Metodo eta proposamen didaktiko guztien helburua da ikaslea H2an erabiltzaile autonomo bilakatzea. Horrenbestez, eta ezinbestean, irakaslearen egitekoa autonomia-eremuak antolatzea izango da, ikasleak gaitasun-maila hori gara dezan.

Bigarren hizkuntzen irakaskuntzan diharduten irakasleen formaziorako baliabideetako bat da Irakasleen formaziorako bideo-saila (IFB) bilduma. Eskura dituzu, HABE Liburutegian, 2015 urtean eratutako ikastaroetan bildutako honakoak:

10 ekarpenek osatzen dute “Gramática y aprendizaje de lenguas: perspectivas cognitivas y aplicaciones pedagógicas” uda ikastaroa, HABEk eta EHUk lankidetzan 2004an eratua, eta Legazpi 6ko Joseba Ezeiza, eta Granadako unibertsitateko Jenaro Ortega, Alejandro Castañeda eta José Plácido Ruiz irakasleek eskainia. Gramatika da hitzaldi guztietan ardatz, eta gramatikaren jabekuntza nola hobetu dute mintzagaia.

Maiatzaren 13tik 15era, Govern valencià-k antolatu berri duen “Primavera Educativa” hezkuntza-proiektuaren baitan, eleaniztasunari buruzko kongresua bideratu du Direcció General de Política Lingüística i Gestió del Multilingüisme zuzendaritza orokorrak. Joseba Erkizia HABEren zuzendari nagusia izan da bilkuran partaideetako bat.

2022/2023 ikasturtea akademikoaren hasiera-ekitaldiko "El arte de dar clase (según un lingüista)" izeneko hitzaldian, bere ustez irakasle batek izan behar dituen 7 ezaugarriri buruz mintzatu zaigu Daniel Cassany, Bartzelonako Pompeu Fabra Unibertsitateko ikertzaile eta irakaslea. Hemen ikus dezakezu hitzaldi osoa.

Ekintzara bideratutako ikuspegia aldarrikatzen du Christian Puren-ek emanaldi honetan. Ikaslea gizarte-eragile dela dio, gizarte-proiektu bat burutzen duena: hizkuntzaren ikasketa. Hori dela-eta, ikasgelan gertatzen eta gauzatzen dena ezin simulazioa denik esan, gizarte-errealitatea baizik, besteak beste, ikasleak ikasgelan duen erronka gizarteratuko denean burutu beharko duenaren antzekoa baita. Gizarte-eragileak dira ikasleak jarduera-testuinguru jakin batean: ikasgela.

Seguraski irakasle bat baino gehiago ikaratu egingo da kurrikuluaren berrikuntza hitzak entzute hutsarekin. Izan ere, hitz potoloak dira horiek eta zenbaitentzat ezezagunak, beren sakoneko esanahian bederen. Eta, jakina, ezagutzen ez dugunak beldurtu egiten gaitu. lrakaskuntza etengabeko bilakaeran sartuta dagoenez, beste edozein lanbide bezala, aldaketak bidezkoak eta beharrezkoak ditu. Ez dago, ordea, aldaketak ilunpean eta noraezean egiterik. Ez da zilegi bere lanean saiatzen den irakaslea tupustean eta inolako prestakuntzarik gabe kurrikulu berriaren ezarpen-bideetan jartzea.

Material hezitzaileak diseinatzea erabaki zuen HABEk iaz kurrikuluaren aplikazioaren zabalkundeari begira, orientabide metodologiko eta eredu zehatzagoak eskaintzeko xedez; eta dokumentutik aplikaziora egin beherreko jauzia errazago egiten laguntzeko.