Kalkoen behatokiak akastzat jotzen du baldintza-perpausaren eta ondoren-perpausaren arteko komunztadura-mota hau: Goiz iritsiko balitz, ikusiko du*.

Esaldi hobetuaren adibideak honako hauek dira: Goiz iristen (baldin) bada, ikusiko du. Goiz iritsiko (baldin) balitz, ikusiko luke.

Atzizkien laguntzaz hitz berriak sortzea ez da beti egon hiztegigile zorrotzen esku, eta adiera bera adierazteko atzizki bat baino gehiago dagoenean baten edo bestearen aldeko aukerak hizkera mailakoak izan dira batzuetan (edo hiztegigileen kasuan, irizpide sortzaileak erabili dituzte batzuetan: Larramendik joera handia erakutsi zuen esate baterako –tzaile atzizkiz neologismoak asmatzeko). Erraz pasatzen dira oharkabean horrelako kontuak, ondorioak honako hauek izaten diren arren: ikertzaile, ikerle, ikerlari hirukote antzu bat, laukotea gainera, ikerketari ere irakur baitaiteke. Hizkuntzaren normalizazioaren ikuspegitik –estandarizazioaren ikuspegitik– ez da oso desiragarria hitz beraren hainbeste aldagai egotea dantzan testuetan. Euskaltzaindiak hautua egin du: "ikertzaile" da hobestekoa.

Ikaslearen autonomia hizkuntza-heziketaren xede onartua bihurtu da munduko leku askotan. Language Learning & Technology kaleratu zenetik igaro diren azken 20 urteotan, konplexuagoa eta aberatsagoa egin da ordenagailuz lagundutako hizkuntza-ikasketaren ikerketaren, praktikaren eta autonomiaren arteko erlazioa. Artikulu honek aztertzen du nola garatu diren bi eremu horiek, nola batak besteari eragin dion, eta nola ari den orain aldatzen hizkuntza-ikasketaz eta irakaskuntzaz dugun ikuspegia.

Instagram zerbitzu edo aplikazioari buruzko artikuluak badaude jada gure argitalpenetan. Pauso bat aurrerago eman du gure esparruan idazle izan dugun José Ramón Rodríguezek, eta Instagram Stories deritzon aukera baliatuta, ELE eskolarako proposamen zehatzak argitaratu ditu bere blogean.

Urratsaren sinonimoa da pauso Hegoaldean. Batzuek zalantza izan ohi dugu idazteko orduan, honako hau, hain zuzen: pauso ala pausu idatzi… (Xuxenek zuzentzen ez duenez), harik eta konturatu garen arte, azkenean, biak ala biak idatz daitezkeela; bakoitzari bere esanahia emanez, ordea, ez baita hitz bat eta haren aldagai ortografikoa, bi hitz desberdin baizik.

L de Lenguaren 123 podcast honetan Difusión argitaletxeko Jesus Herrera da gonbidatua, eta hizpide du lidergoa eta irakasle-taldeen eraldaketa.

Multzoa eta taldea bereizten ditu. Izan ere, multzoak ez bezala, taldeak helburu bat du; hori lortzearren antolatzen da; egitekoak banatzen ditu eta elkarrekiko mendekotasun positiboa eskatzen du. Alegia, kide izan eta taldearekiko konpromisoa hartzea. Talde-mailako ikasketa emankorra lortzeko estrategiak lantzea eta garatzea eskatuko du, besteak beste, horren aipatuak diren ikasketa kooperatiboa eta konstruktibismo soziala ez direlako ikasleen eremura bakarrik makurtzen.

Moodle da software askeko Ikaskuntza Kudeatzeko Sistema (Learning Management System - LMS) hedatuena. Etapa guztietako ikastetxeetan eta unibertsitatean erabili arren, gutxitan aprobetxatzen dira ahalbidetzen dituen posibilitate gehienak. Izan ere, dokumentu- edo baliabide-biltegi soil gisa erabiltzen dute Moodle irakasle askok; jarduerekin aritzen diren irakasle gehienek, aldiz, zereginak (ikasleak bidali beharreko dokumentu edo fitxategitan oinarrituriko aktibitateak), galdetegiak edota foroak baino ez dituzte. Hala ere, askoz gehiago da Moodle. Artikulu honetan, Moodle-ri etekina ateratzen lagunduko diguten eta ikasketa ludikoago eta erakargarriago egingo duten hainbat baliabide eta jarduera aztertuko dugu.

Felipe Zayas hil dela jakin dugu. Ibilbide luzea egin du literatura eta hizkuntzen ikas-irakaskuntzaren esparruko aditu honek; HABEk antolatutako ikastaroetan irakasle ere izan zen genuen behin baino gehiagotan.