Liburu digital berri bat doan argitaratzea erabaki dute International House-formacionele.com-ekoek ELEko irakasleentzat, normalean blogean eskaintzen duten edukien osagarri gisa. Gaztelaniako eskoletan teknologia modu eraginkor eta profesionalean erabiltzeko proposamenak, aholkuak eta jarduerak bildu dituzte bertan. Horietako asko gure esparruan era erabilgarriak izan daitezkeelakoan gaude.

2019ko azaroaren 15 eta 16an antolatuko dira Donostian GIELE taldearen III. Jardunaldiak HABEren lankidetzarekin. Hizkuntzen ebaluazioan ari diren profesionalek osatutako elkartea da "Grupo de interés en Evaluación de Lenguas en España", GIELE alegia. Espainia mailan hizkuntzen ebaluazioaren esparruko ikerketak eta ekimenak hedatu eta sustatzea da elkarte horren asmoa.

Datuak jasotzeko moduetako bat dugu behaketa. Eta erabilera ugari ditu, besteak beste, irakasleen garapen profesionalean. Sarrera interesgarria idatzi du Jaume Batllek eskolen behaketaren eta irakasleen prestakuntzaren inguruan.

Oinarrizko erabiltzailearen A1 eta A2 mailak zedarritzen ditu HEOCak, eta, era horretara, Europako Erreferentzia Marko Bateratuaren eskalekin erabat parekatzea lortu da. Alabaina, bada une honetan zenbaiten ahotan dabilen galdera: zein mailatan ekarri behar dira gaitasun-maila horiek lantegietan garatzen diren solasaldien ezaugarrietara? Galdera horri erantzutera dator Josu Peralesen ekarpena.

Sarreratxo honetan, PLE (Personal Learning Environment), edo bere euskarazko itzulpena den NIA (norberaren ikas-alorra) kontzeptuaz ari da Jordi Adell aditua. Aditu honen arabera, teknologiak eskainitako aukerak baliatzeko eta ulertzeko modu bat dago PLE kontzeptuaren azpian, prozesu informaletarako osagarri edota garapen profesionalerako tresna izan daitekeena.

Sarritan entzuten eta irakurtzen dugu azken boladan PLE (Personal Learning Environment), edo bere euskarazko itzulpena, NIA (norberaren ikas-alorra, alegia). Jordi Adell da kontzeptu horren inguruan ari den adituetako bat. Berak dioenez, Internetek, sareek, teknologiek... eskainitako aukerak baliatzeko eta ulertzeko modu bat dago PLE kontzeptuaren azpian, prozesu informaletarako osagarri edota garapen profesionalerako tresna izan daitekeena.

EPG – The European Profiling Grid» tresna bat da, hizkuntza-irakasleen gaitasunak biltzen dituena taula batean, non sei garapen-maila zehazten diren (irakasle hasiberriarengandik hasi eta irakasle adituarenganainokoa). Erreminta honen helburua da garapen profesionalean laguntzea hizkuntza-irakasleei. Baina, era berean, tresna ere bada, bai hizkuntza-zerbitzuen kalitatea bermatzeko ardura duten koordinatzaile eta kudeatzaileentzat, bai zentroetako irakasleei laguntza eta garatzeko aukerak eskaintzen dizkieten aholkulari eta prestatzaileentzat.

«Quality Assurance and Self-assessment for Schools and Teachers» proiektuaren emaitzetan oinarriturik, argitalpen hau prestatzaileei eta biderkatzaileei zuzendutako gida bat da, kalitatea bermatzeko hizkuntzen irakaskuntzaren alorreko maila ezberdinetan; lan hori egiteko gida osagarria, teoria eta praktika kasu esanguratsuekin lotzen dituena. Kalitate-prozedura eta –printzipioen ezartzea errazteko markoa eta tresnak eskaintzen ditu. Esanguratsua, garapen profesionalari begira —bai gizabanakoaren, bai gizatalde/erakundeen mailan—, non “kalitatearen kultura” sendotu nahi den.