-arduradunak, kultur sustapeneko langileak... ) trebatzeko, beren lan-jardunean funtsezkoak izan daitezkeen zenbait ekoizpen-eragiketatan.

Haur hezkuntzako haurren guraso erdaldunentzako murgiltze programak

Tue, 11 Oct 2016 11:07:15 GMT

Azken urteotako datuak ikusi besterik ez dago Lehen Hezkuntzan eredu euskaldunek duten arrakasta ikusteko. Hala da, bai, gurasoek, euskaldunak nahiz erdaldunak izan, euren seme-alabak eredu euskaldunetan matrikulatzen dituzte, Ondorioz, ama-hizkuntzatzat euskara zein gaztelania duten haurrak, prozesu baten amaieran, elkarrekin arituko dira gela berean. Hori da, hain zuzen ere, Urretxu-Zumarragako ikastolaren kasua,

Xede Berezitarako Hizkuntzaren kontzeptua eta horren inplikazioak hezkuntzan. Beharren analisiaren garrantzia

Tue, 11 Oct 2016 11:11:44 GMT

Lau gai aztertuko ditugu txosten honetan: 1) Xede Berezitarako Hizkuntzaren historia eta garapen-aldiak gaingiroki aurkeztuko ditugu. 2) Ondoren, Xede Berezitarako Hizkuntzaren kontzeptua definitzen saiatuko gara eta irakaskuntzan izan ditzakeen inplikazioak ikertuko ditugu. 3) Jarraian, Beharren analisiaren kontzeptua arakatuko dugu eta geure aurrean izango dugun taldearen berezitasunak ahalik eta ondoen zehazteko, bere garrantzia azpimarratuko. 4) Azkenik, taldearen beharrei erantzuteko programazio egoki bat nola egin daitekeen ikusiko dugu.

Xede Berezitarako Hizkuntz irakaskuntzarako material didaktikoen analisia eta ebaluazioa. Irakaslearen zeregina

Tue, 11 Oct 2016 11:18:08 GMT

Ikastaro batean eta talde jakin batentzako zer material erabiliko dugun erabaki aurretik, ezinbestekoa da beharren analisia egitea. Izan ere, hori egin ezean, ikastaroa metodo baten baitan jarriko genuke, eta hori da, hain zuzen ere, egin behar ez dena.

Xede Berezitarako Hizkuntz irakaskuntzako metodologiaren zenbait alderdi

Tue, 11 Oct 2016 11:22:11 GMT

Xede berezitarako hizkuntz irakasle guztiek egiten duten galdera da: Metodologia berezi bat, desberdina, erabili behar al da Xede Berezitarako Hizkuntz irakaskuntzan? Erantzuna ezezkoa da eta gai horretan teoria guztiak bat datoz.