Teknologiak hizkuntzen irakaskuntzan eta ikaskuntzan duen eraginari buruzko itxaropenek askotan gainditu egin dituzte benetako emaitzak; izan ere, maiz uste dugu teknologia sortu berriak eraginkorragoak direla lehendik zeudenak baino, besterik gabe berriagoak direlako, lotutako pedagogietan dauden aldeak ia kontuan hartu gabe (ikus Bax, 2003; Levy eta Stockwell, 2006). Askotan uste dugu teknologia berez dela motibatzailea ikasleentzat, eta autonomiaren garapenari lotuta dagoela. Teknologiaren errealitateak eta hark motibazioan duen eragina lehen begiratuan hautematen dena baino konplexuagoak direla ari da agertzen, bai irakasleentzat, bai ikasleentzat (Stockwell, 2013). Teknologiak aukerak eskain diezazkieke motibatuta dauden ikasleei, baina, ikasle askoren kasuan ez dirudi motibazioa pizteko edo jokabide autonomoa bultzatzeko gai denik, baldin eta ez badira teknologien funtzioei edo aukerei etekina aterako dieten pedagogia egokiak erabiltzen eta ez bada teknologiak hizkuntzak ikasteko nola erabili jakiteko prestakuntza nahikoa ematen (ikus Reinders, 2018a). Era berean, irakasleek ikasgelan duten rolak, beren ingurunearekiko duten jarrerak eta jasan behar dituzten presioek (Mercer eta Kostoulas, 2018) ere eragina izan dezakete teknologiaren inplementazioan. Artikulu honek elkarri lotutako hiru arlo biltzen ditu, eta teknologiarekin nola lotzen diren aztertzen du: ikaslearen motibazioa eta autonomia, irakaslearen psikologia eta kontuan hartu beharreko alderdi pedagogikoak.

https://doi.org/10.54512/VLRC6668

La afectividad en el aula de lenguas

Ikastaro honetan ahozko eta idatzizko testuen ekoizpena irakasteko sekuentzia didaktikoen diseinua landuko da. HEOCari jarraituta, ikuspegi komunikatiboa eta ekintza-ikuspegia hartuko dira ardatz, eta testu-generoetan oinarritutako hizkuntzen didaktikaren oinarrietan jarriko da arreta. Langai izango dira testuen eta testu-generoen definizioak eta karakterizazioak, testuen arkitektura, testu-generoen eredu didaktikoa eta sekuentzia didaktikoak. Irakasleek ahozko/idatzizko testuen ekoizpena lantzeko sekuentzia didaktikoen elementu batzuk diseinatuko dituzte ikastaroan zehar. Sekuentzia didaktiko horien diseinuan, arreta berezia eskainiko zaie irakasleak ekintza komunikatiboa bideratzeko sortutako kontsignan ezarri diren komunikazio parametroei; hau da, ikaslearen hizkuntza-ekoizpena bideratzeko sortutako komunikazio-ekintzaren baldintza komunikatiboei.

Ikastaro honen bitartez jendaurrean hitz egiteko trebetasuna eta ziurtasuna garatuko da. AEKko kideek azaldutako beharrak ikusita, bi gai jorratuko dira nagusiki. Alde batetik, beldurrak identifikatu eta aztertuko dira, beldur horiei aurre egiteko teknikak praktikan jarriz. Bestetik, diskurtsoaren osaketan jarriko da arreta: nondik hasi ideiak josten, nola egituratu, zer hartu eta zer baztertu. Metodologia parte-hartzezkoa izango da, teoria, talde-hausnarketa eta praktika uztartuz.

Ikastaroa planteatuta dago C2n hasi berriak diren irakasleentzat edo, C2 agiridunak izan arren, C2ko eskolak ematen hasi gabeentzat. Ikastaroaren helburu nagusia da irakasle horiek C2ko eskolak emateko prestatzea.

