«Nola egituratu ikasunitateak? »«Eta zeren arabera? »Horra hor euskara-irakasleak bere buruari egiten dizkion galderak. Funtsezko arazo hauek ahal den neurrian argitzeko, ZUTABEk gai honi heldu nahi izan dio oraingo monografian.

«Euskara-irakaslearen eskuliburua»n ere argitara emana du HABEk Joanba Bergararen «Klaseko hiru etapa nagusiak: aurkezpena, praktika kontrolatua eta praktika askea» izeneko lana, eskuliburu bati dagokion eran: laburrago eta hainbat adibiderik gabe. ZUTABEk oso-osorik ekarri nahi izan du bere orrialdeetara, oinarrizko lana delakoan.

Monografian erabili den erreferentzi sistema ulertzeko, hau esan behar dugu: letra majuskula baten aurrean zenbaitetan agertzen den zenbakiak «Euskara-irakaslearen eskuliburua »-ren zenbaki bereko kapituluari egiten dio/a erreferentzia; 38-k, esaterako, hirugarren kapituluaren Bata/a adierazten du.

Lan monografiko hori hain luzea izateak ohizko sail batzuk kentzera behartu gaitu, «Euskara aztergai» eta «Elkarrizketa» izenekoak besteak beste. «lrudibidez» sailean, gaitasun hartzaile eta ekoiztekoaren arteko ezberdintasunak aztertzen dira. Bi itzulpenek osatzen dute «Itzulpenak eta lankidetzak» saila: Hutchinson-en artikulu zoragarriak gramatikaren irakaskuntza du aztergai; Morla-k eta Feerick-ek, berriz, prentsa pedagogikoaren alorreko esperientzia baten berri dakarkigute. Be.ti bezala, «Gure mundutxoa»-k ixten du 19. ale hau ere.

Etekinik aterako diozula uste dugu.

Zutabe 19 alearen aurkezpena

Euskalduntzearen langai berriak

Euskara-irakaslearen eskuliburua liburuaren aipamena.

Aste beteko epe motzean egunkari bat berregin, magazine soinoduna moldatu eta bi gida pedagogiko lagungarri asmatzea, horra hor joan deneko bost urte edo gehiagotan Irlandako Hezkuntza Ertainetako irakasle-talde baten urtean zazpi alditako desafioa, hizkuntz arduradun frantses eta Dublingo Trinity College-ko talde pedagogikoaren laguntzarekin burutzen dutena.

Behin batean, eta orain dela gutxi, jaun bat bizi zen, lzkun Tzirakaskuntza izena zuena. Bazeukan honek alabatxo eder bat: Mari Gramarrauskin. lzkun Tzirakaskuntza jauna harro eta guztiz txoraturik zegoen bere alabarekin eta leku guztietan mintzatzen zen neskari buruz. Ez ziren aberatsak, alabaina. Mari Gramarrauskinek eta Hitzulpene neskameak gogoz eta gogor lan egiten zuten. Baina pozik bizi ziren.

- Zer moduz euskaltegian?

- Prímeran. Jendea oso jatorra da eta langiroa ... ezin hobea.

- Honez gero, ondo moldatuko zara euskaraz, ezta?

- Beno ... Ulertu ia dena ulertzen dut, baina hitz egitekoan ...

SARRERA

Ez dago hizkuntzen didaktikan ikasaioa zenbat unetan banatu eta berauei eman behar zaien segida zehazki arautzen duen eredurik. Hala eta guztiz ere, horretatik ezin da ondorioztatu klaseko lanaren ordenak eta nolakoak inolako garrantzirik ez dutenik.

Monografia honetan, eta arazoa argitu nahian, orientabide-sorta bat eskaini nahi dugu, oso zabaldurik dagoen eredu bat proposatuz. Ereduaren gibelean hizkuntzen didaktikan askok onartzen duen ikaskuntz teoria aurkitzen dugu, honela dioena: