Caroline Youngek hitzaldi bat eman zuen gaztelaniaz 2015ean HABEk EHUrekin batera antolatutako Ikastaroen barruan, "Consejos prácticos para la clase de adolescentes jóvenes" izenburupean.

Bideo honetan, hitzaldi osoa duzue entzungai.

Nola planifikatu jarduerak ikasgelan maila bat baino gehiago ditugunean? Nola erantzun ikasleen behar, erritmo eta maila ezberdinei? Nola diseinatu maila ezberdinetarako jarduerak, ikasle guztiek ikasi eta ahalik eta etekin handiena atera dezaten? Nola proposatu aldamiatze-teknika koherentea? Eta nola egin ikasle bakoitzaren jarraipen pertsonalizatua? Ikastaro honetan, ikuspegi praktiko eta aktibo batetik abiatuta, galdera horiei erantzungo zaie.

Ikastaro hau guztiz praktikoa izango da. Bertan, labur berrikusiko dira hizkuntzaren irakaskuntzan baliatutako metodo eta ikuspegi nagusiak, horien alderdi baliagarrienak gaur egungo ikasgelan, eta, ondoren, ikuspegi komunikatiboen prozedura-gakoetan sakonduko da. Horrela, bigarren hizkuntzen ikasgelako edukiak eta komunikazio-jarduerak modu eraginkorragoan irakasteko aplikazio praktikoak, baliabideak eta estrategiak landuko dira.

Ikasgelara eraman beharreko testuek nolakoak izan behar duten azalduko du irakasleak, baita nola irakatsi curriculumaren edukiak ere. Era berean, jarduera bideratuenetatik libreenetara eta parte-hartzaileenetara sekuentziatutako praktika-prozesuak nola garatu ere aztertuko da.

Ikastaro honen helburua oinarri teoriko-metodologikoak, baliabideak, prozedurak eta tresnak eskaintzea izango da, bertaratutakoek irakasteko dituzten moduak zabal ditzaten, ikaslea inplikatu eta ikasgelan parte hartzera bultzatuko duten ikuspegi aktiboak aplikatuz.

Orientabide horiek guztiak jarduera eta sekuentzia didaktikoetan gauzatuko dira, ikasleak euskaraz modu eraginkorrean komunikatzeko gai izan daitezen.

2023ko urritik 2024ko martxora burutu dira “Jardun bikoa helduen euskalduntzean” ibilbideko ikastaroak. Ataletako batean, ikaslearen autonomia sustatzeari dagokionean hain zuzen, talde-lan bat egin behar izan dute partaideek: aditu bat elkarrizketatu online eta solasaldia bideo edo audio batean jaso. Gainera, elkarrizketa hori iragartzeko kartela egin dute aldez aurretik. Sarrera honetan, zazpi taldeek egindako lanaren emaitza aurkeztuko da. Bestalde, laster emango da argitara tutoreek idatzitako artikulu bat; egindakoaren oinarrian dagoena azalduko da bertan.

Claudia Fernándezek hitzaldi bat eman zuen gaztelaniaz 1999an HABEk antolaturik, "La programación: un instrumento de trabajo para profesores y alumnos" izenburupean.

Bideo honetan, hitzaldi osoa duzue entzungai.

Atzerriko hizkuntzen irakaskuntzan, gutxienez, duela bi hamarkada garatutako kontzeptua da "Scaffolding" edo aldamiatzea. Baina zertan datza "Scaffolding" edo aldamiatze-metodologia? Ikasleei ikasgelan sortzen zaizkien arazoak euren kabuz konpontzeko aukera emango dieten baliabideez edo tresnez hornitzean datza. Beraz, ez da ikasleari zuzenean laguntzea gelako ariketak ebazten, baizik eta baliabideak ematea, azter ditzan eta ondorioak atera ditzan.

Felipe Zayasek hitzaldi bat eman zuen gaztelaniaz 2015ean HABEk antolatutako Ikastaroen barruan, "Por qué la secuencia didáctica es un buen modelo para la enseñanza de la composición escrita" izenburupean.

Bideo honetan, hitzaldi osoa duzue entzungai.

Montserrat Vilàk hitzaldi bat eman zuen gaztelaniaz 2015ean HABEk antolatutako Ikastaroen barruan, "¿Por qué las secuencias didácticas suelen funcionar para aprender lengua oral?" izenburupean.

Bideo honetan, hitzaldi osoa duzue entzungai.