Bideoteka
H365 – 2014/2015 ikasturtearen irekiera-ekitaldia: Paperetik ahora, ariman barrena
- Atala:
- Egilea:
- Dokumentu-mota:
- Trebetasunak:
- Jarduera motak:
- Conference
- IFB zenbakia:
- 103
- Bideotekak:
- IFB Irakasleen formaziorako bideo-saila
- Ikasturteko hasiera-ekitaldiak
- Atala:
- Egilea:
- Dokumentu-mota:
- Trebetasunak:
- Jarduera motak:
- Conference
- IFB zenbakia:
- 103
- Bideotekak:
- IFB Irakasleen formaziorako bideo-saila
- Ikasturteko hasiera-ekitaldiak
- Bisitak: 999
- Iruzkinak: 0
- Gogokoak: 1
Gaur egun, asko hitz egiten dugu
euskararen bizi-indarraz. Kezkatuta gabiltza ezagueraren eta
erabileraren arteko desoreka dela eta. Irtenbideak bilatzen hasita,
badirudi euskararen sustatzaile eta eragile guztiak kontsentsu zabala
lortzen ari direla. Hizkuntza Politikarako Sailburuordetzak ere
jarraibide argiak eman berri dizkigu: euskarak arnasguneak behar ditu;
erabilera sendotzea dugu erronka nagusia, batez ere esparru
ez-formaletan; euskararen erakarmena bilatu behar dugu, eta lehentasuna
jarri aisialdi esparruko jardueretan, denok elkar hartuta.
Egia da. Oso onuragarria litzateke egitasmo berezituak diseinatu eta artikulatzea, lankidetzan, interesgune horiek guztiak zaindu, sustatu eta hedatzeko. Eta aisialditik kanpo, zer? Zer egin dezakegu irakaskuntza alorrean arnasguneak bilatzeko? Erakargarria da gure ikasleei transmititzen diegun hizkuntz eredua? Motibagarria eta baliagarria zaie eremu ludikoan euskaraz modu funtzional eta naturalean jarduteko, ahoz eta idatziz, eta komunikazio-egoera bakoitzak eskatzen duen erregistroan.
Bideo honetan, hitzaldi osoa duzue entzungai.Beste eduki interesgarriak
299 – Ahoskera – Ahots gorako irakurketa: paperetik ahora (II): Testu-interpretazioa
Testu idatzia gauza hila da: buruarekin sortu eta buruarekin deskodetzen da. Ahozko komunikazioak parte-hartze aktiboagoa eskatzen dio hiztunari. Burua beharrezkoa da noski, gogora datozkigun irudien gainean eraikitzen baitugu ahozko jarduna (ezinezkoa da ikusten ez duguna kontatzea), baina ez da nahikoa. Hitz egiteak gure izate osoaren inplikazioa eskatzen digu: emozioak, gorputza, arima, kadentzia, erritmoa, arnasa…
Ahoskera eta prosodia euskararen irakaskuntzan
Artikulu honek helburu du euskara-irakasleei gogoeta eragitea, euskararen ahoskerari eta prosodiari buruz, eta, aldi berean, gaitasun prosodikoa garatzeko jarraibide eta argibideak ematea. Bide hori egiteko, Axularren Gero maisu-lanaren “Irakurtzaileari” deritzon atalean oinarrituta, “Irakasleari” aitzinsolasean azaldu da aferaren muinaren jatorria. Ondoren, zer-nolako ibilbide urri eta malkarra izan duen ahoskerak euskararen irakaskuntzan, eta, berrikiago, Helduen Euskalduntzearen Oinarrizko Curriculumean (HEOC) nolako isla daukan alderdi fonologikoak gaitasun fonologikoaren barruan; ebaluazioan ere azaltzen da mailaz maila. Ahoskerak ere izan du Euskaltzaindiaren arreta, eta EBAZ arauaren berri ematen da: euskara batuaren ahoskera zaindua. Aurrerago ahoskeraren eta prosodiaren inguruko proposamenak eta ikerlanak berbabide, hauxe garatzen da: Txillardegiren euskal azentuaren inguruko proposamena eta hari buruzko artikuluaren aitzindaritasuna azalduz; ahoskera lantzeko argibideak eta jarduerak, Euskal Herriko Unibertsitateko irakasleek egindakoa, eta, ahoskeraren gaineko oso lan interesgarria. Azkenik, teoria guztia praktikan ipintzeko, proposamen curricular eta didaktikoa egiten da, gaitasun prosodikoa HEOCean txertatu eta hari buruzko jakintza eta kontzientzia zabaltzeko. https://doi.org/10.54512/KRLR9470
Ahoskeraren lanketa didaktikoa (bideo-laburpena)
2023/2024 ikasturtea akademikoaren hasiera-ekitaldiko "Ahoskeraren lanketa didaktikoa" izeneko hitzaldian, zenbait hitz eta letra baliatuz atzekoz aurrerako hurrenkera alfabetikoan paisaia bera leiho desberdinetatik ikusteko saioa eskaini zigun Lourdes Oñederra fonologia-ikerlariak. Hemen ikus dezakezu hitzaldiaren zati esanguratsu bat.
H232 - La personalidad social y emocional del docente: Lectura y emoción
Rafael Bisquerra Alzinak (gaztelaniaz) hitzaldi bat eman zuen 2008an HABEk EHUrekin batera antolatutako Ikastaroen barruan, La personalidad social y emocional del docente: Lectura y emoción" izenburupean. "El profesor de lenguas/ I: personalidad y docencia" ikastaroa eratu zuten EHUk eta HABEk, Donostiako XXVII. Udako Ikastaroen barruan. Bideo honetan, hitzaldi osoa duzue entzungai.