Jadanik, badira sei urte 2000-2001 eta 2006-2007 bitarteko ikasturteak aztertu zirenez geroztik (Elortza eta Perales, 2008) eta, beste hainbeste ikasturte igaro direnez, abagune egokia iruditu zaigu, luze eta zabal erreparatzeko helduen euskalduntzean azken sei ikasturteotan egindako bideari.

Azterlan honek 2000-2001 ikasturtetik 2006-2007 ikasturtera bitartean EAEn HABEren babespean euskara irakasten eta ikasten aritu diren helduen profila eta horiek egindako lana aztertzea du helburu.

Pausaje arineko ibiltaria dugu gizartea. Aldioro-aldioro ari dira premia berriak sortzen. Eta denok nahi dugu gizarte horrekin maila publikoan nahiz pribatuan konpromisoa hartua dutenek premia horiei ahalik eta azkarren eta eraginkorren erantzutea. Euskara biziberritzeko alorrean eta, bereziki, euskalduntze-alfabetatzean ari garenok argi eta garbi ikusten dugu geurean ere gizarteak duen abiadaren isla.

Ikas-irakas prozesuarekin zerikusirik duen ororekin du kurrikuluak lotura zuzena nahiz zeharkakoa. Berrikuntza kurrikularra ez da desafio makala, tokian tokikoari eta garaian garaikoari bete-betea eta beti erantzuten asmatzea.

Bigarren urratseko talde batean ikasturtea hamalau ikaslerekin hasi bazen ere, bi baja eta talde-aldaketa bat zela medio, hamaikak bakarrik amaitu zuten ikastaroa. Horietatik kurtsoaren ebaluazio-frogara hamar aurkeztu ziren, honako emaitzak lortuz: seik dena gainditu, batek "hizkuntz formak" atala suspenditu eta hiruk dena gaizki egin zuten. lkastaroan eginikoa eta frogak erakutsitakoa aztertu ondoren, seik gainditu zuten urratsa, batek "hizkuntz formak" atala suspenditu, eta beste laurak ikastaroa errepikatu beharrean geratu ziren.

Urratsa errepikatzeko moduan zeudenetariko batek utzi egin zuen, eta beste hiruei bigarren arretseko 001 edota 002 taldeetara pasatzeko aukera eman zitzaien. Horietako bik proposamena ontzat eman zuten, erreleboan tan egiten zutenez onda baitzetorkien. Hirugarrenak, aldiz, klasean piper ugari egiten zuen horietakoa, ez zuen onartu, hirugarren urratsean ahaleginduko zela adieraziz.

Nota ulertu azken ikasle honen jarrera?

Zein dira, zure ustez, jokabide horren arrazoiak?

Zer egingo zenuke zeuk ikasle horrekin? Eta zergatik?

J.F. Hamers Euskal Herrian izene da duela gutxi, gure Unibertsitateak hainbat ekintza akademiko eta ikerketatan parte hartzera gonbidatuta. Gure artean zeta egin genuen elkarrizketa hau, bere lana eta zaletasunak eta gure egoera soziolinguistikoaz duen ikuspegia ezagutu nahian.

Hamabi urte bete ditu HABEk eta hamabi betetzear dago HABESEA legea (Helduen Alfabetatze eta Berreuskalduntzerako Erakundea sortarazteko eta euskaltegiak araupetzekoa). Bi urtemuga horiek ospatzeko izan berri diren jardunaldietan, HABEren proiektu didaktikoa izan dugu mintzagai eta datozen urteetako jardunbidea gogoetagai. ZUTABE aldizkari honek ere bete du bere urtemuga: lehen alea kalera zeneko hamargarrena.

Hizkuntzalaritza eta hizkuntzalaritza aplikatuaren urratsez urratsezko deskribapenak taxutu du lan hau. Ezaupide linguistikoak hizkuntz irakaskuntzan jardungo dutenei mesede egingo dielakoan. Horretarako, oso gogoan hartu da hizkuntz irakaskuntzaren alorrean hizkuntzaz jabetzea dela helburu: eta hizkuntzalaritzan, hizkuntza ikertuko duen zientzian, hizkuntzaren deskribapena abiapuntu.