Bideoteka

Emozioak eta hizkuntzen eskurapena (bideo-laburpena)

Published: Tuesday, 29 April 2025, 11:49 AM
Jon Andoni Duñabeitia

 Jon Andoni Duñabeitia irakasleak Emozioak eta hizkuntzen eskurapena izeneko hitzaldia eman zuen 2018-19 ikasturtearen irekiera-ekitaldian.

 Ikas-irakas prozesuak emozioak ukitzen dituzten jardueretan oinarritzea 

 Jon Andoni Duñabeitia zientzia kognitiboan aditua da, eta emozioak eskoletan lantzearen garrantzia azpimarratzen du hitzaldian. Esate baterako, norbere gustuak, zaletasunak eta horrelakoak jorratzeak ikasprozesua bizkorrago eta hobeki ikasten laguntzen duela dio. Era berean, bi hizkuntza edo gehiago ikasgelan erabiltzeak dituen abantailak aipatzen ditu, baita tarteka ama-hizkuntza erabiltzeak ere. 

 Hona hemen hitzaldiaren ideia nagusi batzuk: 

  • Hizkuntzen eta emozioen arteko lotura estua: hizkuntzak emozioak transmititzeko eta sentitzeko gaitasuna du.
  • Elebitasunak edo eleaniztasunak emozioen bizipenean duen eragina: hizkuntza ezberdinetan hitz egiteak emozioak adierazteko eta jasotzeko moduan aldaketak ekar ditzake.
  • Hizkuntza bakoitzak emozioekin duen lotura berezia: hizkuntza jakin batean bizi izandako esperientziak beste hizkuntza batean gogoratzean, emozioen intentsitatea aldatu egin daiteke.
  • Hizkuntza eta nortasunaren arteko harremana: hizkuntza pertsona baten nortasunarekin eta identitate emozionalarekin estuki lotuta egon daiteke.
  • Hezkuntza eleaniztunaren onurak: Europako Batzordeak eleaniztasuna sustatzea du helburu hezkuntzan 2004tik, eleaniztasuna garatzeak emozioen kudeaketa eta gaitasun sozialak hobetu ditzakeelako.  
Show comments

Other interesting content

María del Carmen Méndez

Learning by feeling: sentimenduen bidetik ikasi. Gerora gogoratuko diren jardueren diseinu eraginkorra, atzerriko hizkuntzen (AH) eskolan
Edozein ikasprozesu izaten da konplexua, baita atzerriko hizkuntzen irakaskuntza formalean gertatzen dena ere, eta denbora behar izaten da arrakasta lortzeko. Hori dela eta, beharrezkoa da eskoletako esperientziak aztertzea eta berrikustea, datu enpirikoak izateko; izan ere, datu horiek antolatuta eta sistematizatuta, ikasgelara eraman daitezke, irakaskuntza-praktika hobetzeko. Artikulu honetan, atzerriko hizkuntzen ikaskuntzarako jardueren gainean hausnartu nahi dugu, ulertzeko zer duten bereizgarri egokitzat eta eraginkortzat jotzen ditugun jarduerek. Gero, lortutako ondorioekin, jarduerok dituzten elementuen zerrenda bat zirriborratuko dugu, inbentario hori gidari izan dezagun bihar-etzi material berriak diseinatzen ditugunean. Lan honetan, neurodidaktikaren oinarriak eta aurkikuntzak hartu ditugu kontuan, baita ikasprozesuko afektibitateari buruzko ikerketenak ere.
Open
Eneko Anton eta Jon Andoni Duñabeitia

Elebitasuna, bi hizkuntza hitz egitea baino gehiago
Elebidun izateak baditu ondorioak, hizkuntza baten baino gehiagotan komunikatzeko gaitasuna izateaz gain. Hori horrela, elebidunen eta elebakarren arteko alderaketek zientzialari askoren interesa piztu dute aspalditik. Artikulu honetan, ondorio linguistikoei eta kognitiboei erreparatuko diegu, ondorio positiboei zein negatiboei, eta horretarako hainbat ikerketaren emaitzetan oinarrituko gara. Halaber, “abantaila elebidunaren” hipotesia aurkeztuko dugu
Open
Jon Andoni Duñabeitia

2018-2019 ikasturtearen irekiera-ekitaldiko hitzaldia: Emozioak eta hizkuntzen eskurapena
“Emozioak eta hizkuntzen eskurapena” hitzaldian lehenengo hizkuntzen, bigarren hizkuntzen eta atzerriko hizkuntzen jabetzan zerikusia duten testuinguru emozional pluralen berri eman zuen Duñabeitia jaunak. Hizkuntzak eskuratzen diren testuinguru afektibo desberdinen ondorioz, gaur egun, hizkuntza horiekiko urruntze emozionala senti lezakete hainbat ikaslek, eta tarte emozional horrek, hizkuntzak eskuratzea zailtzeaz gain, pertsona horien inguruarekiko harremana oztopatu dezake, “diglosia emozional” deituriko konstruktua egia bihurtuz.
Open