Interakzionismo Sozio-Diskurtsiboaren (ISD) VII. Nazioarteko Kongresua izango da Donostian uztailaren 5etik 7ra, UPV-EHUren Uda Ikastaroen barruan."Mintzaira-jarduera: ikerketak eta praktikak mundu eleaniztunean" du izenburu. Kongresua, hizkuntza gutxituei eta hizkuntza-aniztasunari arreta berezia (baina ez esklusiboa) eskaintzen dioten lau ardatzen inguruan dago egituratuta. Hizlarien artean, J.P Bronckart eta Joaquim Dolz izango dira, besteak beste. Bestelako ekarpenak ere izango dira, hala nola ahozko komunikazioak, sinposioak eta posterrak. Online edo aurrez aurre (aforo-mugaren arabera) parte hartzeko aukera izango da.Izena emateko epeari dagokionez, maiatzaren 31n bukatuko da. Hala ere, entzule moduan parte hartzeko epea zabalik egongo da kongresuaren egunera arte.

Dagoeneko erabilgarri dugu Primeran! B2 ikasmateriala. Joera didaktiko gaurkotuenei helduta, teknologiak eskaintzen dituen baliabideak uztartu zaizkio euskarri fisikoari, jardun biko ereduan erabiltzeko ikasmaterial aitzindaria osatzeko.

Artikulugileek argitalpenaren ikuspegi zabala eskaini digute. HEOCaren mailakatze-eskeman kokatuta, egitasmoa gidatu duten irizpide metodologiko nagusiak azaldu ondoren, ikasmaterialak erabiltzaileari proposatu dizkion baliabideak aurkeztu dituzte: Ikaslearen liburua eta hura elikatzeko ezinbesteko ikus-entzunezko materialak eta jarraibideak. Era berean, Primeran! B2 erabiltzeko argibideak eman dituzte. Ikastunitateen egitura didaktikoa argitu dute, eta jardun biko ikasteredua nola uztartzen zaion metodoari azaldu dute.

https://doi.org/10.54512/OAUD9512

Ikastaro hau ikaskuntza-egoerak antolatzeari buruzko euren ezagutzak garatu edo finkatu nahi dituzten euskararen irakaskuntzako irakasleei eta profesionalei zuzendua dago, bereziki kontuan harturik hizkuntza baten ikaskuntza-irakaskuntza prozesuan bizi ohi diren sentimenduekin lotutako alderdiak. Horretarako, psikologiari, hezkuntzari, didaktikari eta neurozientziari buruzko ikerketek eskaintzen dizkiguten erreferentzia-marko teorikoei erreparatuko zaie. Motibazioari, ikas-estiloei, talde-dinamikei eta abarrei buruz hitz egingo da. Horrekin guztiarekin batera, ikaskuntza esanguratsuagoa, eraginkorragoa eta gogoangarriagoa lortzeko gaurgero ikasgelan arrakastaz praktikan jarritako adibideak eta proposamenak eskainiko dira. COVID-19ak eragindako egoera berezia kontuan hartuko da, baita bere ondorioak ere ikasleen motibazioan eta sentimenduetan.

***

El curso está dirigido a profesores y profesionales la enseñanza del euskera que deseen desarrollar o consolidar sus conocimientos sobre la organización de situaciones de aprendizaje teniendo en cuenta especialmente los aspectos relacionados con los sentimientos que se experimentan durante el proceso de enseñanza-aprendizaje de una lengua. Tendremos en cuenta para ello los marcos de referencia teóricos que nos ofrecen los estudios sobre psicología, educación, didáctica y neurociencia. Hablaremos sobre motivación, estilos de aprendizaje, dinámicas de grupo, etc. Todo ello irá acompañado de ejemplos y de propuestas de aplicaciones prácticas ya llevadas al aula con éxito para lograr un aprendizaje más significativo, eficaz y memorable. Se tendrá en cuenta la particular situación desembocada por el COVID-19 y su repercusión en la motivación y los sentimientos del alumnado.