HABEk laugarrenez eskainiko du Jardun bikoa helduen euskalduntzean prestakuntza-egitasmoa, helduen euskalduntzean eskolak ematen ari diren irakasleak jardun biko irakastereduan berariaz prestatzeko. Orobat, partaideen gaitasun digitala areagotzeko eta, azken finean, garapen profesionalerako ere baliagarria izango da. 

Bi ikastarok osatzen dute 2025eko urritik 2026ko martxora bitartean gauzatuko den prestakuntza-eskaintza. Ikastaroak online egingo dira; betiere, praktika tutorizatuaren balio erantsia bermatuta. Lehen ikastaroaren aurrematrikulazio-epea 2025eko ekainaren 3tik 11ra bitartean izango da. 

Lehen ikastaroak (Jardun bikoa I) bi atal izango ditu:

• Plataforma: Inguru birtual eraginkorra, aurrez aurreko ikasprozesua, ikuspegi kolaboratiboa, era sinkrono eta asinkronoa nola uztartu.

• Jarraipena: Tutoretza, feedbacka, pantaila bidezko grabazioa (bideoz emandako feedbacka).

Bigarren ikastaroak (Jardun bikoa II) beste bi atal izango ditu:

•  Autonomia: Ikasleei ikasten laguntzeko estrategiak garatzeko laguntza; bai plataforma erabiltzean, bai jarduerak bakarka edota elkarlanean egitean.

•  Ebaluazioa: Xedea da ebaluazioa ikaskuntzaren eragile bilakatzea.

Prestakuntza-egitasmo honetako lehendabiziko ikastaroan matrikulatu ahal izateko, klik egin behar da IRAKASBILeko esteka honetan eta aurrematrikulaziorako formularioa bete. Matrikulazio-prozesuan, lehentasuna izango dute bi ikastaroak jarraian egiteko asmoa adierazten dutenek, baita 2024-25 ikasturteko 2. edizioan bi moduluetako bat egin zuten irakasleek ere.