Iñigo Astiz kazetariak Leizarragaren itzulpen handia ekarri zuen hizpidera duela hilabete zenbait argitaraturiko "Euskal literatura izan zena eta izan zitekeena" artikuluan. C2 mailako itzulpena, ezbairik gabe. Haatik, testu hartan badira A1 mailan ikasten diren hitzak ere, jakina; oinarrizko lexikoa.

Latinezko -ālis / -āris bukaera izenei erantsi eta adjektibo erreferentzialak (haien jatorrian izan bat dago) lortzen dira. Euskaraz adjektibo horiek -al / -ar bukaeraz eman ohi dira. Hitz-elkarketako arauan aipatu zituen adjektibo erreferentzialak Euskaltzaindiak. Dena den, hainbat termino emateko orduan bikoiztasunak sortu eta ugaritu diren bitartean, beste termino batzuen kasuan, bikoiztasunak saihestu direla ematen du. Bikoiztasunak bikoiztasun, -al / -ar bukaturiko zenbait adjektibo ez dira beti erreferentzial hutsak, eta ezin dira ordezkatu hitz-elkarketaren bidez erreferentzialtasuna adierazten ez dutenean. Horregatik, euskal hiztegiak jaso behar ditu gutxienez erreferentzial izanik adjektibo arrunten (kalifikatzaileen) arlora beren eremu semantikoa handitu dutenak.

Lan honen helburua ikasmaila ezberdinetako ikasleek euren parekoen ahozko komuni-kazio-jarduna eta -estrategiak nola ebaluatzen dituzten aztertzea da. Horretarako, bi tresna ezberdin erabili ditugu: bata, bideo-etiketa bidezko behaketa (Video Enhancing Observation, VEO tresnarekin) eta, bestea, errubrika digitala. Aztertu ditugun ikasle-taldeak bi hauek dira: Derrigorrezko Bigarren Hezkuntzako ikasle-taldea eta unibertsi-tateko ikasle-taldea. Ondoren, bi tresnen erabilerarekin lortu diren emaitzen inguruko hausnarketa egin da, horretarako ikasleei inkesta bidez galdetuta. Bukatzeko, ikasleen esperientzia oinarri hartuta, horien parte-hartzea deskribatu da eta, komunikazioko ar-loari erreparatuz gero, arreta handiena non jarri duten aipatu: errubrika bidez egindako ebaluazioan ala bideoan oinarritutakoan. Emaitzen arabera bai unibertsitateko ikasleek bai DBHko ikasleek uste dute egokiagoa dela bideo-etiketa bidezko behaketa, ahozko jarduna hobetzeko eta horri buruzko atzeraelikadura emateko.

https://doi.org/10.54512/LALI2532

Euskaltzaindiak berriki sortu du Euskara Eskuz Esku (EEE) proiektu berria, Ipar Euskal Herrian aditu ez diren zenbait hiztunen zalantza euskara batuaren erabilera egokiari buruz argitzeko eta zailtasunak bideratzeko. Webgunearen helburu nagusia arauak aurkeztea da eta Ipar Euskal Herriko berezitasunak azpimarratzea, bereziki euskara batuan onartutako Iparraldeko formak lehenetsiz.

Ikasteko erabil daitekeen material ugari dugu Interneten; ondo aukeratzea izaten da kontua. Hala, Moodle-i buruzko bideo laburrak edo bideo-tutorialak ere badaude interesaturik dagoen edonoren eskura, YouTuben besteak beste.

Zer gertatuko litzateke ikasleei “hitzik gabeko liburu bat irakurriko dugu gaur” esango bagenie? Galdera hau egin du Ximena Mirandak argitara eman den sarrera batean. Izan ere, liburu isilen (silent books) erabilerari buruzko hausnarketa eta proposamenak plazaratu ditu. Hitzik edo ia hitzik gabeko liburuak dira liburu isilak. Haurrentzakoak direla pentsa daitekeen arren, gazte zein helduekin ere erabil daitezke hizkuntzen eskoletan.

Euskal Idazleen Elkarteak eta Euskaltzaindiak aurrez aurreko ikastaro bi antolatu dituzte azarorako. Euskara Batuaren Eskuliburua (EBE) egoki erabiltzeko eta bilaketak ahalik eta modu eraginkorrenean egiteko gako batzuk eskainiko dira saio hauetan, Andres Alberdi EBEren batzordeko buruaren eskutik. Dohainik izango dira, baina izena eman behar da azaroaren 12ra bitartean (EIEko bazkideek izango dute lehentasuna)

210 marrazki jarri ditu interesaturik dagoen edozein pertsonarentzat eskura Nafarroako Euskararen Irakaskuntzarako Baliabide Zentroak.