Didakteka
GIELEren V. jardunaldia Gironako harresi-barruan
- Atala:
- Egilea:
- Dokumentu-mota:
- Area of knowledge:
- Atala:
- Egilea:
- Dokumentu-mota:
- Area of knowledge:
- Bisitak: 448
- Iruzkinak: 0
- Gogokoak: 1
2023ko azaroaren 10ean eta 11n egin zen GIELEren V. jardunaldia. Lehen egunerako, ohi bezala, lau orduko lantegiak antolatu zituzten, eta gaiak askotarikoak izan ziren; guzti-guztiak hizkuntzen ikas-iraskuntzari eta egiaztatzegintzari hertsiki lotuak. Aurtengoan, proben kalitatea kontrolatzeko datuei, ulermen-probetako itemak sortzeari, Europako Erreferentzia Marko Bateratuan jasotako deskriptoreei eta adierazpen-, bitartekotza- eta elkarreragin-proben kalifikazioei buruzko aurkezpen eta ikastaro praktikoak landu ziren.
Bigarren egunean, berriz, hitzaldi- edota aurkezpen-formatuan, adimen artifiziala izan zen jardunaldiaren gai nagusia. Adimen artifizialaren erronka eta aukerei buruzkoa izan zen hitzaldi nagusia, eta, gero, Espainian adimen-artifiziala egiaztatzegintzan nola baliatzen ari diren azaldu zuten lan horri duela zenbait denbora heldu zioten hiru erakundek. Hizkuntzen ikas-irakaskuntzan baliatzen ari diren adibide praktikoak ere aurkeztu zituzten, eta irakasleen lana errazteko bitartekoak ere bai.
Aldibereko komunikazioetan bestelako gairik ere landu zen: proben datuak aztertzearen garrantzia; epaile-adituen funtzioa egiaztatzegintzan, lokailuak eta corpusa; bitartekotza-errubrikak, eta CIEACOVA lankidetza-ereduaren aurkezpena.
Amaitzeko, arduradunek jardunaldiaren ondorio orokorrak bildu eta GIELEren norabideari eta hurrengo edizioari buruzko zehaztapenak eman zituzten.
Aurrerago, adierazpen-, bitartekotza- eta elkarreragin-proben kalifikazioen, adimen artifizialaren eta CIEACOVAren aurkezpenen berri emango da IRAKASBILen.
Beste eduki interesgarriak
"Evaluación de lenguas: ¿futuro o futuros?". GIELE taldearen V. Jardunaldiak
2023ko azaroaren 10ean eta 11n izango dira Gironan GIELE (“Grupo de interés en evaluación de lenguas en España”) taldearen V. Jardunaldiak: "Evaluación de lenguas: ¿futuro o futuros". Bertako unibertsitateko Hizkuntza Modernoen Zerbitzuarekin batera antolatuko dira. Ekainaren 15era arte irekita egongo da komunikazio-proposamenak aurkezteko epea. Uztailaren 10ean emango da argitara behin betiko programa eta irailaren 15ean hasiko da izena emateko epea.
Bota diezaiogun gatz pixka bat adimen artifizialari!
Telefonoa eta ordenagailua ezinbesteko egin ditugun garaiotan, ez dago gaizki atzera begiratzeko beta hartzea: ordenagailuak eskuartean izaten hasi ginenean, zalantzan jartzen genuen nola lagundu ziezagukeen makina hark gure lana egiten, nola arraio lagunduko zigun WordPerfect itsusi eta gatzgabe hark. Guztiok ikasi dugu, gutxi-asko, eskuko telefonoa erabiltzen eta ordenagailuak piztu eta nabigatzaileari eskaeraren bat edo beste egiten... Baina horrekin konformatu ez eta bada makinak “gizaki” bihurtzeko lanean diharduenik. Horretan dabiltza, eta bidea egiten ari dira, gainera: horren erakusgarri da, besteak beste, hain modan dagoen ChatGPT sonatua. Orain artean ikasi dugunari jarraikiz, komeni guri ere olatu (artifizial) hori hartzea lehertu baino lehen.
Guztiak elkarrekin, noranzko berean
Valentziako Unibertsitate Politeknikoko Sergi Linares ordezkariak Valentzian abian den CIEACOVA proiektua aurkeztu zuen; hain zuzen ere, Valentziako zazpi unibertsitatek egiaztatzegintzari begira abian jarritako lankidetza-proiektua.