Manuela Menak eta Vicenta Gonzálezek “Adimen artifiziala helduen euskalduntzean” ikastaroan emandako saioaren laburpena eta bertan aurkeztutako zenbait material jaso dute sarrera honetan. Aipagarria da NotebookLM erreminta baliatu dutela, besteak beste, erantsita dauden podcastak egiteko.

Nuria P. Calvo Blancok, Coruñako Hizkuntza Eskola Ofizialeko irakasleak, grabatutako bideo laburra. Gaztelaniaz dago, euskarazko azpitituluekin.

Oinarrizko bibliografia ere badago, erantsitako pdf fitxategian.

Olga Cruz Moya eta Patricia Santervás González irakasleek transmedia-narratiba nola erabil daitekeen azaltzen dute liburuan, gaztelania atzerriko hizkuntza (ELE) gisa irakasteko testuinguruetan.

Eusko Jaurlaritzako Hezkuntza Sailak "Hezkuntza-eremuan adimen artifizialak erabiltzeko gida" argitaratu berri du Elhuyarrekin lankidetzan. Gida bera nagusiki hezkuntzako etapa eta arlo ezberdinetako irakasleei bideratuta badago ere, helduen euskalduntzean diharduten irakasleentzat baliagarriak izan litezkeen hainbat baliabide eta erabilera-irizpide eskaintzen ditu.

Susana Aldaok, Coruñako Hizkuntza Eskolako irakasleak, bideo-kanal interesgarria du YouTuben. Teknologiarekin eta hizkuntzen ikas-irakaskuntzarekin lotutako bideo laburrak sortu eta partekatzen ditu bertan. Landutako gaien artean Moodle eta H5P daude.

HABEk laugarrenez eskaini nahi du "Jardun bikoa helduen euskalduntzean" prestakuntza-egitasmoa, helduen euskalduntzean eskolak ematen ari diren irakasleak jardun biko irakastereduan berariaz prestatzeko. Helburua da gaitasun digitala areagotzea eta garapen profesionalerako baliagarri izatea.

Bi ikastarok osatzen dute 2025eko urritik 2026ko martxora bitartean gauzatuko den prestakuntza-eskaintza. Ikastaroak online egingo dira; betiere, praktika tutorizatuaren balio erantsia bermatuta. Lehen ikastaroaren aurrematrikulazio-epea 2025eko ekainaren 3tik 11ra bitartean izango da.

Sarrera honetan, Google-k garatutako adimen artifizialaren laguntzaileetako bat aurkeztuko dizuegu: NotebookLM. Merkatuan badaude NotebookLMren antzeko funtzioak dituzten beste tresna batzuk ere, besteak beste, Copilot, ChatGPT edota Claude. Tresna hauek norberaren testuetan oinarrituta galderak, laburpenak, azalpenak eta ideia nagusiak eskaintzeko gai dira. Irakaskuntzan oso erabilgarriak izan daitezke materialak antolatzeko eta ikasleei laguntzeko.

Ikastaroak AEKko irakasleen gaitasun digitalak hobetzeko xedea du, adimen artifizialaren erabilera praktiko eta pedagogikoak barneratuz. Adimen artifizial sortzaileen azken aurrerapenek irakasleen lanbidean aldaketa sakonak ekarri dituzte. Gainera, ebaluazio-metodoak eta -estrategiak ere eguneratu behar dira, ikasle bakoitzaren aurrerapena zehatzago neurtzeko eta hezkuntza prozesua pertsonalizatzeko aukera emanez. Horrela, ikastaro honen bidez, irakasleak teknologia berrien erabilera didaktikoan trebatuko dira, etorkizuneko erronkei eraginkortasunez aurre egiteko prestatuz.