Askotan, zalantza sortzen zaigu aditz “arazleak” idaztean.  Horregatik, lehenik, azter dezagun zer dioen Euskaltzaindiaren 23. arauak:

1.       Arazi aldaera gomendatzen du Euskaltzaindiak; salbuespen bakarra, adierazi.

2.       Aurreko aditzari lotua idatziko da beti arazi: harrarazi, erorarazi, iraunarazi, hilarazi, betearazi, galarazi, geldiarazi, ezagutarazi, nabarmenarazi, ihardetsarazi, inarrosarazi.

3.       Zenbait aditzen aldaera t-dunak, hots,sortarazi, agertarazi eta kidekoak, sorrarazi, agerrarazi eta kidekoak bezain zilegizkotzat hartzen dira.

4.       Arazi-ren aurreko aditza a bokalaz amaitzen baldin bada, a biekin bat egingo da: aldarazi, benedikarazi, jokarazi, koordinarazi, obligarazi, sozializarazi.

Arauak  zera dio 3. puntuan:  “Zenbait aditzen aldaera t-dunak, hots, sortarazi, agertarazi eta kidekoak, sorrarazi, agerrarazi eta kidekoak bezain zilegizkotzat hartzen dira”. Hala eta guztiz ere, aldaera t-dun horiek ez dira hiztegietan jaso.

Esaterako, honako hauek agertzen dira Euskaltzaindiaren Hiztegian:  agerrarazi (agertarazi), ahantzarazi (ahaztarazi), erakutsarazi (erakustarazi), ezkonarazi (ezkontarazi),  harrarazi (hartarazi), irakurrarazi (irakurtarazi), ikasarazi (ikastarazi), idatzarazi (idaztarazi), leherrarazi (lehertarazi), sorrarazi (sortarazi)…

 Salbuespen dira ulertarazi, ohartarazi eta agintarazi.

Hortaz, aditzoinari lotu behar zaio beti arazi (partizipioa = etorri, ikasi; aditzoina = etor, ikas). 

Gogoan izan aditzoin batzuek berez dutela t hizkia bukaeran:

Era berean, horrela osatu behar dira -tz, -ts edo -tx bukaera duten aditzoinak:

* Gehienak aditz eratorriak dira.

** Euskaltzaindiak hobetsitako formak euskara baturako.