2021eko uztailaren 6, 7, 8 eta 16an Adolfo Sánchezek "Aplicación del CEFR Companion Volume para integrar la mediación en la enseñanza y evaluación del euskera a la población adulta" ikastaroa eman zuen Zoom bidez, HABEk antolatuta.

Beheko bideoan, ikastaro horretan landutako edukien gako nagusiak bildu ditu.

Susana Llorianek hitzaldi bat eman zuen gaztelaniaz 2009an HABEk EHUrekin batera antolatutako Ikastaroen barruan, "Entender y utilizar el "Marco Europeo de Referencia" desde el punto de vista del profesor de lenguas" izenburupean.

Bideo honetan, hitzaldi osoa duzue entzungai.

Ikastaroa planteatuta dago C2n hasi berriak diren irakasleentzat edo, C2 agiridunak izan arren, C2ko eskolak ematen hasi gabeentzat. Ikastaroaren helburu nagusia da irakasle horiek C2ko eskolak emateko prestatzea.

Artikulu honek Europako Kontseiluaren "Common European Framework of Reference for Languages; Learning, teaching, assessment – Companion Volume" argitalpenaren eduki garrantzitsuenak deskribatzen ditu, eta liburua egiteko jarraitu den prozesua azaltzen; eduki horiek dagokien testuinguruan kokatzen ditu, eta aztertzen du nola eragin dezaketen irakaskuntza- eta ebaluazio-arloetan epe motz, ertain eta luzera. Ingeleseko behin betiko bertsioa 2020an plazaratu zen. Gaztelaniaz eta euskaraz, berriz, 2021ean izango da. "Hizkuntzan ikaskuntza, irakaskuntza eta ebaluaziorako Europako Erreferentzia Marko Bateratuaren Liburu Osagarria" izango du azken horrek izenburu.

https://doi.org/10.54512/PLWL2687

Duela gutxi eman genuen hemen "Euskara kolokialaren eskuliburua"-ren berri; baina, zer dago HEOCean erregistro horri buruz? Sarrera honetan curriculumean zehar agertzen diren zenbait alderdi zehaztuko ditugu, lagungarri gertatuko zaizuelakoan.

Lengoaiaren, komunikazio linguistikoaren eta ikaskuntzaren zientziek ekarpen berriak egin dituzte, eta hizkuntzen irakaskuntza antolatzeko moduan ere izan dute eragina. Ondorioz, ikasgelan, testua da oinarrizko eta laneko unitate linguistikoa; horixe da antolamendu berri horren ardatz nagusietako bat.

Hezkuntza eta ikaskuntza elkarreraginpean burutzen diren prozesutzat hartzen dira, irakasteak hitz egitea dakarrela ulertuta, elkarrizketak izatea. Horrela, elkarrekintza ez ezik, elkarren artean osatzen den pentsamendua ere badugu ikaskuntzan; pentsamendua eta hizkuntza hertsiki loturik baitaude. Eta, horregatik hain zuzen, pedagogia dialogikoa indartzeko beharrezkoa izango da ikasgelan elkarreragina sustatzea, izan aurrez aurreko saioetan, izan online bidez bideratutakoetan.

"Anuario brasileño de estudios hispánicos" argitalpenean plazaratu zen Juan Manuel Real Espinosak idatzitako "Cultura, una herramienta para comunicar" artikulua. Aditu honen ustez, kulturaren esparruko edukiek bigarren hizkuntzen curriculumetan tokia hartu badute ere, trataera aldetik bakoitzaren berezitasunak azpimarratzea izan da ikuspegi nagusia baina horren ordez gizon-emakumeen kultura guztiek dituzten oinarri komunetan jarri beharko litzateke funtsa.