Klima-aldaketaren oinarrizko lexikoa

Klima-aldaketaren oinarrizko lexikoa plazaratu du Euskaltzaindiak, UZEIrekin elkarlanean.

Europako Kontseiluaren ekimenak Europako Erreferentzia Marko Bateratua dela-eta

Zenbait ekimen antolatu ditu eta antolatuko ditu Europako Kontseiluak Europako Erreferentzia Marko Bateratuaren eta horren Liburu Osagarriaren inguruan, web-mintegiak eta Nazioarteko konferentziak besteak beste.

Kolore, kolore...

Blanca Urgellek Berria egunkarian idatzitako iritzi-artikulu baten harira, euskarazko kolore-izenak ditugu hizpide. Mundua ikusteko era da koloreak hitzez adieraztea, eta hizkuntza bakoitzak bere modua du. Zein dira oinarrizkoak? Zer berezitasun dute?

Henrike Knörr bekak: 2021eko deialdia

Arabako Foru Aldundiak eta Euskal Herriko Unibertsitateak, Henrike Knörr-en familiarekin adostuta, euskalari eta euskaltzale honen izena daraman beka sortu dute, euskararen erabilera Arabako lurralde historikoan ikergai duten lanak egiteko. Hala, 2021eko beken deialdia argitaratu da.

Zure hatz marka euskaraz!

"Zure hatz marka euskaraz!" kanpaina abian jarri berri du Eusko Jaurlaritzaren Hizkuntza Politikarako Sailburuordetzak. Kanpainaren helburua eremu digitalean euskararen erabilera sustatzea da eta horretarako ardatz bi izango ditu: batetik, gazteek euskaraz sor dezaten bultzatzea; bestetik, euskaldunok erabiltzen ditugun gailuak euskaraz konfiguratzeko deia egitea.

Telelanaren oinarrizko lexikoa (Euskaltzaindia)

Euskaltzaindiak, UZEIrekin lankidetzan, koronabirusari buruzko oinarrizko lexikoa atera zuen iazko apirilean, eta, horrekin loturik, uztailaren bukaeran argitara eman du telelanaren oinarrizko lexikoa. Euskaltzaindiaren webgunean, denon eskura daude COVID garai honetan egunero darabiltzagun hitz batzuk. Horrela, telelanarekin zerikusia duten 23 termino daude jada sarean, euskaldun orok erabil ditzagun.

Interakzionismo Sozio-Diskurtsiboaren VII. Nazioarteko Kongresua

Interakzionismo Sozio-Diskurtsiboaren (ISD) VII. Nazioarteko Kongresua izango da Donostian uztailaren 5etik 7ra, UPV-EHUren Uda Ikastaroen barruan."Mintzaira-jarduera: ikerketak eta praktikak mundu eleaniztunean" du izenburu. Kongresua, hizkuntza gutxituei eta hizkuntza-aniztasunari arreta berezia (baina ez esklusiboa) eskaintzen dioten lau ardatzen inguruan dago egituratuta. Hizlarien artean, J.P Bronckart eta Joaquim Dolz izango dira, besteak beste. Bestelako ekarpenak ere izango dira, hala nola ahozko komunikazioak, sinposioak eta posterrak. Online edo aurrez aurre (aforo-mugaren arabera) parte hartzeko aukera izango da.Izena emateko epeari dagokionez, maiatzaren 31n bukatuko da. Hala ere, entzule moduan parte hartzeko epea zabalik egongo da kongresuaren egunera arte.

Adizkinator: aditzak jokatu eta bilatzeko aplikazioa

Euskara batuaren aditzak jokatzeko eta bilatzeko aplikazioa da "Adizkinator". Hona hemen Ander Herranz egileak idatzitako aurkezpen laburra,