Didakteka
Ekintzara bideratutako ikuspegia. Hizkuntz hezkuntzaren ikuspegi dinamikoa
Argitaratua: Thursday, 17 November 2022, 1:44 PM
- Atalak:
- Egilea:
- Dokumentu-mota:
- Areas of knowledge:
- Atalak:
- Egilea:
- Dokumentu-mota:
- Areas of knowledge:
- Bisitak: 1176
- Iruzkinak: 0
- Gogokoak: 1
Hizkuntzen ikas-irakaskuntza hezkuntza ekintzara bideratutako / ekintzan oinarritutako
irakaskuntzara daraman egungo aldaketaren aurrekariak aurkezten ditu liburu honek,
eta ekintzara bideratutako ikuspegiaren (EBI) teorizazioa eskaintzen du. EBIrako bidea ireki zuten kontzeptu eta teoriak aztertzen ditu, eta
hizkuntzen hezkuntza-eskoletan ulertzeko eta ezartzeko moduari buruz
duten garrantzia azaltzen du. Prozesuan, "gaitasuna" kontzeptua
berrikusten du eta bitartekaritzaren eta eleaniztasunaren nozio
dinamikoak aztertzen ditu. Egileek, hizkuntzen Europako Erreferentzia
Marko Bateratuak (EEMB) eta haren azken eguneraketak, (Liburu osagarriak, EEMBLO) hizkuntzen hezkuntzaren eremua zabaltzen duten modua azaltzen
dute, batez ere ekintzari dagokionez. Liburuak EBIaren ikerketan oinarritutako deskribapena ematen die ikasleei eta irakasleei; halaber, curriculumaren
plangintzan, irakaskuntzan eta ebaluazioan dituen ondorioak azaltzen
ditu, eta inplikazio pedagogikoetan sakontzen du.
Azpimarratzekoa da liburu honek EEMBarekin eta EEMB LOarekin duen lotura. Edonola ere, liburua berez 2019an eman zen argitara eta EEMB LOaren behin betiko bertsioa 2020an plazaratu zen arren, kontuan izan behar da 2018an atera zela azken horren behin-behineko argitalpena. Hala, itzulpenean 2018koari egindako aipuak bere horretan daude.
Bibliografia oparoa eskaintzen dute Piccardo eta Northek. Euskarazko argitalpen honetan ahalegin berezia egin da APA estiloaren 7. edizioaren arabera egokitzeko, eta baita dauden erreferentziak osatzeko eta eguneratzeko ere bai.
Show comments
Beste eduki interesgarriak
Ekintzara bideratutako ikuspegia eta Europako Kontseilua
Garrantzia handia du ekintzara bideratutako ikuspegiak, bai Europako Erreferentzia Marko Bateratuan, bai Helduen Euskalduntzearen Oinarrizko Curriculumean. Europako Kontseiluak baditu hainbat baliabide Sarean kontzeptua ezagutzeko eta gauzatzeko.
Ekintzara bideratutako ikuspegia
Itzulpen Saila 57. zenbaki moduan argitaratu zuen HABEk 2022an Piccardo eta North adituen "Ekintzara bideratutako ikuspegia. Hizkuntz hezkuntzaren ikuspegi dinamikoa" erreferentziazko liburuaren euskarazko bertsioa, lan honek Europako Erreferentzia Marko Bateratuarekin eta Europako Erreferentzia Marko Bateratuaren Liburu osagarriarekin (EEMB LO) duen lotura argia dela-eta. IRAKASBILen, ekintzara bideratutako ikuspegiaz eta Europako Kontseiluari buruzko sarrera bat eman zen argitara 2023ko apirilean, besteak beste ekintza-ikuspegiak berariazko orrialdea baitu Europako Kontseiluaren webgunean. Liburua bere osoan arretaz irakurtzea komeni bada ere, sarrera honetan ekintzara bideratutako ikuspegiaren alderdi batzuk nabarmenduko dira. Orri-barrenean, liburuaren 1. eranskina dago eskuragarri