“What makes a good language learning activity? sarrera eman dute argitara "World of Better Learning" blogean; Scott Thornbury da idazlea. Ikaskuntza-jarduera on baten ezaugarriak deskribatu ditu eta eskolarako egokienak direnak aukeratzeko irizpideak proposatu.

Aurkezpenak, diapostibak eta bideoak ohikoak dira gure eguneroko bizitzan. Sarrera honetan, horrelakoak (bir)pentsatzeko, (bir)moldatzeko eta birziklatzeko laguntza, aholkuak eta ideiak aurkituko dituzu.

LdeLengua podcastaren 158. atalean, Francisco Herrerak Cristina Urbizu Pérez elkarrizketatzen du, Euskal Herriko Unibertsitatean Filologia Hispanikoan lizentziaduna eta ibilbide luzeko espainiera-irakaslea. Cristinak bere lan-ibilbidearen zati handi bat gaztelania atzerriko hizkuntza gisa irakasteari eskaini dio, bereziki etorkinekin aritu da, eta gaur egun ELEko irakasleentzako prestakuntza-ikastaroen koordinatzailea da.

"Así aprendes más porque así enseño mejor: curso práctico de metodología aplicada a la enseñanza de segundas lenguas / Nola irakatsi modu eraginkorrean? Hizkuntzen irakaskuntzari aplikatutako metodologiari buruzko ikastaro praktikoa" ikastaroa eman du Sara Roblesek 2024ko uztailean (1etik 3ra aurrez aurre eta 8an online).

Bideo honetan, ikastaroan landutakoaz aritu zaigu, guztion jakingarri.

"Ahoskera eta Prosodia lantzeko proposamen didaktikoa" ikastaroa eman du Kepa Diegezek 2024ko ekainaren 24tik 27ra.

Bideo honetan, ikastaroan landutakoaz aritu zaigu, guztion jakingarri.

Artikulu honetan, labur deskribatuko da zer den "Europako Erreferentzia Marko Bateratuaren Liburu Osagarria", zer eduki dituen, zer paradigma-aldaketa sustatu nahi duen eta nola garatu den. Halaber, ekintzara bideratutako ikuspegia landuko da; ikuspegi orokorra emateaz gain, "gizarte-eragile" kontzeptua azalduko da eta, azkenik, ikuspegiaren hiru alderdi nagusiak eztabaidatuko dira: posibilitateak ("affordances"), eragiletza ("agency") eta ataza kolaboratiboak.

https://doi.org/10.54512/REIX3225

"Routledge Handbook of Materials Development for Language Teaching" hizkuntzak irakasteko materialak garatzen dituen gida da. Gidak lau ideia nagusi aztertzen ditu, eta ideia bakoitzak materialen garapenari buruzko hainbat alderdi jorratzen ditu. Lehen ideiak materialen garapenaren eta haren historiaren ikuspegi orokorra ematen du. Bigarren ideia materialen garapenaren oinarri teorikoetan oinarritzen da, hizkuntzen ikas-irakaskuntzaren printzipioak barne. Hirugarren ideiak materialen garapenari buruzko gogoeta praktikoak jasotzen ditu, hala nola, beharren azterketa eta ebaluazioa. Azkenik, laugarren ideiak materialen garapenean sortzen ari diren joerak aztertzen ditu, besteak beste, teknologia digitalak eta hezkuntza-baliabide irekiak.

2024ko uztaila-abendua

https://doi.org/10.54512/QGXF8356

BESTELAKO LANKIDETZAK

- Hizkuntzak irakasteko bideoak sortzeko aholkuak (Elena Prieto Pérez)

- 55 urtetik gorako helduen hizkuntzen ikas-irakaskuntzarako ikuspegi bat (Marcela Fritzler)

- “EOIgualdad”: Méridako HEOko genero-berdintasuneko proiektuaren historia (Mª Jesus Quiroga Caraballo)

BESTE ITURRIETATIK

- Europako Erreferentzia Marko Bateratuaren Liburu Osagarria eta ekintzara bideratutako ikuspegia (Brian North)

IKERKETAK

- Adimen artifizialaren erabilera EAEko helduen euskalduntzean (Martin Txintxurreta Albizua)

- "Speed Dates": ikasgelan elkarrekin jarduteko eta interakzio-gaitasuna garatzeko dinamika (Paula Redondo Juárez)