Christian Puren doktorea izango da hizlaria 2017ko irailaren 15ean Bilbon egingo den helduen euskalduntzearen 2017/18 ikasturtearen hasierako ekitaldi akademikoan. "La perspectiva accional, una nueva concepción de la relación lengua-cultura" da hitzaldiaren izenburua. Hizkuntzen irakaskuntzan ekintza komunikatiboaren ikuspegia zabaltzeko proposamen zehatza egiten du, eta testuinguru horretan, kulturak eta hizkuntzak elkarren artean duten lotura-modua azaleratzen.

Hizkuntzen irakaskuntzen metodologian eta hiztegiaren eskurapenean ikertzaile garrantzitsua dugu Paul Nation, batez ere, ingelesa atzerriko hizkuntza gisa irakasteko esparruan. Berak ekoiztutako materialak eskura daude Interneten, besteak beste, ikasle helduentzat eta irakasleentzat idatzitako testuak.

Filmak edo bideo-zatiak eskolan erabiltzea da teknologiak baliatuta dugun aukeretako bat. Bestalde, filmak ikus-entzutea ez da bide bakarra; hor ditugu bikoizketa edo azpititulazioa, esate baterako.

Aditz arazleen bidez adierazten da norbaitek zerbait egitera behartu duela norbait. Aditzon forma zein erregimena direla eta, ohar eta adibide batzuk jaso ditugu sarrera honetan.

Beatriz Fernández EHUko irakasle eta euskaltzainak idatzitako "Euskera para castellanohablantes" liburuari buruzko iruzkinak. Gaztelaniaz idatzita dagoen arren, euskara ikasten edo irakasten ari denak aurki lezake alderdi interesgarririk dibulgazio-lan honetan.

Hizkuntzen ikas-irakaskuntzan irudiak baliatzea ez da berria; "visual thinking" edo pentsamendu bisuala ere sarri entzuten da azken boladan. Kontua da, maiz, zer nolako gaitasuna dugun marrazkiak egiteko edota gaitasun horri buruz zer iritzi daukagun eta areagotu ahal dugun. Hala, aspaldi HABEKO MIK aldizkarian argitaratutako "Marrazkiari beldurrik ez "materiala jarri da interesatuen eskura IKASBIL esparruan.

Askotan, zalantza sortzen zaigu aditz “arazleak” idaztean. Horregatik, lehenik, azter dezagun zer dioen Euskaltzaindiaren 23. arauak eta zer agertzen den Euskaltzaindiaren Hiztegian.

Batzuetan, zalantza sortu ohi zaigu zenbait egiturarekin. Adibidez, nola adierazi: "Esne litroko 0,34 € ordaintzea adostu zuten", ala "litro bat esne 0,34 € ordaintzea adostu zuten?" Kasu eta adibide batzuk aztertuko ditugu sarrera honetan.