Jose Luis Verak hitzaldi bat eman zuen gaztelaniaz 2012an HABEk antolatutako Ikastaroen barruan, ¿Qué le responderíamos al alumnado si nos preguntase “para qué sirve un portafolio?" izenburupean.

Portfolioa ebaluazio jarraitua egiteko tresnatzat jotzea oso lagungarria izan daiteke ikaslearen ikasprozesuan parte hartu ahal izateko (bere arazo, zailtasun edo erronketan, bere autonomia-mailan...), zeren arrasto ugari erakutsi ahal dizkigu bere ikas-irakasprozesua era egokian birbideratzeko. Baina hori pixkanaka egin behar da, bestela beste inposizio bat gehiago dela pentsa daiteke.

Bideo honetan, hitzaldi osoa duzue entzungai.

A1, A2, B1, B2, C1, C2. Horra hor, gaur egun, hizkuntz irakaskuntzari dagokionez, ongi ezagututako sailkapena Europako Erreferent zia Markoan eskainia. Helduen euskalduntze-alfabetatzean ere orpoz orpo jarraiki zaie Europar erakundeek, hizkuntzen alorrean, plazaratutako idazki eta argitalpenei. Artikulu honetan, egilea, Europako Erreferentzia Markoa ondo gogoan, alderaketa-lan mardula eskaintzera dator. Horretarako, lau dokumentu oinarrizko jo ditu begiz erkaketa egiteko: 1) John Trim-ek paratu eta EALTAren WEBgunean eskuragai dagoena; 2) Madrilgo Hizkuntza Eskola Ofizialetarako Oinarrizko eta Maila Ertaineko curriculak ezartzen dituen 31/2007ko Ebazpena, ekainaren 14koa; 3) Cervantes Institutuaren “Plan Curricular del Instituto Cervantes”, eta 4) Generalitat de Catalunya-ko, Direcció General de Política Lingüística-k osatutako “Programa de Llengua Catalana, Nivell inicial”.

Aldeak alde, lau proposamenak komunikazio beharretatik abiatzen dira, ez hizkuntzaren egituratik. Eta, hala berean, proposamenen egileok biziki azpimarratzen dute tokian tokiko inguruneak aintzat hartzeko beharra xede-hizkunt za irakastean. Artikulugileak xeheki eskainiko du zer-nolako horien guztien berri.

Asko eta asko dira H2 ikastean eta erabiltzean herstura nozitzen dutenak. Ikasle horiek diotenez, deseroso eta ezinegonak jota sentitzen dira H2n adierazi nahiko luketen guztia ezin esan dezaketenean, edota jatorrizko hiztunei zer dioten aise eta erraz ezin uler diezaieketenean. Halaber, ikas--prozesuan ere urduri ikusi ohi dituzte beren buruak ikasgelan, ebaluazio--probetan, edota irakasleak zerbait galdetu eta xede-hizkuntzan erantzun behar izaten diotenean… H2 ikasi eta erabiltzean herstura jasatea gertaera arrunta da. Eta traba egiten dio ikasleari bere lorpen-emaitzak eskastuz. Artikulu honetan, gaia berriz mahaigaineratuz herstura edo antsietatearen zer-nolakoei begiratuko diegu: zerk sortzen duen, zein egoeratan eta saihesteko zer egin genezakeen aztertuz. Halaber, gure ingurunean, helduen euskalduntze-alfabetatzean burututako bi ikerketaren emaitzak ere

dakartzagu orrialde hauetara.

Pere Godallek hitzaldi bat eman zuen gaztelaniaz 2012an HABEk EHUrekin batera antolatutako Ikastaroen barruan, "Comunicación y lenguajes" izenburupean.

Komunikazioaren kontzeptua da abiapuntua eta oinarrizko bost lengoaien zeregina (ahozkoa, musikala, gorputzezkoa, plastikoa eta matematikoa) komunikazio-kanal moduan, haien bidez helarazten baitiegu hartzaileei gure mezuaren informazioa.

Bideo honetan, hitzaldi osoa duzue entzungai.

Ana Ortegak eta Roberto Mielgok hitzaldi bat eman zuten euskaraz eta gaztelaniaz 2011n HABEk antolatutako Ikastaroen barruan, "Proiektu bidezko irakaskuntza eta sekuentzia didaktikoa, hizkuntzen irakaskuntzarako metodologia eredu bat" izenburupean.

Bideo honetan, hitzaldi osoa duzue entzungai.

Jordi Solsonak hitzaldi bat eman zuen gaztelaniaz 2012an HABEk antolatutako Ikastaroen barruan, "Identidad digital vs. Identidad analógica: ¿vidas paralelas?" izenburupean.

Nortasun digitalaren ikuspegi orokorra eman nahi da hitzaldi honetan, zein den Interneten uzten den arrastoa, Googlen batez ere, nola hobetu nortasun hori, eta nortasun digitalak ze garrantzia duen komunitate birtualetan, batez ere hezkuntza-komunitateetan.

Bideo honetan, hitzaldi osoa duzue entzungai.

Montserrat Vilàk hitzaldi bat eman zuen 2012an HABEk antolatutako Ikastaroen barruan, "La interrelación entre comprensión y expresión oral: la lectura pública como actividad comunicativa" izenburupean.

Hitzaldi honek ideia hau du abiapuntu: ahozko ulermena eta adierazpena elkarrekin erlazionaturik daudela, eta elkarren osagarri direla. Bestalde, hitzaldiak bi helburu ditu. Alde batetik, ikasleek ahozko eta idatzizko ulermenean dituzten zailtasunik ohikoenak (linguistikoak, kulturalak, diskurtsiboak…) aztertu nahi ditu; eta, beste alde batetik, ahots gorako irakurketa balio komunikatibodun jardueratzat duten eta testuak ulertzeko eta jendaurrean irakurtzeko orduan eragina duten estrategia metodologikoen gaineko hausnarketa egin nahi du.

Bideo honetan, hitzaldi osoa duzue entzungai.

Artikulu honetan mintzamen-ariketa komunikatiboak eskaintzen dira. Helduekin lan egiteko dira. Gaiak aldatuta ariketa-mota hauek ikasle gazteagoentzat ere balio lezakete. Ariketa-ereduak dira, irakasleak bere beharretara egokitu ditzakeenak. Adibidez, hurrenkeratze- edo zerrendatze-jardueretan umearen mundutik hurbil dauden itemak hurrenera daitezke: janariak, irudi bizietako pertsonaiak, kirolariak, jolasak, kantak…, asmakizun zientifikoak hurrenkeratu ordez. Hurrenkeratzeko irizpideak aldatzeko aukera ere badago.

Gaia ere alda liteke ikasteko arloaren arabera, dela historiako, ingurumeneko, musika eta abarreko edukiak erabilita murgiltze-eredu batean (CLIL). Itemak hurrenkeratzeko jarduerak daude; rol-jokoak egiteko jarduerak daude; produktuak ekoizteko jarduerak daude: eztabaidak, plangintzak…

Asmoa goi-mailetarako ariketa-bildumatxo bat egitea da. Ariketa-tipoak izango dira, gero, irakasleak, moldatuko dituenak bere mailen arabera.