Ekintza komunikatiboa: Aldizkari espezializatuetan bere arloko testu konplexuak zehatz-mehatz ulertzea, baita bere arlokoak ez direnen mezu nagusiaz jabetzea ere.

Gaitasun estrategikoa norbanakoaren gaitasun komunikatiboaren osagaietako bat da. Bere horretan ez da helburu didaktiko, baizik eta baliabide bat, errazten duena H2n lortu beharreko hizkuntza-gaitasunaren ikaskuntza. Ondorioz, irakasleen programazioan txertatzean, kontuan hartu behar da diseinatzen diren jarduerek nahikoa argi eskatu behar dituztela estrategia egokiak, zertarako-eta hizkuntza erabiltzeko jardueretan sortzen diren eragozpenak gainditzeko.

Daniel Cassanyren hitzaldia Berritzegune nagusian. Digitalizazioaren eraginez irakurketa berria nola ari den aldatzen eta zer joera indartuko diren aztertzen du. Youtubeko bideoan hitzaldia bere osotasunean dago. Gainera erantsitako dokumentuan Luis Mari Txabarrik hitzaldiaren gainean sortutako mapa-mentala duzu, bideoaren atal jakinetara jotzeko aukera ematen duena eta, aldi berean, sintesi modua dena.

Felipe Zayasek hitzaldi bat eman zuen gaztelaniaz 2013n HABEk antolatutako Ikastaroen barruan, "Qué se entiende por lector competente" izenburupean.

Irakurtzeko zer trebetasun eta estrategiak dituzte irakurle gaituek? Galdera honi emandako erantzunak ondorio garrantzitsuak izango ditu irakaspenaren planifikazioan. Irakurle gaituaren profila definitzen lagunduko digu PISAren marko teorikoak

Bideo honetan, hitzaldi osoa duzue entzungai.

2014/2015 ikasturtea akademikoaren hasiera-ekitaldiko "Paperetik ahora, ariman barrena" izeneko hitzaldian, Julia Marin irakasleak zer egin behar den euskara komunikatiboa izateko ideiak eskaini zizkigun.

Hemen ikus dezakezu hitzaldiaren zati esanguratsu bat.

Jose Luis Verak hitzaldi bat eman zuen gaztelaniaz 2014an HABEk antolatutako Ikastaroen barruan, "Incorporación de mapas conceptuales para activar las destrezas receptivas, productivas, interactivas y de mediación" izenburupean.

Bideo honetan, hitzaldi osoa duzue entzungai.

Montserrat Vilàk hitzaldi bat eman zuen 2012an HABEk antolatutako Ikastaroen barruan, "La interrelación entre comprensión y expresión oral: la lectura pública como actividad comunicativa" izenburupean.

Hitzaldi honek ideia hau du abiapuntu: ahozko ulermena eta adierazpena elkarrekin erlazionaturik daudela, eta elkarren osagarri direla. Bestalde, hitzaldiak bi helburu ditu. Alde batetik, ikasleek ahozko eta idatzizko ulermenean dituzten zailtasunik ohikoenak (linguistikoak, kulturalak, diskurtsiboak…) aztertu nahi ditu; eta, beste alde batetik, ahots gorako irakurketa balio komunikatibodun jardueratzat duten eta testuak ulertzeko eta jendaurrean irakurtzeko orduan eragina duten estrategia metodologikoen gaineko hausnarketa egin nahi du.

Bideo honetan, hitzaldi osoa duzue entzungai.

Bigarren hizkuntzaren irakaskuntzan literatura irakasten denean, bazter utzi ohi da erabat eleberria. Irakaskuntza komunikatiboan literatura, era batean edo bestean, txertatu denean, begien bistako arrazoien indarrez, narrazio motza, antzerkia eta horien antzeko jeneroak hobetsi izan dira.

Nire eskarmentuak, ordea, erakutsi dit eleberriak sakontasun handiko aukera zirraragarriak eskaintzen dituela ikaslearengan ardaztutako irakaskuntza elkarreraginezkoan. Ernest Hemingwayren eleberriei buruz goi-mailako ikasle batzuei emandako literatur ikastaro batean oinarrituta, hainbat teknika berritzaile azalduko ditut, irakasleari beste ezein baino eskurago daukan baliabide bat erabiltzeko modua ematen diotenak: ikaslea bera, alegia.