Interneten usuenetakoa, interaktiboenetakoa eta errazenetakoa den genero bat aztertzen da artikulu honetan; foroa, hain zuzen ere. Artikuluaren oinarrian ikaskuntza-ingurune birtualak suma daitezkeen arren, adierazitakoak hizkuntzaren irakaskuntza-ikaskuntzaren bestelako egoeretara ere hedatu ahal dira, hizkuntza hori H1a zein H2a izan. Hizkuntzen ikasgelarako foro-motak proposatzen dira (orokorrak eta partikularrak, irekiak eta itxiak) eta berorien nolakotasuna zein erabilera adierazten. Bukatzeko, foroen abantailak eta arazoak aurkeztuko dira.

Ikasleek aisialdian Sareak dauden baliabideak erabil ditzakete hizkuntzak ikasteko; esparru informaleko praktikak izan arren, arlo arautuagoan eragina izan dezakete. Hala azaldu dute Shafirovak eta Cassanyk "Aprendiendo idiomas en línea en el tiempo libre" artikuluan. Halaber, Itzulpen Saila bilduman argitara emandako "Sustraietatik zerura" liburuan azaldutako hainbat gai lantzen dira aipatutako lan horretan.

2017ko uztaila-abendua

BESTE ITURRIETATIK

- Bitartekotza interlinguistikoa ELE eskolan: itzulpen pedagogikoaren erabilera (Adolfo Sánchez Cuadrado).

- Ikaskuntzaz ohartzea atzerriko hizkuntzaren eskolan (I) (Lola Torres Ríos)

- Multimedia Learning-a eta bigarren hizkuntzen ikaskuntza (II): sakontzea (J. Daniel García eta Eduardo Rigo)

- Lineako partaidetza-foroak (Daniel Cassany)

Gaur egun, eztabaidagai da hizkuntzen ikas-irakasprozesuetan gramatikaren irakaskuntza: funtzioa, hartu behar duen tokia, lan-metodologia… Izan ere, programazioan ardatz izateari utzi dio, baina ezinbesteko atal bilakatu da. Horrenbestez, "nola bideratu behar da gramatikaren ikas-irakaskuntza testuinguru komunikatiboan?" galderaren aurrean, ez da erraza adostasunera iristea.

L de Lenguaren 107 podcastean Antonio Orta dugu gonbidatua, eta ”Quiero ser profesor de español, ¿por dónde empiezo?“ galderari erantzutera dator. Abiaburu gisa, azken urteotan emandako aldaketa nagusi bat azpimarratzen du: egun, profesionaltasun-maila eskatzen zaio irakasleari, eta, hori areagotzeko, formazio-eskaintza zabala dago, formala zein informala; garai batean, berriz, eta hau azaltzeko CASSANY-rekin izandako solasaldia dakar emanaldira, nahikoa zen filologian lizentziaduna izatea eta elkarrizketan gaitasun-pertsonalak azaleratzea. Bere hitzetan, nahasi egiten zirela “hizkuntza irakastea” eta “hizkuntza ezagutzea”, eta, ondorioz, jatorrizko hiztun oro gaitzat jotzen zela hizkuntzak irakasteko.

Zuzenketak egitea lehen bezain garrantzitsua da; egun gehiago idazten delako eta testu onak ibilbide luzeagoa duelako. Horixe da, hain zuzen, Daniel Cassanyk “La corrección de los escritos: del rojo a la nube” artikuluan aditzera ematen duena.

Daniel Cassanyren hitzaldia Berritzegune nagusian. Digitalizazioaren eraginez irakurketa berria nola ari den aldatzen eta zer joera indartuko diren aztertzen du. Youtubeko bideoan hitzaldia bere osotasunean dago. Gainera erantsitako dokumentuan Luis Mari Txabarrik hitzaldiaren gainean sortutako mapa-mentala duzu, bideoaren atal jakinetara jotzeko aukera ematen duena eta, aldi berean, sintesi modua dena.

Zuhaitza, zenbat eta barnerago sustraiak, gorago. Sustraiak ezagutuz –eta onartuz eta maitatuz–, hain zuzen bihurtzen gara handiago, ulerberago, koherenteago, zoriontsuago eta helduago. Zenbat eta hobeto konprenitzen dugun sorlekua, zenbat eta sakonago ulertzen eta errespetatzen ditugun gure sorlekuaren eta munduko gainerako lekuen arteko ezberdintasunak, orduan eta gorago eta berdeago adar eta hostoak.

Sustraietatik zerura honetan, hainbat eta hainbat leku eta jenderekin solastatzen diren testuak bildu ditut: nire sorleku Kataluniako jende eta lekuak, Galizia, Mexiko, Argentina, Txile, Japonia eta abarretakoak; leku horietan, lan egin izan dut, inspirazioa aurkitu izan dut, eta elikatu egin izan ditut nire sustraiak, gorago hazteko, hosto berde eta garaiagoak ageri zeru urdinean.

https://doi.org/10.54512/IS53-2013